HIZIQEELI 13:9 - Qullaawa Maxaafa

⁹ Ki'ne kaphu ajuuja la'inannirinna so'rote himana kultinanni himanaano, ane hanqinni digattinanni. Manni'ya malaho gamba yaanno yannara ledonsa diheedhinanni; Israeelete ilama ledo dikiirantinanni. Gobba'ne Israeele horonta dihigginanni; hatte yannara, ani Mooticha Kaaliiqa ikkoommota affinanni.

HIZIQEELI 13:9 ပူးပေါင်းရင်းမြစ်များ

UMI MOOTOOLLA 13:18

Geerchu qole, «Anino atente gede himanaanchoho. Kaaliiqi sokkaasinchi mini'yara masse sagalenna waa eemmohe gede kulinoe» yiisi. Yihudunni dayino himanaanchi geerchu doginosita diafino.

IZIRA 2:59

Telimelahi, Teliharsha, Keruubi, Adaaninna Imeeri yinanni katamma Baabiloonita qafadantinowiinni higginori Delaya, Xobbiyanna Neqoda ilama mitteenni 652 mannaati. Ikkollana Israeele ikkansa garunni kula didandiitino.

FAARSO 101:7

Mittu dogaanchino mine'ya dihee'ranno; kaphaanchuno alba'yaanni dileellanno.

FAARSO 69:28

Heeshshote maxaafi giddonni huninsa; keeraanote ledo su'minsa borreessamoonke.

FAARSO 69:5

Magano'ya ballo, hambe'ya egennootto; cubbi'yano atera digo'linohe.

FAARSO 87:6

Kaaliiqi manna kiiranno woyite, mitto mittonka, «Tsiyooni ilantinoreeti» yaanno.

FAARSO 95:11

Hanqoommo daafira, «Fooliishshote gobba die'inanni» yee xaaroommo.

ISAYAASI 4:3

Kaaliiqi dooreenna Yerusaalamete gattannore baala, qullaawa mannaati yinanninsa.

ERMIYAASI 14:15

Ani soyummokkinni, ‹Gobbankera oluno hudeno diheedhanno› yitanno himanaano, ani Kaaliiqi olunninna hudetenni gooffanno gede asseemmo.

ERMIYAASI 17:13

Kaaliiqa! Ati Israeelete hexxooti; ate agurtannori baalu saalfattanno. Heeshshote buicho ikkoottoha ate Kaaliiqa agurtannori, bukote aana borreessinoonni su'mi gede ikkite ba'anno.

ERMIYAASI 23:20

Hedoommore wonshammo geeshsha, hanqi'ya dihiganno; ki'neno mitto barra konne coye buuxxinanni.

ERMIYAASI 4:9

Kaaliiqi, «Kuni baalu ikkanno yannara, mootetenna ledosi gashshaanora goonte diheedhannonsa; qeesootu huxidhanno; himanaanono massanno» yiie.

HIZIQEELI 11:10

Kunnira, umi'ne gobbara olunni reyitinanni; hatte yannara, mannu baalu ani Kaaliiqa ikkoommota afanno.

HIZIQEELI 12:20

Xa mannu wo'me noo katamma ba'anno; baattono mullicho uulla ikkitanno. Hatte yannara, ani Kaaliiqa ikkoommota affanno» yiie.

HIZIQEELI 13:14

Noora buurtino huxxa diige, safote kincho calla agurate hedoommo. Huxxu diigamanno yannara, ki'ne himanaano baalunku reyitinanni; hatte yannara ani Kaaliiqa ikkoommota baalunku afanno.

HIZIQEELI 13:23

Kuneeti kunni ka'a kaphu ajuuja'nenna so'risiisanno himani'ne baalu ikkino. Ani Kaaliiqa ikkoommota affinanni gede manna'ya anga'nenni gatise fushsheemmo» yaanno.

HIZIQEELI 20:38

Haxawarritinoerenna mokkookkitinoere mereeri'nenni hooleemmo; xa heedhanno gobbanni fushshe hooleemmonsa. Kayinnilla, galagalte Israeelete gobba higgara diagureemmonsa; ani Kaaliiqa ikkoommota hakka waro affinanni» yiie.

DAANIEELI 12:1

Shaalado seesallitte uddano uddi'rino sokkaasinchi, «Mannakki agarannohu jawu sokkaasinchi Mikaaeeli hatte yannara leellanno. Mannu kalaqantunkunni ikke egenninokkihu lowo qarri ikkanno. Su'mansa Maganu maxaafira borreessinoonnihu gobbakki manni kayinni hatte yannara gatanno.

HOOSEI 4:5

Hashshanna barra babbaattitinanni; himanaanono ki'ne gede babbaattitannore ikkitino. Kunni daafira ama'ne Israeele huneemmo.

HOOSEI 9:3

Israeelete manni Kaaliiqi uyinonsa baattora dihee'ranno; baxikkinni Gibitse higanno. Asoori mare seerunni hoolloonni sagale itanno.

MIKIYAASI 3:5

Kaphu himanaano hasidhinore afidhannoha ikkiro, «Keeru dirranno'ne» yitanni dudubbanno. Hasidhinore afi'ra hoogganno woyite kayinni, «Dartu danno'ne» yitanni manna so'risiissanno. Kaaliiqi hatto assitanno himanaano,

MIKIYAASI 3:6

«Barru hashsha ikkanno'ne; arrishsho e'eenna daanno tunsichi amadanno'ne. Manna'ya so'risiissinoonni daafira, xaate kunni ka'a ajuuja dileeltanno'ne; himanano dicoyidhinanni» yiinsa.

LUQAASI 10:20

Su'mi'ne gordu taje giddo borreessamino daafira ikkinnina, durriisu hajajamino'nehura hagiidhitinoonte!» yiinsa.

FILIPHISIYUSI SOKKA 4:3

Hakkiicho noottohu ati ammanamoottohu soqqanshote miila'ya: Anenna Qelentoosi, qoleno su'mansa heeshshote taje giddo borreessinoonniri wolootu soqqanshote miilla'ya ledo mitteenni Dancha Duduwo iillishate lowo geeshsha sharramino daafira, hakkore lamenka meento kaa'linsa.

IBIRAAWOOTA 12:23

Su'mansa gordoho borreessinoonniriwa bayirraaddu songo ammanaanonnitewa, wo'munkura yoo yaanno Maganiwanna guuta assinoonni keeraanowa gamba yitinoonni.

YOHAANNIS AJUUJA 13:8

Kalqe kalaqantara albaanni, gorramino Ge'rechi maxaafi heeshshonnihu giddo su'mansa borreessinoonnikkiri, baattote aana heedhannori baalu moyicho magansidhanno.

YOHAANNIS AJUUJA 19:20

Ikkollana moyichu amadami; isi albaanni malaatta loosanni noohu kaphaanchu himanaanchino amadami. Isi moyichu malaati noonsarenna isi misile magansidhanni noore malaatta loosanni so'risiisanni no. Insa lamenka ruqanunnihura giirate baarira lubbotenni heedheennanni tungi.

YOHAANNIS AJUUJA 20:12

Reyinohu shiimmaaddunna jajjabbu manni ayirradu barcimira albaanni uurre nooha afummo. Maxaaffano fa'nantu; heeshshonnihu wolu maxaafino fa'nami. Reyino mannirano maxaaffate giddo borreessinoonni garinni loosinsara yoo yini.

YOHAANNIS AJUUJA 20:15

Su'mansa heeshshote maxaafira borreessinoonnikkire baala giirate baari giddo tungi.