HIZIQEELI 14:9 - Qullaawa Maxaafa

⁹ «Mittu himanaanchi dogame kapho himanannoha ikkiro, kapho himananno gede assoommohu ani Kaaliiqaati. Ikkirono, giwe manni'ya mereerinni iso fushshe huneemmo.

HIZIQEELI 14:9 ပူးပေါင်းရင်းမြစ်များ

LAYINKI DUDUWO 18:22

Mikaya lede, «Kuni ikkanni noo coyino isooti; himanaanokki kapho kultannohe gede assinohu Kaaliiqaati. Bao daggannohe gedeno Kaaliiqi coyi're kaino» yee hasaawasi gudi.

IYYOOBI 12:16

Wolqanna egenno isiwa no; dogamannohanna dogannoha gashshannohuno isooti.

ISAYAASI 10:4

Qafadamatenninna reyotenni hiitto ikkitine gattinanni? Kunni baalu coyi giddoonni Kaaliiqi hanqi diqiidanno; angasi ki'ne qorichishara kayisinowiinni dihiggino.

ISAYAASI 5:25

Kaaliiqi mannisira lowo geeshsha hanqino; qorichishansara anga kayise no; ilaalla shafantanno; mannu reeshshi ishinu gede doogga baalate uwanno. Tenne giddoonni Kaaliiqi hanqi diqiidanno; xaano qorichishansara qixxaawe no.

ISAYAASI 63:16

Abirihaami afa hooginkerono, Israeeli egenna hooginkerono, ati annankeeti. Maganonke, bi're albinte gede ati annankeeti; bi're albinni kayisse gatisaanchonkeeti.

ISAYAASI 66:4

Ani woshshummo yannara yee yaa gibbe, coyi'rummo woyiteno macciishsha gibbe, busha coye assa doodhitino daafira, waajjishannoha busha coye aanansa dirriseemmo» yii.

ISAYAASI 9:12

Isino soojjaatinni Sooriyoota, galchiminni Filisxeemoota soye egemmitannonsa gede assi. Kunni baalu giddoonni hanqisi kayinni diqiidino. Angasi insa qorichishate ka'inowiinni dihiggino.

ISAYAASI 9:17

Kunnira, Mootichu wedellansa qorichishanno; galte shii'rino meentonna annanna ama afidhinokki ooso dimararanno; baalunku Kaaliiqira badhe wodhino. Afiinsanni fulanno coyi baalu xagarrote. Insa qorichishate angasi ka'inowiinni dihiggino; tenne giddoonnino hanqisi diqiidino.

ISAYAASI 9:21

Minaasenna Efireemi ilama mimmito gawajjitanno; mitteenni gamba yite Yihudaho gaaddanno. Kunni baalunni Kaaliiqi hanqi diqiidanno; insa qorichishate angasi ka'inowiinni dihiggino.

ERMIYAASI 14:15

Ani soyummokkinni, ‹Gobbankera oluno hudeno diheedhanno› yitanno himanaano, ani Kaaliiqi olunninna hudetenni gooffanno gede asseemmo.

ERMIYAASI 4:10

Anino, «Kaaliiqa Magano'ya, Yerusaalamete manna mayira dogitto? Goowinsara bise qixxaabbe heedheenna, keere heedhinanni mayira yiitto?» yoommo.

ERMIYAASI 6:14

Manni'ya mada mullare assite kiirtanno; xagichono digantanno. Keeru nookkiha, ‹Keereholla! Keereholla!› yitanno.

ERMIYAASI 6:15

Konne battete coye baala assansanni saaltinoni? Horo hanukkino diyitino; saalu maatirono diegentino. Kunnira wolootu ubbu gede insano ubbanno; qorichisheemmonsa yannara, hakkiichi gawalonsa ikkanno. Konne coye coyi'roommohu ani Kaaliiqaati» yii.

HIZIQEELI 13:9

Ki'ne kaphu ajuuja la'inannirinna so'rote himana kultinanni himanaano, ane hanqinni digattinanni. Manni'ya malaho gamba yaanno yannara ledonsa diheedhinanni; Israeelete ilama ledo dikiirantinanni. Gobba'ne Israeele horonta dihigginanni; hatte yannara, ani Mooticha Kaaliiqa ikkoommota affinanni.

HIZIQEELI 14:10

Himanaanchohonna isinni ma'lara daannohura mittu gari qorichi iillannonsa.

HIZIQEELI 14:5

Hakkuri kaphu maganna Israeele anewiinni faffanno gede assitino. Kayinnilla, xa qoleemmonsa dawaronni anewa higgannoha ikkanno.

HIZIQEELI 16:27

«Xa kayinni, ate qorichishatenna qeechakki ikkinoha atoote'ya atewiinni haa're hoolate anga'ya diriirsoommo. Foorrekkinni kainohunni gibbannoheriranna tiyyidhannoherira Filisxeemootaho sayise oommohe.

HIZIQEELI 20:25

«Qoleno, busha seeranna heeshsho uyitannokki hajajo oommonsa.

HOOSEI 9:7

Kuneeti qorichu barri dayino; mittu mittunku loosisi guma itannohu yoote barri iillino. Israeelete manni konne baalanka coye afo! Cubbi'nenna diinoomi'ne batinyinni himanaancho balala, ajuuja afi'nohano macharaaraamu gede assitine kiirtinanni.

ZAKKAARIYAASI 13:3

Kaphu himana coyi'rinohura annisinna amasi, ‹Kaaliiqi su'minni kaphu himana coyi'rootto daafira reyatto› yite kultannosi. Hakkiinnino sae himana coyi'rate wo'naaliro, annisinna amasi urdetenni qasse shitannosi.