HIZIQEELI 16:25 - Qullaawa Maxaafa

²⁵ Kunni garinni jajjabba doogga gama kaphu maganna magansi'nanni darguwa qixxeessidhe atenee shollishootta; dayi baalira manninatekki sayisse ootta; barru barrunkunni foorrekki batisootta.

HIZIQEELI 16:25 ပူးပေါင်းရင်းမြစ်များ

KALAQAMA 38:14

Kunnira, Taamaari gunnimmate uddano soorridhe alba uddanotenni diphite Temina massitanno doogo gama Enayimi Katama e'nanniwa marte ofoltu. Hatto assitinohu Sheela adhate iille hee'reennanni Yihudi adhannota hasi'rinokkita affinohuraati.

KALAQAMA 38:21

Isino gobbate mannira, «Enayimi Katama e'nanni doogo gama ofoltannoti foora mancho hiikka higgu?» yee xa'mi. Mannuno, «Kawiicho foora mancho dino» yiisi.

ISAYAASI 23:17

Lamalawu diri gedensaanni Kaaliiqi Xiroosi towatanno; albi loosisira hige foora mancho gede baattote aana noo gashshaano baalate ledo qiniite gamba assi'ranno.

ISAYAASI 3:9

Laihu baalu bunshensa albinsa aana afanno; Soddoomu manni gede cubbonsa goltukkinni xawoho hasaabbanno. Uminsa aana bao abbidhino daafira insara aanne'e!

ERMIYAASI 11:15

Kaaliiqi Yihudu mannira, «Ki'ne baxeemmo'ne manni busha coye assitinanni heedhinoonni. Qullaawu Mini'ya giddo hee'ra maminni dandiitinanniyya? Kakkalo'ne baotenni digatissanno'nena ji'la'ne agurre.

ERMIYAASI 3:2

Hanni hakka gaaru widira qolte lai; kaphu magannakki ledo fooroottakki dargi nooni? Mulqi'rara dubboho maaxame agaranno addi-fuli gede, atino doogote gama ofolte ellase agadhitanno mancho gede bunshekkinninna ammanama hoogakkinni baatto batteessootta.

ERMIYAASI 3:20

Ki'ne kayinni, ayiddaannase agurte hadhino mancho gede ikkitinoonni; ammanama hooga'nenni ane agurtinoonnie. Konne coye coyi'roommohu ani Kaaliiqaati.

ERMIYAASI 6:15

Konne battete coye baala assansanni saaltinoni? Horo hanukkino diyitino; saalu maatirono diegentino. Kunnira wolootu ubbu gede insano ubbanno; qorichisheemmonsa yannara, hakkiichi gawalonsa ikkanno. Konne coye coyi'roommohu ani Kaaliiqaati» yii.

HIZIQEELI 16:15

« ‹Kayinnilla, konne biinfillekkinna egennamakki ku'lite dayi baalii ledo foorootta.

HIZIQEELI 16:31

Doogga baalate kaphu maganna magansi'ratenna foorate seyannohe darga qixxeessi'rootta. Wolootu gede woxe nafa adhittakkinni fooratta.

HIZIQEELI 23:32

Mootichu Kaaliiqi, «Kuneeti rodookki aggino finiinchira agatta; kuni qarrino, lowohonna fullannikkiho. Mannu baalu haariimanni arrassannohe; qarrikki finiinchino wo'maho.

NAHOOMI 3:4

Kuni baalunku ikkinohu, Nennewe foorrenni kainohunniiti. Qoleno, biinfillisinninna wojji assitanno xummesinni, dagate mootoolla baalanta woshshaade amade, angasi galtanno gede assinohuraati.

YOHAANNIS AJUUJA 17:16

Laittoti tonne buuddanna moyichu, foortanno mancho gibbannose; afidhinore baala mulqite mullicho agurtannose. Maalase ittanno; giirateno tuggannose.