HIZIQEELI 14:7 - Qullaawa Maxaafa

⁷ Israeele woy giddonsa heedhannori wole gobba manni anewiinni baxxite kaphu maganna magansi'ratenni cubbo loossannoha ikkiro, qolteno mala xa'mi'rate himanaanonniwa hadhannoha ikkiro, ani umi'ya Kaaliiqi dawaro eemmonsa.

HIZIQEELI 14:7 ပူးပေါင်းရင်းမြစ်များ

FULO 12:48

Kayinnilla barciminokkihu mittuno itoonke; wole gobba manchi giddo'ne hee'rironna Kaaliiqiha Mararrote Ayyaana ayirrisa hasi'riro, balaxxine minesi noo labballo baala barcimshiishshe. Hakkunni gedensaanni, gobbate beetti gede kiirame Mararrote Ayyaana ledo'ne ayirrisona.

FULO 20:10

lamalki barri kayinni, Magani'ne Kaaliiqira Fooliishshote Barraatina ki'ne, ooso'nenna seenni'ne, borojji'ne, saada'nenna, gobba'nera hee'rannohu wole gobba mannino kunni barrinni looso loosi'roonke.

ISAYAASI 63:17

Kaaliiqa, doogokkinni fulle ba'nanna mayira worte laittonke? Waajjineemmohekki gede wodananke mayira kaajjishitto? Soqqamaanokki ikkinoommoriwa mannikkiwa higinke.

ERMIYAASI 37:17

Shiima yanna gedensaanni moote Sedeqiyaasi soye woshshiishe, «Kaaliiqi kulinohe coyi nooni?» yee calli'ya hee'reenna xa'mie. Anino, «Ee no» yee dawarummosihu gedensaanni lede, «Ati Baabilooni moote angara eatto» yoommosi.

HIZIQEELI 3:20

«Keeraanchu manchi danchummasi agure, busha looso loosa hanafeenna, ani qarru aana uwanno gede assummoro, atino qolte qorophisiisa hoogittoro, cubbisinni reyanno. Albaanni assino danchumma dikiireemmosi; isi reyorano ate xa'meemmo.

HOOSEI 4:14

Ikkollana seenni'ne baashaawannoha, ooso'ne seennino foorannoha ikkino daafira, diqorichisheemmonsa. Hatto asseemmokkihu, ki'ne labballu umi'ne galmuwate fooranno meenti hoode hadhinanni, insa ledo wole maganna magansidhinoonni. Wodancha nookki gosa ba'anno.

HOOSEI 4:5

Hashshanna barra babbaattitinanni; himanaanono ki'ne gede babbaattitannore ikkitino. Kunni daafira ama'ne Israeele huneemmo.

HOOSEI 9:10

Kaaliiqi, «Anera, Israeele afi'ra'ya, halalli gobbara laalinoha woyinete guma afi'rate gedeeti. Akaakka'ne afi'rummo warono, birrate umira laalinoha balasate guma afi'rate geeshsha hagiidhoommo. Ba"aali-Fegoori daggu woyite kayinni, Ba"aalira kumbuultino. Insano, hakkunni baxxannohu kaphu magani gede tiyyi'nannire ikkitino.

LEEWAAWOOTA 16:29

«Ki'nera uyinoonnihu hegere seeri konneeti: Lamalki agani eihunni tonnikki barra, ki'neno ikke giddo'ne hee'rannohu wole gobba manni sagale ittinoonte; mittoreno loossinoonte;

LEEWAAWOOTA 20:2

«Israeelete mannira, ‹Oososi Molookira kakkalannoha, Israeelichano ikko manni gobba mancho mannu baalu kinnatenni gane shoona.

LEEWAAWOOTA 24:22

Ki'ne ledo hee'rannohura manni gobba manniranna ki'ne Israeelootaho mittu gari seeri heero'ne. Ani Kaaliiqi Magano'neeti› yiino yite kulinsa» yiisi.

KIIRO 15:15

Ki'nerano giddo'ne hee'ranno mannirano mittu gari wodho heedho'ne. Tini wogano dagganno ilama geeshsha soorrantoonke. Ki'neno manni gobba mannino ane Kaaliiqira taaloho.

KIIRO 15:29

Gobbate beettino ikko manni gobba manchi afa hoongetenni cubbo loosiro wonshinanni woga mittete.

MARRO 29:19

«Techo ninke mereero hee're tenne lowo geeshsha kaajjado hajajo macciishshe kae wodana mokkookke umisi doogo ha'rannohu hee'riro, ‹Baalunku coyi qinaannoe› yee umosi dogannokki gede agadho. Hattoo manchi danchunna bushu mannira bao abbanno.

YIHUDA 1:19

Insa manna babbaddannoreeti; maalu yorto hoode hadhannoreeti; Qullaawu Ayyaani noonsakki mannaati.