HIZIQEELI 13:14 - Qullaawa Maxaafa

¹⁴ Noora buurtino huxxa diige, safote kincho calla agurate hedoommo. Huxxu diigamanno yannara, ki'ne himanaano baalunku reyitinanni; hatte yannara ani Kaaliiqa ikkoommota baalunku afanno.

HIZIQEELI 13:14 ပူးပေါင်းရင်းမြစ်များ

FAARSO 11:3

Seerunna woga darginni ka'uro, keeraanchu hige ma"asse afanno?

ROSIISAANCHO 3:3

Shaate yanna no; gatisate yanna no. Diigate yanna no; minate yanna no.

ISAYAASI 28:17

Taashsha, bikkinanni siiwo asseemmo; keeraanchimma qole, sumbete heelliicho asseemmo. Golo assidhinoonni kapho kaade gantanno; maaxantinanniwano lolahu adhe sa"anno.

ISAYAASI 30:13

Kunnira sao'ne, dhodhoohe hedeweelcho uwara rahinohu, seedu kinchu huxxi gede assitanno'ne.

ERMIYAASI 14:15

Ani soyummokkinni, ‹Gobbankera oluno hudeno diheedhanno› yitanno himanaano, ani Kaaliiqi olunninna hudetenni gooffanno gede asseemmo.

ERMIYAASI 23:15

Ki'ne Yerusaalamete himanaano, base baalate bunshe wixxinoonni. Qaraaranno haqqa itisatenna, shaanno waa hayikkisate, hedoommohu kunni daafiraati.

ERMIYAASI 6:15

Konne battete coye baala assansanni saaltinoni? Horo hanukkino diyitino; saalu maatirono diegentino. Kunnira wolootu ubbu gede insano ubbanno; qorichisheemmonsa yannara, hakkiichi gawalonsa ikkanno. Konne coye coyi'roommohu ani Kaaliiqaati» yii.

ERMIYAASI 8:12

Manni'ya, konne tiyyi'nanniha, battete coye baala assi geeshsha, saalfate egenninoni? Saalfatannire agurina hanukki nafa diyiino; saalu maatirono diegennino. Kunnira wolootu ubbu gede insano ubbanno; qorichisheemmonsa yanna gawalonsa ikkitanno. Konne coyi'roommohu ani Kaaliiqaati» yii.

HIZIQEELI 13:15

«Kinchu huxxiranna aanasi noora buurturira baalaho, hanqo'ya dirriseemmo. Hatte yannara ki'ne gattinoonnirira, ‹Huxxunna huxxaho noora buurturi dargaho dino› yee kuleemmo'ne.

HIZIQEELI 13:21

Umoho xaaxidhinoonni hocco mulqe hoole, manna'ya layinkita affinannikki gede anga'nenni haa're fushsheemmo. Hatte yannara manni'ya ani Kaaliiqa ikkoommota afanno.

HIZIQEELI 13:23

Kuneeti kunni ka'a kaphu ajuuja'nenna so'risiisanno himani'ne baalu ikkino. Ani Kaaliiqa ikkoommota affinanni gede manna'ya anga'nenni gatise fushsheemmo» yaanno.

HIZIQEELI 13:9

Ki'ne kaphu ajuuja la'inannirinna so'rote himana kultinanni himanaano, ane hanqinni digattinanni. Manni'ya malaho gamba yaanno yannara ledonsa diheedhinanni; Israeelete ilama ledo dikiirantinanni. Gobba'ne Israeele horonta dihigginanni; hatte yannara, ani Mooticha Kaaliiqa ikkoommota affinanni.

HIZIQEELI 14:8

Ani umi'ya insa giwatenni wolootaho bangagooshshe ikkanno gede asseemmo. Mannu ani Kaaliiqa ikkoommota afanno gede, manni'ya mereerinni insa huneemmo.

MIKIYAASI 1:6

Kunnira Maganu, «Mine diinge xawoho duunnoonni kinna gede asseemmose; woyine kaansanniwa ikkitanno; katamise giggilono lagicha qole duneemmo; xintaseno reqecci asseemmo.

IMBAAQOOMI 3:13

Mannakki gatisattoranna doorootto moote wodattora fulootto. Cubbaataammu sooreessa cancanootto; umunni lekkate geeshsha mulqootto.

LUQAASI 6:49

Qaale'ya macciishshe guutannokkihu kayinni, mine shaafu aana mi'ninoha gowwa mancho lawanno. Hakkonne mine lolahu daye xiiwi. Minuno hakkawoyintenni uwi; uwasino jaddonnite» yiinsa.