HIZIQEELI 13:11 - Qullaawa Maxaafa

¹¹ Hakkuri noora buurtu himanaanora, huxxinsa diigamikkinni gatannokkita kullensa. Hanqi'yanni lowo xeena dirriseemmo; kaadete kinna soyemmo; bubbeno dhodhoosse huntanno.

HIZIQEELI 13:11 ပူးပေါင်းရင်းမြစ်များ

IYYOOBI 27:21

Soojjaati bubbe noo mininni, haadhe hooltannosi.

IYYOOBI 38:22

«Kaadenna bullaame kaade duunoommowa, e'e egennoottoni?

IYYOOBI 38:23

Tenne kaade duunoommohu, bushu barri oliranna gaariraati.

FAARSO 11:6

Bushuullu aana ruqanonna giirate buwano dirrisanno. Giirtanno diilallo abbe aanaho ganannonsa.

FAARSO 32:6

Kunnira, qarru lolahi iillannonsakki gede, keeraano baala yanna heedheenna, ate huuccidho.

ISAYAASI 25:4

Diinu foorari dambalu gede, kinchu huxxa xiiwanno daafira, buxanetenna qarraataammaho irkidhannowa, hombobolatte dagganno yannara golo, arrishshote fooggalira caale ikkoottonsa.

ISAYAASI 28:2

Kuneeti Mootichaho: Kaadete, hombobolattetenna wolqaataamu lolahi gede cancanannohu jawaatu manchi noosi. Kuni manchino roorresinni uulla qole kaachishe tugannonsa.

ISAYAASI 29:6

Ani Olantote Mootichi Kaaliiqi banqo, baattote shafama, lowo luulo, hombobolatte, dambalanna itannoha giirate buwano soye diinikki anganni gatiseemmohe.

ISAYAASI 32:19

Dubbo kaade cancante, katamano gante hunturo nafa,

HIZIQEELI 1:4

Iima qole laummo woyite, wolqaataame bubbe aliyye raginni dagganni no; banaqono lowo gomichi giddo blicci yitanni no. Gomichu qooxeessira noo gordi duu'mi; banqo beleqqanno woyite, camote gedee blicceessi leellanno.

HIZIQEELI 13:12

Huxxuno diigamanno; hatte yannara mannu baalu, ‹Huxxaho noora buura ma leddanno?› yee xa'manno'ne» yii.

HIZIQEELI 38:22

Dhibbunninna reyotenni qorichisheemmosi. Isonna olantosi wishotenni, kaadetenninna buwanno ruqaninni ganeemmo.

NAHOOMI 1:3

Wolqasi jawa ikkituro nafa, Kaaliiqi hanqoho dimuddamanno. Ikkollana sao assinoha qorichishikkinni diaguranno. Kaaliiqira hombobolattete bubbenna, dambalu mereero nafa doogo noosi. Gomichuno Kaaliiqi qaafanno woyite ka'anno bukooti.

MAATEWOOSI 7:25

Xeena gani; lolahuno dayi; bubbeno bubbisse hakkonne mine xiibbu. Ikkollana minu kinchu aana minnoonni daafira diuwino.

MAATEWOOSI 7:27

Xeena gani; lolahuno dayi; bubbeno bubbisse hakkonne mine xiibbu. Minuno hakkawoyintenni uwi; uwasino lowo geeshsha jaddonnite» yii.