HIZIQEELI 11:16 - Qullaawa Maxaafa

¹⁶ «Kunnira, qafadante wole gobbara heedhannorira fiixikkira ani yeemmohere baala kulinsa. Qafadante fafo daga giddo heedhannonna wole gobbuwara billaallitanno gede assoommohu aneeti. Kayinnilla, yannate geeshsha billaallisummonsaha ikkirono, ani martinowa ledonsa noommo.

HIZIQEELI 11:16 ပူးပေါင်းရင်းမြစ်များ

FAARSO 31:20

Ledonsa heedhe gano gantannoriwiinni golattonsa; baarigaarransa arrawinni minekki maaxxe gatisattonsa.

FAARSO 44:11

Ge'reewu gede gorramate sayisse oottonke; dagate giddono billaallisoottonke.

FAARSO 90:1

Mooticha'ya ati ilamate ilamara hee'neemmowaati.

FAARSO 91:1

Wo'munkura Aliidiha golosi assi'rannohu, Wo'manka Dandaanno Magani hunda caa'lanno.

LAWISHSHA 18:10

Kaaliiqi su'mi kinchu huxxaati; keeraanchu manchi hakkiira xooqe keere hee'ranno.

ISAYAASI 4:5

Hatte yannara Kaaliiqi Tsiyooni Ilaaliranna hakkiicho gamba yite noorira baalaho barra gomicho, hashsha wiliilenna wala yaanno kiffala soyanno. Maganu ayirrinyi katama gudise guggushshe golanno.

ISAYAASI 8:14

Ani qullaawa qiishooti; ikkollana Yihudunna Israeelete mannira woshshaadonna gufidhanno kincho ikkeemmonsa.

ERMIYAASI 26:11

Qeesootunna himanaano, albisootahonna manna baalaho, «Kuni manchi coyi'rinore ki'ne baalunku macca'nenni macciishshitinoonni. Kataminkera busha coye himanino daafira reya hasiissannosi» yite coyidhino.

ERMIYAASI 26:7

Qeesootu, himanaanonna mannu baalu ani Qullaawa Mine hee're konne coye coyi'ranna macciishshitu.

ERMIYAASI 29:11

Ki'nera hedeemmore ani egennoommo; hedo'yano hexxonna albillittete ikkitanno'ne gede, keerunnite ikkinnina bunshennita di"ikkitino.

ERMIYAASI 29:7

Woroommo'ne katami keere ikkannotanna qiniitaawannota halche. Heedhinoonni katamira qiniisiro ki'nerano qinaanno'nena ane Kaaliiqa huuccidhe"e.

ERMIYAASI 30:11

Gatisammo'nera ani ledo'ne hee'reemmo; giddonsa billaallisummo'ne daga gudeemmo. Ki'neno qorichishummokkinni diagureemmo; kayinnilla digudeemmo'ne; halaalunni seejjeemmo'ne» yii.

ERMIYAASI 31:10

Ki'ne daga! Ani coyi'reemmore macciishshe! Yeemmore qaccete fafowa noorira, ‹Manna'ya billaallisoommo; xa kayinni gamba asse, allaalaanchu gede allaaleemmonsa› yiino, yitine lallabbe.

ERMIYAASI 42:11

Baabilooni moote waajja agurre; ani ledo'ne noommo daafira isi anganni gatiseemmo'ne. Togo yoommohu ani Kaaliiqaati.

HIZIQEELI 20:23

Kunnira, halalla moola baattora heedheenna, gobba baalate billaalliseemmonsata xaare kuloommonsa.

LEEWAAWOOTA 26:44

Tenne giddoonni kayinni, ledonsa eoommo gondooro diige, diinnansa gobbara dicallachisheemmonsa; co'o yite ba'arano diagureemmonsa. Ani Kaaliiqi Maganonsaati.

ZAKKAARIYAASI 2:6

Kaaliiqi mannisira, «Ki'ne base baalate billaalliseenna'ne wole gobbara qafadantine heedhinoonniri, xa ka'ine Baabilooninni rahotenni xooqqine fultine Yerusaalame higge.

MARRO 4:27

Kaaliiqi ki'ne dagate mereero billaallisanno'ne. Dagate mereero billaalliseenna'ne shiimu manni callu gattinanni.