HIZIQEELI 11:6 - Qullaawa Maxaafa

⁶ Kunni katamira lowo manna shaa'nenni kainohunni doogga baalate reeshshu wo'mino.

HIZIQEELI 11:6 ပူးပေါင်းရင်းမြစ်များ

LAYINKI MOOTOOLLA 21:16

Minaase Yihudu manni cubbo loose Kaaliiqa dadillisanno gede assatenni sae, keeraano lowo manna shee Yerusaalamete doogga mundee calla assino.

ISAYAASI 1:15

«Anga'ne huuccattote anewa qoltine fantinirono caaqqi yee dilaeemmo'ne. Anga'ne mundeetenni karsantinota ikkitinohura, aye geeshshano huuccidhineenna dimacciishsheemmo'ne.

ERMIYAASI 2:30

Seejjantinannikkire ikkitinoonnihura, ani ki'ne qorichisha'ya haafaho. Himanaano'ne, hanqino doobbiichi gede ikkitine shitinoonni.

ERMIYAASI 2:34

Imaani'ne mulqi'nanna fultino'ne mundeenni ikkikkinni, keeraanotenna buxanete mundeenni baino.

ERMIYAASI 7:6

Manni gobba manna, annanna ama afi'rinokkirenna gunnoota xiibbinoonte. Tenne gobbara hee'rannoha beebbaataamo manna shitinoonte. Ba'inannina kaphu maganna magansidhinoonte.

ERMIYAASI 7:9

Ki'ne moortinanni, beebbaataamo manna shitinanni. Foortinanni; beebbatenni xaartinanni; Ba"aalira kakkaltinanni; albaanni egentinoonnikkita kaphu maganna magansidhinanni.

ERMIYAASI QURTO 4:13

Ikkollana, katamaho beebbaataammu mundee duntinori, himanaanose loossino cubbinna, qeesootise assitino bunshenni kainohunni kuni coyi ikkino.

HIZIQEELI 22:12

Mannikki giddonni mitu mitu manna shaate woxe adhitanno; mitu mitu uminsa mannira Israeelete nafa qallote liqiissitanno. Insa hanaaqqe doogimale duroo'mitanno; ane horonta habbino. Konne coye coyi'reemmohu ani Mootichu Kaaliiqaati.

HIZIQEELI 22:27

Roorrootinsa, shitino saada bibbiddanno hiyyeeyye gedeereeti; hanaaqunni duroo'mitara yite manna shitanno.

HIZIQEELI 22:9

Ki'ne giddonni mitu mitu woloota shiishiishate kapho coyidhanno; mitu mituno kaphu magannara kakkalloonniha ittanno; mitu mitu foore disarmannoho.

HIZIQEELI 7:23

«Mannu baalu gara hawanno; baattote aana manna shitannori wo'mitanno. Katamma baalate haxawarrimma hala'litanno.

HIZIQEELI 9:9

Maganuno, «Israeeletenna Yihudu manni lowo geeshsha busha cubbo loosatenni sao assino; baatto baalate aana shaa batidhino. Yerusaalameteno maqqaallo batidhino. Qolteno, ‹Kaaliiqi gobbanke hawino; ninkeno la"a agurinonke› yitino.

MIKIYAASI 3:10

Ki'ne Maganu katama Yerusaalame mundeetenninna bunshetenni mintinanni.

MIKIYAASI 7:2

Magano baxannohu danchu manchi baattote aana horontanni dino. Mannu mereero taashshannohu dino. Wo'munku mannu mundee dunate duganno; mittu mittunku umisi fiixa woshshaadara faana gananno.

SOFFOONIYAASI 3:3

Albisootisi ittananno doobbiyi gedeereeti. Daanyootisino ga'ara gatissukkinni afidhinoha baala itte guddannorinna hudidhino hiyyeeyye hawarrote gedeereeti.

MAATEWOOSI 23:35

Kunninni kainohunni, baattote aana du'nantinoti keeraanchu Aabeeli mundeenni kayisse Qullaawu Mininna kakkalote dargi mereero shitinoonnihu Barakiyi beetti Zakkaariyaasite geeshsha duntiniti keeraanote mundee yitanno'ne.