HIZIQEELI 12:15 - Qullaawa Maxaafa

¹⁵ «Allaggu gobbara hee'ranno manni mereero billaalliseemmonsa yannara, ani Kaaliiqa ikkoommota affanno.

HIZIQEELI 12:15 ပူးပေါင်းရင်းမြစ်များ

FAARSO 9:16

Kaaliiqi halaale coyi'rate egennaminoho; cubbaataammu loossino loosinni amadantu.

ERMIYAASI 29:18

Bagadunni, hudetenninna dhibbunni shorreemmonsa; daga baala la'e bararraaqqanno. Insa billaallisoommo gobbara noo manni baalu, ‹Insa gede ikke› yee rumanno; bararraaqanno; diqatannonna afoo cu'mi'ranno.

ERMIYAASI 49:32

‹Gaallansanna saadansa adhe; umo qooxidhannore baala billaalliseemmo; ragu baalunkunni qarra abbeemmonsa› yee kuloommosi.

HIZIQEELI 11:10

Kunnira, umi'ne gobbara olunni reyitinanni; hatte yannara, mannu baalu ani Kaaliiqa ikkoommota afanno.

HIZIQEELI 12:16

Insa giddonni shiimu manni olunni, hudetenninna dhibbunni gatanno gede asseemmo. Kunni garinni wole ga're mereero heedhe assitinori saalsiisannore ikkinota buuxxanno. Togo asse qorichishoommonsahu ani Kaaliiqa ikkoommota affanno» yee coyi'rie.

HIZIQEELI 12:20

Xa mannu wo'me noo katamma ba'anno; baattono mullicho uulla ikkitanno. Hatte yannara, ani Kaaliiqa ikkoommota affanno» yiie.

HIZIQEELI 14:18

Ani Mootichu Kaaliiqi heeshshote Magano ikka'yanni xaareemmona, hakkuri sasunku keeraano hakkiicho heedhuro nafa, uminsa lubbo ikkinnina oosonsa nafa gatisa didandiitanno.

HIZIQEELI 24:27

Hakko barra, danqe hee'rannohu afiikki fa'nanno; hakko manchi ledono hasaawatto. Mannahono malaate ikkatto; insano ani Kaaliiqa ikkoommota affanno» yiie.

HIZIQEELI 25:11

Ani Moaabi qorichisheemmo; insano ani Kaaliiqa ikkoommota affanno» yii.

HIZIQEELI 26:6

Mereeri gobbara heedhannori nafa, bisetenni doddolantanno; hatte yannara, Xiroosi ani Kaaliiqa ikkoommota afanno» yii.

HIZIQEELI 28:26

Hakkiicho keere heedhanno; minnano mi'nitanno; woyineno kaasidhanno. Ajishshe la'annonsare ollaansa qorichisheemmo. Israeele kayinni yaaddo nookkiha hawaqidhe heedhanno. Hatte yannara, ani Kaaliiqi Maganonsa ikkoommota affanno» yii.

HIZIQEELI 33:33

Ikkollana, ati coyi'ratto qaali addinta wo'manno. Yinoonni coyi wo'meenna affanno yannara kayinni, giddonsa himanaanchu noota buuxxanno» yii.

HIZIQEELI 39:28

Dagate giddora qafadante hadhanno gede assummonsaro nafa, mittuno gatikkinni galagalche gobbansa qoleemmonsa. Kunninni, ani Kaaliiqi Maganonsa ikkoommota manni'ya afanno.

HIZIQEELI 5:10

Kunni daafira, Yerusaalamete noo annuwinna amuuwi oosonsa ittanno. Oosonsano qolte annuwansanna amuuwansa ittanno. Kunni garinni ki'ne baalanka qorichisheemmo; gattinoreno shoolenta faro qole billaalliseemmo.

HIZIQEELI 5:13

«Rabbisi're higammo geeshsha haniqi'yanna aari'ya baalu ki'ne aana qiidanno. Kuni baalu ikkanno yannara, ammanama hooga'nera hanqoommohu ani Kaaliiqa ikkoommota affinanni.

HIZIQEELI 6:14

Halaaleho, anga'ya diriirse gobbansa huneemmo; wodiidoonni noo baatto moolatenni kayise, aliyye ragaanni Dibila katami geeshsha noo baatto mullicho asseemmo. Israeelootu heedhanno base baala co'o asse huneemmo; hatte yannara, ani Kaaliiqa ikkoommota mannu baalu afanno» yee coyi'rie.

HIZIQEELI 6:7

Mannu darga baalaho reyanno yannara, lubbotenni noori kayinni ani Kaaliiqa ikkoommota affanno.

HIZIQEELI 7:4

Horonta dimarareemmo'ne; maarono dieemmo'ne. Assitinoonnihu saalfachishanno coye ikkino daafira, qorichisheemmo'ne. Hatte yannara ani Kaaliiqa ikkoommota buuxxinanni› yaanno» yiie.

LEEWAAWOOTA 26:33

dagate mereero billaalliseemmo'ne; bise'ya fushshe shorreemmo'ne. Baatto'ne mulla darga ikkitanno; katamma'neno diigante gattanno.