HIZIQEELI 11:17 - Qullaawa Maxaafa

¹⁷ «Qoleno, ani Mootichu Kaaliiqi billaallisoommo'ne baatto baalatenni daware abbeemmo'ne; Israeelete baattono galagalche eemmo'ne.

HIZIQEELI 11:17 ပူးပေါင်းရင်းမြစ်များ

FAARSO 107:3

Allaggu gobbanni galagalche abbino'ne; soojjaatinninna galchiminni aliyyenninna wodiidinni gamba assino'ne.

ISAYAASI 60:21

Mannikkino keeraancho ikkanno; baattono hegere geeshsha ragi'ranno; galattannoe gede insa kalaqoommohunna kaasoommohu aneeti.

ERMIYAASI 24:5

«Ani Israeelete Magani Kaaliiqi, qafadote Baabilooni soyummo manna tenne dancha laalo gede asse kiireemmo.

ERMIYAASI 24:6

Gawajjantannokki gede towateemmonsa; mineemmonsata ikkinnina didiigeemmonsa; kaaseemmonsata ikkinnina dibuqqiseemmonsa.

ERMIYAASI 24:7

Anino ane Kaaliiqa afanno wodana eemmonsa. Hakkunni gedensaanni wo'mu wodaninsanni anewa higganno daafira, manna'ya ikkitanno; anino Maganonsa ikkeemmo.

ERMIYAASI 29:10

Kaaliiqi, «Baabilooni heedhinannihu 70 diri goofanno waro, alba higeemmo'ne. Oommo'ne hexxo garinnino galagalche qae'ne qoleemmo'ne.

ERMIYAASI 3:12

Xa aliyye widira ha're Israeelete mannira, «Ammanantinannikki Israeele, ane Kaaliiqiwa higge! Ani maaro batidhinoha ikkoommo daafira dihanqeemmo; ki'nera hegere geeshsha hanqoommo gedeenni dihee'reemmo.

ERMIYAASI 3:18

Hakka waro Yihudunna Israeelete manni mitteenni aliyye widoonni noo gobbara qafadaminowiinni daanno; akaakkansara hegerera iqqa asse oommonsa gobba galagale higanno» yeemmo gede kulino.

ERMIYAASI 30:18

Kaaliiqi lede, «Yaiqoobi ilama marareemmonsa; Yerusaalamete katami galagale minamanno; mootete minino haaroo'manno.

ERMIYAASI 31:16

Wi'la'ne agurtine hindiiddo'ne fiidhe; ooso'ne diininsa gobbanni galagalte higganno waro, insara assitinoonni danchumma daafira, ani mulla diagureemmo'ne.

HIZIQEELI 20:34

Mittowa gamba asseemmo'ne; billaallitinoonni gobba baalantenni qole abbeemmo'ne. Jawaata anga'ya, wolqaataame cigile'yanna buwannohu hanqi'ya mageeshshihoro leellisheemmo'ne.

HIZIQEELI 20:41

Billaallitinoonni gobbanni abbe mittowa gamba asseemmo'ne yannara, shilqinshanni kakkalo gede asse baxeemmo'ne; ani ki'nera qullaawa ikkoommota dagate leellisheemmo.

HIZIQEELI 20:42

Akaakka'nera aammora xaaroommo gobba Israeele qole abbeemmo'ne yannara, ani Kaaliiqa ikkoommota affinanni.

HIZIQEELI 28:25

Mootichu Kaaliiqi, «Israeelete manna billaallisoommo gobba baalatenni qole abbeemmonsa. Dagano ani Qullaawa ikkoommota affanno; Israeelete manni soqqamaanchi'ya Yaiqoobira oommotera uminsa baattora hee'ranno.

HIZIQEELI 34:11

Mootichu Kaaliiqi, «Ani umi'ya ge'reewo'ya hasi'reemmo; seekke allaa'leemmo.

HIZIQEELI 34:13

Allaggu gobba baalantenni gamba asseemmonsa; mitteenni gamba asse gobbansa qoleemmonsa. Israeelete ilaallanna bu'a baalanniwa haa're ha'reemmonsa; masse danchu qanchi giddo hosiiseemmonsa.

HIZIQEELI 36:24

Dagate giddonni fushsheemmo'ne; gobba baalantenni gamba asse umi'ne gobba qoleemmo'ne.

ZAKKAARIYAASI 8:7

Ani manna'ya qafadame hee'ranno gobbanni soojjaatinninna galchiminni qole abbeemmo.

MARRO 30:3

Magani'ne Kaaliiqi mararanno'ne. Dagate mereero billaallisino'newiinnino galagalche gamba asse duroonsanno'ne.