HIZIQEELI 13:22 - Qullaawa Maxaafa

²² «Ani gawajjammora hedoommokkire dancha manna, kapho coyidhinanni hexxonsa mursiissinanni; bushu manni bunshensa agure lubbotenni hee'rannokki gede assitinanni.

HIZIQEELI 13:22 ပူးပေါင်းရင်းမြစ်များ

ISAYAASI 28:15

«Reyote ledo namoommoommo; jeennaatu ledo sumuu yinoommo; doga minenkeeti; kaphuno golonkeeti. Qoomamu daanno woyiteno dikisannonke» yitine boo'nitinoonni.

ERMIYAASI 23:14

Yerusaalamete himanaano kayinni, hakkiinni sa'ino bunshe assitino; foortanno; kaphu himana kultanno. Mannano bunshete kakkayissanno; bunshe loosa agurannohuno dihee'ranno; mannu Soddoomunna Gomooru manni gedeeha ikkino.

ERMIYAASI 23:17

Ani yoommore macciishshitannokkirira, ‹Keerella heedhinanni!› yitanno. Ani yoommo gede ikkitannokkirirano, ‹Qarru diamadanno'ne!› yite kultanno.

ERMIYAASI 23:9

Himanaanonnire hedeemmo woyite, wodani'ya madi'ranno. Anino qece yee huxi'reemmo; Kaaliiqinna qullaawu qaalisi daafira yee, dimbinohu gede ikkeemmo.

ERMIYAASI 28:16

Kunnira Kaaliiqi, kune baattote aaninni shorrammoheraati. Mannu ane Kaaliiqira gara giwanno gede assoottona kunni dirinni reyatto» yoommosi.

ERMIYAASI 29:31

«Nehelaamichu Shemaiya daafira, qafadame Baabilooni noo manni baalaho, ‹Shemaiya ani soyummosikkinni himana coyi'rino'ne. Kapho adda assidhinanni gede assino'ne.

ERMIYAASI 29:32

Kunnira, ani Kaaliiqi Shemiyanna sirchosi qorichisheemmo. Manni'yara asseemmoha dancha coye afate sirchisi giddonni gatannohu dihee'ranno› yite layinki sokka soyi. Konne coye coyi'roommohu ani Kaaliiqaati» yii.

ERMIYAASI 34:16

Ikkollana gaabbitine badhera higgine su'ma'ya xonsiissinoonni. Mitti mitti'ne meyanna labbaa borojje borojjimmatenni fulanno gede assitinoonnire galagalchitine wolqatenni borojje assidhinoonni.

ERMIYAASI 34:22

«Kune galagalte higge katama amaddanno gede hajajammoraati; katamano amadde giira qassanno. Yihudu katamma baala mannu hee'rannokkita ona asse agureemmo. Konne coye coyi'roommohu ani Kaaliiqaati» yiie.

ERMIYAASI 4:10

Anino, «Kaaliiqa Magano'ya, Yerusaalamete manna mayira dogitto? Goowinsara bise qixxaabbe heedheenna, keere heedhinanni mayira yiitto?» yoommo.

ERMIYAASI 6:14

Manni'ya mada mullare assite kiirtanno; xagichono digantanno. Keeru nookkiha, ‹Keereholla! Keereholla!› yitanno.

ERMIYAASI 8:11

Manni'ya mada mullare assite kiirtanno; xagichono digantanno; keeru nookkiha, ‹Keereholla! Keereholla!› yitanno.

HIZIQEELI 13:16

Keeru nookkiha, ‹Keereholla› yitanni Yerusaalame dogganno himanaano diheedhanno. Konne coye coyi'roommohu ani Mootichu Kaaliiqaati» yii.

HIZIQEELI 18:21

«Bushu manchi cubbo loosa agure Seera'ya agadhiro, taalonna dancha coye assiro, addinta lubbotenni hee'ranno ikkinnina direyanno.

HIZIQEELI 18:27

Bushu manchi cubbo loosa agure taalonna dancha coye assiro, lubbosi gatisi'ranno.

HIZIQEELI 9:4

«Yerusaalamete katami baalaho kawanna ka'a higge ha'rami. Katamaho assinoonnihu tiyyi'nanni coyinni kainohunni, lowo geeshsha yaade dadillanni noo manni albi aana malaate wori» yiisi.

AMOOTSI 5:12

Bunshe'ne batidhino garanna, cubbi'neno ayirrino gara ani afoommo. Dancha manna qarrissinanni; yoote nafarrara gubbo adhitinanni, gadadaammu yoo shokkishshinanni.