HIZIQEELI 10:19 - Qullaawa Maxaafa

¹⁹ Ani konne la"anni hee'reenna, kirubeeli qoollansa diriirsite baattote aaninni iimira higge buubbanno yannara, qallano ledonsa hadhu. Kaaliiqi Minira soojjaatoonni noohuwa huxxu waalchiwa iillite, mitte higge taxxi yitu. Israeelete Magani ayirrinyino aanansa no.

HIZIQEELI 10:19 ပူးပေါင်းရင်းမြစ်များ

HIZIQEELI 10:1

Qoola afi'rino kalaqami umma iimaanni nooha xawannoha qalcho lawannoricho laummo. Kalaqamu aanano bulu dilqinni seekkinoonniha mootete barcima lawannore laummo.

HIZIQEELI 11:1

Maganu Ayyaani uullanni iima qole kayise"e, soojjaati ragaanni noohuwa Qullaawu Mini waalchiwa abbie. Hakkiicho waalchu mule 25 manna afummo. Insa mereero mannu albisoota ikkitinori Azuuri beetti Azaaniyanna Beenaya beetti Felaaxiyi no.

HIZIQEELI 43:1

Hakko manchi soojjaati ragaanni noo waalchiwa haa're massie.

HIZIQEELI 43:2

Hakkiichono Israeelete Magani ayirrinye leellishanno xawaabbi soojjaatinni fulanna afummo. Macciishshummo hirbino baaru dambali gede suunannoho. Ayirrinyisi biliccinatinni baatto xabbu.

HIZIQEELI 43:4

Kaaliiqi ayirrinye leellishanno xawaabbi, soojjaati waalchi ragaanni hige sae Qullaawu Minira ei.

HIZIQEELI 8:16

Hakkunni gedensaanni, giddoonni noohuwa Qullaawu Mini nafarira haa're massie. Hakkiicho Qullaawu Minira e'nanniwa kakkalote darginna sa'nanni doogo mereero, 25 manni geeshshi no. Insano badhe Qullaawu Kaaliiqi Minira wodhite, fultanni noo arrishsho magansidhanni soojjaatira higge guluphite kumbuultanni no.