HIZIQEELI 16:27 - Qullaawa Maxaafa

²⁷ «Xa kayinni, ate qorichishatenna qeechakki ikkinoha atoote'ya atewiinni haa're hoolate anga'ya diriirsoommo. Foorrekkinni kainohunni gibbannoheriranna tiyyidhannoherira Filisxeemootaho sayise oommohe.

HIZIQEELI 16:27 ပူးပေါင်းရင်းမြစ်များ

LAYINKI MOOTOOLLA 24:2

Kaaliiqi soqqamaanosi himanaanote widoonni qole Yihuda hunate coyi'rino coyi wo'manno gede horritannore Baabiloonoota, Sooriyoota, Moaabootanna Amoonoota Iyoaaqeemi aana kayisi.

FAARSO 106:41

Allaggu angara sayise uyinsa; diinnansano gashshaanonsa ikkitu.

ISAYAASI 3:1

Kune Olantote Mootichi Kaaliiqi mannu hexxinore sagale, waanna wole coye baala Yerusaalametenninna Yihudunni haa're hoolanno.

ISAYAASI 5:25

Kaaliiqi mannisira lowo geeshsha hanqino; qorichishansara anga kayise no; ilaalla shafantanno; mannu reeshshi ishinu gede doogga baalate uwanno. Tenne giddoonni Kaaliiqi hanqi diqiidanno; xaano qorichishansara qixxaawe no.

ISAYAASI 9:12

Isino soojjaatinni Sooriyoota, galchiminni Filisxeemoota soye egemmitannonsa gede assi. Kunni baalu giddoonni hanqisi kayinni diqiidino. Angasi insa qorichishate ka'inowiinni dihiggino.

ISAYAASI 9:17

Kunnira, Mootichu wedellansa qorichishanno; galte shii'rino meentonna annanna ama afidhinokki ooso dimararanno; baalunku Kaaliiqira badhe wodhino. Afiinsanni fulanno coyi baalu xagarrote. Insa qorichishate angasi ka'inowiinni dihiggino; tenne giddoonnino hanqisi diqiidino.

ERMIYAASI 34:21

«Yihudu moote Sedeqiyaasinna roorroota baala shaara hasanno diinira sayise eemmo. Qasa agurte noonsarira Baabilooni moote olantora galagalche sayise eemmonsa.

HIZIQEELI 14:9

«Mittu himanaanchi dogame kapho himanannoha ikkiro, kapho himananno gede assoommohu ani Kaaliiqaati. Ikkirono, giwe manni'ya mereerinni iso fushshe huneemmo.

HIZIQEELI 16:37

Kunninni kainohunni, baxoottansarinna giwoottansari lede, hakkore albi ellakkino gamba asse abbeemmo. Insano gaangeessitannohe gede asseemmo. Imaanakkino mulqe teedikki albansaanni reqecci yaanno gede asseemmo.

HIZIQEELI 16:47

Hoodensa hadhe insa assitannore assatenni digalfatootta? Roorenka shiima yanna gedensaanni assootta coyi baalunkunni insa dansoottata ikkootta.

HIZIQEELI 16:57

Hattonni loosootta bunshe baala leeltara albaanni, Soddooma haariimootta. Xa kayinni, atinni ise gedeeta ikkootta; xa ati Edoomootaho, Filisxeemootahonna giwannohe olliira haariimo ikkootta.

HIZIQEELI 23:22

Kaaliiqi, «Ohooliiba, ani Mootichu Kaaliiqi yeemmohere macciishshi; hakkuri ellakki cee'mishshinohe. Kayinnilla, insa atera hanqitanno gede asseemmo; doyissite amaddannohe gede insa haa're kawiira abbeemmo.

HIZIQEELI 23:25

Ani atera hanqoommo daafira, insano hanqinsanni ate aana hasidhure assitanno gede agureemmo. Sanokkinna maccuwakki murtanno; oosokkino shitanno. Gattinore oosokkinna seennekki atewiinni hawulukke haadhe giirtanno.

SOFFOONIYAASI 3:19

Shetissannohere baala hatte yannara qorichisheemmo; laaffinore baala gatiseemmo. Shorrantinoreno qole gamba asseemmo; shollinyensano ayirrinyeho soorreemmo. Shollitino darga baalaho, ayirradunna galatamino su'mire asseemmonsa.

YOHAANNIS AJUUJA 17:16

Laittoti tonne buuddanna moyichu, foortanno mancho gibbannose; afidhinore baala mulqite mullicho agurtannose. Maalase ittanno; giirateno tuggannose.