HIZIQEELI 14:3 - Qullaawa Maxaafa

³ «Koo manchi beetto, kuni manni wodanansa kaphu magannara uyinoha ikkinohura, kaphunniti magannansa cubbunniwa massitannonsa gede umonsa facci assite agurtino. Konne ikkina, ani xa'midhinore qoleemmonsaha lawannonsani?

HIZIQEELI 14:3 ပူးပေါင်းရင်းမြစ်များ

LAYINKI MOOTOOLLA 3:13

Elsaino Israeelete mootera Iyoraamira, «Anewa mayira daatto? Hadhe annikkinna amakki himanaano xa'mi'ri!» yiisi. Moote Iyoraamino daware, «Dihattootiwe! Ninke sasenka mootoolla Moaabi angara sayise aara haa're abbinohu Kaaliiqaati» yii.

FAARSO 101:3

Busha coye afe sammi diyeemmo; Maganunni hee'rannokki manni loosanno looso dibaxeemmo; insa loossannori ledo xaadu dihee'rannoe.

FAARSO 66:18

Wodani'yara cubbo maaxi'roommoha ikkoommero, Mootichu dimacciishshannoe.

LAWISHSHA 15:29

Kaaliiqi bushuulluwiinni fafe no; keeraanote huuccatto kayinni macciishshanno.

LAWISHSHA 15:8

Kaaliiqi bushuullu kakkalo giwanno; keeraanote huuccatto kayinni tashshi assitannosi.

LAWISHSHA 21:27

Cubbaataammu kakkalo battete; busha hedonni heedhe shiqishshanno woyite roore giwissanno.

LAWISHSHA 28:9

Seerasi ayirrisannokki manchi huuccatto, Maganoho battete.

ISAYAASI 1:15

«Anga'ne huuccattote anewa qoltine fantinirono caaqqi yee dilaeemmo'ne. Anga'ne mundeetenni karsantinota ikkitinohura, aye geeshshano huuccidhineenna dimacciishsheemmo'ne.

ISAYAASI 33:15

Halaalenna taalo coyi'rannohu, hanaaqu jiro baxannokkihu, gubbo itannokkihu, manna shaate malira xaadannokkihu, busha coye la"a giwannohu,

ERMIYAASI 11:11

Kunnira, kune ani Kaaliiqi aanansa bao abbeemmo; baotewiinnino gatte diaffanno. Kaa'lote woshshidhuero nafa dimacciishsheemmonsa.

ERMIYAASI 17:9

Mannu wodani baalunkurinni roore xagaraamoho; diinofayyannoho; giddosireno afannohu dino.

ERMIYAASI 21:2

«Baabilooni moote Nabukadanatsoori qasankeraatina, hanni Kaaliiqi bi're gede maalale loose iso badhera qolannonkeha ikkiro xa'minke» yiie.

HIZIQEELI 11:21

Saalsiisannorenna tiyyi'nannire kaphu maganna magansi'ra baxanno manna kayinni qorichisheemmo. Assitinohura bushu coyi baalaho rabbisi'reemmonsa. Konne coye coyi'roommohu ani Mootichu Kaaliiqaati» yii.

HIZIQEELI 14:2

Insa hakko heedheenna Kaaliiqi,

HIZIQEELI 14:4

«Xaano ani Mootichu Kaaliiqi yeemmore kulinsa; wodanasi kaphu magannara uyinohunna cubbunniwa massitannosi gede fajjino Israeelichi baalu, himanaancho xa'mi'rara dayiro, hoodensa ha'ranno maganna kaphunnitera maltino dawaro afi'ranno.

HIZIQEELI 14:7

Israeele woy giddonsa heedhannori wole gobba manni anewiinni baxxite kaphu maganna magansi'ratenni cubbo loossannoha ikkiro, qolteno mala xa'mi'rate himanaanonniwa hadhannoha ikkiro, ani umi'ya Kaaliiqi dawaro eemmonsa.

HIZIQEELI 20:16

Togo yee xaaroommohuno, wodaninsa kaphu magannawa higino daafira, hajajo'ya diigge, seera'ya hunte Fooliishsho'ya Barrano batteessitinohuraati.

HIZIQEELI 20:3

«Koo manchi beetto, ani Mootichu Kaaliiqi yeemmore kunni mannira, ‹Hedo'ya affinara dagginoonni? Ani heeshshote Magano ikka'yanni xaareemmona, mittoreno xa'mitinaera dieemmo'ne; ani Mootichu Kaaliiqi konne coye coyi'roommo.

HIZIQEELI 20:31

Techo nafa hakko gari fushshaate shiqishshinanni; ooso'ne giirate shilqishatenni hakkuri albi maganna kaphunnitenni umo'ne batteessitinanni. Konne baala assitinihu gedensaanni, ki'ne hedo'ya maatiro xa'me afate dagginanni. Ani Mootichu Kaaliiqi heeshshote Magano ikka'yanni xaareemmona, mittoreno xa'mitinaera dieemmo'ne.

HIZIQEELI 3:20

«Keeraanchu manchi danchummasi agure, busha looso loosa hanafeenna, ani qarru aana uwanno gede assummoro, atino qolte qorophisiisa hoogittoro, cubbisinni reyanno. Albaanni assino danchumma dikiireemmosi; isi reyorano ate xa'meemmo.

HIZIQEELI 33:30

Kaaliiqi, «Koo manchi beetto, mannu katamu huxxi mulenna minnansa xullichira uurre, atere hasaawanni no. Insa insanaawano, ‹Amme Kaaliiqi techo ma coyi'rinoro Hiziqeeli xa'mine buunxona› yitanno.

HIZIQEELI 36:25

Aana'ne keeraancho waa wixe, kaphu maganna magansi'ratenninna batte'ne baalantenni keeraa'mitinanni gede asseemmo'ne.

HIZIQEELI 44:12

Kayinnilla insa uminsa kaphu maganna magansi'rate wogara umire ikkatenni manna cubbu giddora eessitino daafira, qorichisheemmonsa gede, ani Mootichu Kaaliiqi xaareemmo.

HIZIQEELI 6:9

Kuni mannino hakko marino gobbara hee'ranno; hakko hee'ranno yannara ane qaaganno. Ani qorichishoommonsahunna shollishoommonsahu ammanantinokkire ikkitinohuranna ane agurte kaphu magannara soqqantino daafira ikkinota affanno. Assitino bunshenni kainohunni umonsa gibbanno.

HIZIQEELI 7:19

Ani Kaaliiqi aara'ya aanansa dirriseemmo yannara, birrinsano ikko culkinsa baotenni digatisannonsa. Kunni daafira, birransanna culkansa baala ishinu gede dooggate huntanno; halchitinore assi'ratenna hude gargadhate horonta dikaa'lannonsa. Albano cubboho eessinonsahu hakko birraatinna hakko culkaati.

HOOSEI 4:5

Hashshanna barra babbaattitinanni; himanaanono ki'ne gede babbaattitannore ikkitino. Kunni daafira ama'ne Israeele huneemmo.

SOFFOONIYAASI 1:3

mannanna saada, iimi ceanna baaru qulxu'me huneemmo. Haxawarroota galcheemmo; mittu nafa gatikkinni mannu sircho baattote aaninni gudeemmo. Konne coyi'roommohu ani Kaaliiqaati.

ZAKKAARIYAASI 7:13

Ani coyi'reenna, macciishsha gibbunte gede, anino huuccidheenna dimacciishsheemmonsa.

LUQAASI 20:8

Yesuusi qole, «Anino mayi roorrenni loosanni noommoro dikuleemmo'ne» yiinsa.

EFESOONI SOKKA 5:5

Foorannohu, woy saalsiisanno coye assannohu, woy hafuuraamu (hattoo manchi kaphu magano magansi'ranno), Kiristoosinna Maganu Gashshootira dargu hee'rannosikkita affe.

UMI PHEEXIROOSI 2:8

Qolleno, «Kuneeti gufi'nanni kinchi, mannu gufi're uwannohu jawu kinchi» yinoonni. Insa qaale ammana hoogansanni gufidhino; insa albanni tennera gaamantinoreeti.

YOHAANNIS AJUUJA 2:14

Ikkollana misheemmohehu mitu mitu coyi no. Hakkuno, Beleaami roso adhinohu shiimu manni mereero'ne no. Beleaami, Israeelete manni kaphu magannara kakkalloonniha itannonna fooranno gede Baalaaqira mala uyino manchooti.

UMI SAAMUEELI 28:6

Isino ma assa hasiissannoro Kaaliiqa xa'mi'ri. Kaaliiqi kayinni haaqeete woy Uriiminninna Tumiiminni woy himanaanotenni didawarinosi.