HIZIQEELI 14:22 - Qullaawa Maxaafa

²² Mittu manchi nafa oososi ledo gate ki'newa shiqqi yiiro, seekkitine la'e. Mageeshshi geeshsha bushuulle ikkitinorono buuxxe. Kunni garinni Yerusaalamete aana abboommo qorichi hasiisinoha ikkinota affinanni.

HIZIQEELI 14:22 ပူးပေါင်းရင်းမြစ်များ

LAYINKI DUDUWO 36:20

Bagaduwiinni gattinore baala qafade Baabilooni haa're ha'ri. Hakku mannino Faarisi gashshooti geeshsha, Baabilooni gobbara borojje ikke Nabukadanatsooriranna sirchisira soqqamanni hee'rino.

ISAYAASI 24:13

Baattote aana noo gosa baalate kuni coyi ikkanno; baalunku ejersunnitanna woyinete laalo xinqi'nihu gedensaanni gatino xari gede ikkanno.

ISAYAASI 6:13

Tonnu giddonni mittu manchi gatiro nafa, jajjabba haqqe karreenna gatanno cifichi gedeeha ikkanno; gatino cifichi qullaawa wixa ikkanno» yiie.

ERMIYAASI 30:11

Gatisammo'nera ani ledo'ne hee'reemmo; giddonsa billaallisummo'ne daga gudeemmo. Ki'neno qorichishummokkinni diagureemmo; kayinnilla digudeemmo'ne; halaalunni seejjeemmo'ne» yii.

ERMIYAASI 4:27

Kaaliiqi, «Baatto mullicho ikkitanno; co'o yite ba'anno gede kayinni diasseemmo.

ERMIYAASI 5:19

Ermiyaasi! Mannu, ‹Maganinke Kaaliiqi konne coye baala mayira abbinke?› yiihero, atino, ‹Konne assinohu ki'ne iso agurtine gobba'nera noota wole kaphu maganna magansidhinoonni daafiraati. Kunnira, ki'neno umi'neta ikkitinokki gobbara wolu mannira soqqantinanni› yite kulinsa» yiie.

HIZIQEELI 12:16

Insa giddonni shiimu manni olunni, hudetenninna dhibbunni gatanno gede asseemmo. Kunni garinni wole ga're mereero heedhe assitinori saalsiisannore ikkinota buuxxanno. Togo asse qorichishoommonsahu ani Kaaliiqa ikkoommota affanno» yee coyi'rie.

HIZIQEELI 16:54

Umokki qolte saalfatatta; ate shollanni, roduuwikki atenni woyyinore ikkansanni sheshifatanno.

HIZIQEELI 16:63

Assootta sao baala agureemmohe; ati kayinni hattenne baala sao qaagatenni lowo geeshsha saalfatattahura mittoreno coyi'ra didandaatta. Konne coye coyi'roommohu ani Mootichu Kaaliiqaati» yii.

HIZIQEELI 20:43

Assitinoonniha saalsiisanno coyenna umo'ne assitine batteessitinoonni gara, hakkiicho qaagginanni; assitinoonni bunshenni kainohunni, umo'ne cee'mitinanni.

HIZIQEELI 31:16

Ani hatte haqqicho jeennaate dirritanno gede asseemmo yannara, ubbanno woyite macciishshinanni luuli daga baala masisanno. Edeni haqqe ledo jeennaate dirrituti lowo waa agginoti dancha Libaanoosi haqqe baala ise uwara hagiidhitanno.

HIZIQEELI 32:31

«Kuri baalu olunni reyitinota affanno yannara, Gibitsete mootenna olantosi sheshifattanno. Konne coye coyi'roommohu ani Mootichu Kaaliiqaati.

HIZIQEELI 36:20

Daga, ‹Kuri Kaaliiqi mannaati; ikkollana, uyinonsa baattonni buqqisantino› yitannansa, martuwa baala dagate mereero qullaawa su'ma'ya xonsiissino.

HIZIQEELI 36:31

Hatte yannara, busha ikkito'nenna assitinoonniha busha coye qaaggine, cubbi'neranna assitinoonni batte baalate ki'nenee cee'mitinanni.

HIZIQEELI 7:16

Mitu mitu lagichu giddonni baraganno lembooli gede, ilaalla hige xooqanno; baalunku cubbinsa daafira wi'litanno.

MIKIYAASI 5:7

Qarrunni gattinori Israeelete manni lowo daga mereero Kaaliiqi Maganu soyenna baatto duushshanno shori xeenunnihu gede ikkitanno. Hexxotenni agadhitannohu manna ikkikkinni Magano calla ikkanno.

MAARQOOSI 13:20

Mootichu hakko barra haransa hoogoommero, ayino digatanno. Maganu doodhino manni daafira yee hakkonne barra haransanno.

MARRO 4:31

Magani'ne Kaaliiqi maaranno Magano ikkinohura, diaguranno'ne; diinohunanno'ne. Annuwa'nera xaarotenni dhaawino gondooro dihawanno.