HIZIQEELI 10:9 - Qullaawa Maxaafa

^9-10 Hattono mittu mittunku kirubeeli mule mimmito labbannota 4 lami-qale afummo. Hatti qallano dilqu kinchi gede xabbannote. Mitte mittenti qale, mimmitoho giddoonni qolle sayinse xaadinse seekkinoonnita labbanno.

HIZIQEELI 10:9 ပူးပေါင်းရင်းမြစ်များ

UMI MOOTOOLLA 7:30

Mittu mittunku uduunne worrannihu, camotenni seekkinoonniha 4 kasanna qale aanaanni doyitannota camote daabbuwa afi'rino. Qoleno shoolente maddera hayishshi'nanni gawate irkissanno daabbi no. Daabbuno daraarote migiri suudinni seesiinse seekkinoonniho.

HIZIQEELI 10:8

Anino mittu mittunku kirubeeliti qoolaho woroonni noo anga mannunnite gedeeta ikkitinota afummo.

DAANIEELI 10:6

Kunni manchi bisi dilqu kinchi gede xawanno; albisino banqote gede bilicci yaanno; illuwasino giirate buwano labbanno; anguwasinna lekkuwasi fiinoonni camo gede xabbanno; qoonqosi lowo mannite gede shooshshitanno.

YOHAANNIS AJUUJA 21:20

onti safo duumu dilqinni, leelki safo burcuqqaamu dilqinni, lamalki safo duumu burcuqqaamu dilqinni, settikki safo haanju dilqinni, honsi safo baqqalu dilqinni, tonnikki safo kooshimu dilqinni, tonaa mitikki safo kuulaamu dilqinninna tonaa layinki safo xiillichu dilqinni seesiinsoonni.