HIZIQEELI 16:20 - Qullaawa Maxaafa

²⁰ « ‹Hakkiinnino sa'e, anera iloottare oosonna seenne massite kaphu magannara kakkalootta. Anera ammanama hoogakki ajjeennahe,

HIZIQEELI 16:20 ပူးပေါင်းရင်းမြစ်များ

KALAQAMA 17:7

«Atenna ane mereero, ate gedensaannino sirchikki ledo gondoori'ya soorramannokki gede asseemmo; ateranna ate gedensaanni sirchikkira Magano ikkeemmo.

LAYINKI MOOTOOLLA 16:3

Israeelete mootoolla assitino bunshe assino. Ilino beetto nafa kaphu magannara shilqote kakkalo asse shiqishino. Hatto assinohu, Israeele baatto amaddu waro Kaaliiqi albinsanni shorre hunino daga assitannoha tiyyi'nanni coye ha'runseeti.

LAYINKI DUDUWO 33:6

Ilino oosono Hinoomi Lagichira shilqote kakkalo asse shiqishi. Qoleno kiilanninna hellee la"anni qaallooletenninna ekera coyishshiishshannori ledo ma'lino. Kunni garinni Kaaliiqa hanqissannota lowo bunshe loosino.

FULO 13:12

bayira beetto Kaaliiqira uyitinanni; saada'neti umi qallono Kaaliiqita ikkitanno.

FULO 13:2

«Israeelete manni giddonni umo ilaminohunna saadate giddonnino umo qalaminohu baalu aneha ikkanno gede badie» yiisi.

ISAYAASI 57:5

«Ki'ne qilxootu giddonna lattino haqqe hunda, foorrete yortonni giirantinanni; ooso'ne laggate giddonna kinchu godira kakkaltinanni.

ERMIYAASI 19:5

Ani hede, coyi'renna hajaje egennoommokkiha ooso giirate shilqinshe Ba"aalira kakkallanniha kakkalote darga seekkitino.

ERMIYAASI 3:24

Tini saalsiissannoti kaphu maganna, akaakkanke daafurte gamba assitino jajja baala guddino. Ninkeha, ge'reewonke, lalonke, labballi oosonkenna seennenkeno guddino.

ERMIYAASI 32:35

Labballonna seenne oosonsa Molooki yinanni maganira kakkaltara Hinoomi Lagichira Ba"aalira kakkalote darga seekkitino. Ani togo asse diyoommonsa; togo assite Yihuda cubbu giddora eessitanno yee dihedoommo» yee dawarie.

ERMIYAASI 7:31

Hinoomi Lagichira Tofeeti yinanniha kakkalote darga seekkitine ooso'ne shilqote kakkalo assitine shiqishshinoonni. Kunino ani hajajoommohanna wodani'ya hedino coye di"ikkino.

HIZIQEELI 14:14

Nohi, Daanieelinna Iyyoobi giddonsa heedhuro nafa, keeraanchimmansa insa umonsalla gatissannota ikkinnina wole digatissanno. Konne coye coyi'roommohu ani Mootichu Kaaliiqaati.

HIZIQEELI 16:21

ooso'ya gorrite kaphu magannara kakkalootta.

HIZIQEELI 16:36

Imaanakki mulqidhe, foortanno mancho gede ellakkiranna tiyyi'nannirira kaphu magannakkira, manninatekki reqecci assootta; kaphu magannara kakkalate oosokki gorrootta.

HIZIQEELI 20:26

Uminsata bayira ooso nafa kaphu magannara kakkalte umonsa batteessitanno gede facci asse aguroommonsa. Konne assoommohuno qorichishammonsaranna ani Kaaliiqa ikkoommota leellishammonsaraati.

HIZIQEELI 20:31

Techo nafa hakko gari fushshaate shiqishshinanni; ooso'ne giirate shilqishatenni hakkuri albi maganna kaphunnitenni umo'ne batteessitinanni. Konne baala assitinihu gedensaanni, ki'ne hedo'ya maatiro xa'me afate dagginanni. Ani Mootichu Kaaliiqi heeshshote Magano ikka'yanni xaareemmona, mittoreno xa'mitinaera dieemmo'ne.

HIZIQEELI 23:37

Lamenti foorannoreetinna manna shaannoreeti; foorinohu kaphu maganna ledooti; shiinorino anera ilantino oosooti. Ooso'ya kaphu magannansara kakkalino.

HIZIQEELI 23:39

Kaphu magannara kakkalara ooso'ya gorri barra, e"e Qullaawa Mine'ya batteessino.

HIZIQEELI 23:4

Bayiriidita Ohoola yinanni; ise Samaariyaho. Maa'niidita Ohooliiba yinanni; ise Yerusaalamete. Ani insa lamenta adheenna ooso ilinoe.

HIZIQEELI 8:17

Kaaliiqino, «Koo manchi beetto, tenne dhagge la"atto? Kuni Yihudu manni, konne la"attoha tiyyi'nanni coye baala assatenninna gobbate aana barshe halashsha callatenni deeffatannoha di"ikkino. Roorenka kawa Qullaawu Minira nafa suwe daye, konne baala assatenni ane layinkimeeshsho hanqisaera hasi'ranno; dandaaminsa garinni ane aarsate xontannoe gara lai.

MIKIYAASI 6:7

Kumunni kiirranni gocca ge'reewunnita, woy tonne kume lowiddaanna daadanno wayi geeshshita ejersu laalonni qixxeessinoonni zayite shiqishummosiro hagiidha ikka? Bayira beetto'ya kakkalummosiha ikkiro cubbo'ya agurae ikka?