21 ooso'ya gorrite kaphu magannara kakkalootta.
Tenne dagate magannara oosonsa seennenna labballo shilqote kakkalo assite shiqishshino. Kiilaanonna qaalloole mala xa'midhino. Kaaliiqi giwanno coyira umonsa sayisse uyite iso hanqissino.
Ilinoha beettosi shilqote kakkalo asse shiqishino. Qoleno kiilanninna hellee la"anni qaallichimmatenninna ekera hasaawisatenni hee'rannoha ikkino. Kunni garinni Kaaliiqi giwanno coye asse iso hanqisino.
Iyosiyaasi Hinoomi Lagichira nooha Tofeeti yinanniha dagate maganna magansi'nanni darga lageessi. Kunni garinni labbaaha woy meyata beettosi Molookira shilqishannohu hee'rannokki gede assi.
Hinoomi Lagichira hixaana giire, Israeele hattenne baatto ragidhu waro Kaaliiqi shorre hunino gosata tiyyi'nanni woga amade, umisi ooso kakkalino.
Qoleno, oosonsanna seennensa, Kana"aani gobba magannara kakkaltu.
«Israeelete manni giddonni umo ilaminohunna saadate giddonnino umo qalaminohu baalu aneha ikkanno gede badie» yiisi.
Ani hede, coyi'renna hajaje egennoommokkiha ooso giirate shilqinshe Ba"aalira kakkallanniha kakkalote darga seekkitino.
Uminsata bayira ooso nafa kaphu magannara kakkalte umonsa batteessitanno gede facci asse aguroommonsa. Konne assoommohuno qorichishammonsaranna ani Kaaliiqa ikkoommota leellishammonsaraati.
Oosokki giddonni mittono Molooki yinanni maganira kakkallara uyitooti; togo assatenni ane Maganikki su'mano shollishshooti. Ani Kaaliiqaati.
Ki'ne mereero oososi giire kakkalannohu, kiilaanchu, bitaamu, moora la"annohu, qaallichu,
