HIZIQEELI 1:4 - Qullaawa Maxaafa

⁴ Iima qole laummo woyite, wolqaataame bubbe aliyye raginni dagganni no; banaqono lowo gomichi giddo blicci yitanni no. Gomichu qooxeessira noo gordi duu'mi; banqo beleqqanno woyite, camote gedee blicceessi leellanno.

HIZIQEELI 1:4 ပူးပေါင်းရင်းမြစ်များ

UMI MOOTOOLLA 19:11

Kaaliiqino Eeliyaasi, «Noottowiinni fulte ilaalu birxera ane albaanni uurri» yiisi. Hakkunni gedensaanni Kaaliiqi mulesiinni hige sai. Lowo bubbe soye ilaalla daddari. Kinnano cancani. Kaaliiqi kayinni hattenne bubbe giddo dino. Bubbe uurrituhu gedensaanni, baatto huxidhu. Kaaliiqi baattote huxi'ra giddono dino.

LAYINKI MOOTOOLLA 2:11

Hasaabbanni hadhanni heedheenna, giirate gaare goshooshannohu giirate faradi hedeweelcho mereero e"e lamenka badi. Eeliyaasino hombobolatte haadhe gordo hadhusi.

LAYINKI DUDUWO 5:13

Insano xurumba ufuuffanni, faarsaano baala, tsenaatsiletenni, baganunninna wolu muuziiqu uduunninni, «Shaqqado ikkino daafira, baxillisino hegereha ikkino daafira, Kaaliiqa galattesi!» yitanni mitte qoonqonni Kaaliiqa galattu. Konne mereero hedeweelcho xawannohu, Kaaliiqi ayirrinye leellishanno gomichi Qullaawa Mine wo'mino daafira qeesootu uurrite soqqama nafa didandiitino.

IYYOOBI 38:1

Kaaliiqi hombobolattete giddo hee're Iyyoobira,

FAARSO 50:3

Maganinke daanno; sammi diyaanno; ittanno giira albasiinni no; wolqaataame bubbe gaangaawisira no.

FULO 9:24

Lowo geeshsha bati'ra kaade, banqotenna belequ ledo dirritu; togoo kaade Gibitsete gobbara horonta dirrite diegentino.

ISAYAASI 19:1

Gibitsete daafira kulloonni sokka kunninni aante noote: Kaaliiqi ariiffatu gomichi aana ofolle Gibitse daanno. Gibitsenniti kaphu maganna albasiinni qece yite huxidhanno; Gibitsete manni wodanino daaqanno.

ISAYAASI 21:1

Baaru gami halallitte daafira kulloonni sokka kunninni aante noote: Wodiidi halallittenni dagge, wo'mankare fiite haadhe hadhanno hombobolatte gede, mitte waajjishshanno gobbanni, wolqaataame bao fultanno.

ERMIYAASI 23:19

Kune hanqi'yanni, hombobolattete gede ikke kae, bushuulle ganeemmo.

ERMIYAASI 25:32

Olantote Mootichi Kaaliiqi, «Kuneeti, tare tarentenni gosate bao dagganno; gobbate qaccenni wolqaataame hombobolatte ka'anno.

ERMIYAASI 25:9

‹Kune aliyye mannanna borojjicho'ya Nabukadanatsoori woshsheemmo. Insano tenne baattora noo mannanna qooxeessaho noore baala guddanno gede asseemmo; la"annohu baalu waajje afoo cu'mi'ranno gede asseemmonsa.

ERMIYAASI 4:6

Aliyye raginni qoomamanna bala abbanni noommona, keeshshikkinni rahe gato noowa xooqanno gede, Tsiyooni katamma doogo leellishshesi.

ERMIYAASI 6:1

Kaaliiqi, «Ki'ne Biiniyaami manna! Qarrunna bao aliyye raginni dagganni noona, gattinanni gede Yerusaalametenni fultine xooqqe. Teqoa katamira xurumba ufuuffe; Beetihakaremi katamirano malaateho giira giirre.

HIZIQEELI 1:27

Hakku manchi, halli ale, giirate giddo noo camo gede xawanno. Halli woro, giirate buwano lawanno. Gaangaawisirano wara'a yiino xawaabbi leellanno.

HIZIQEELI 13:11

Hakkuri noora buurtu himanaanora, huxxinsa diigamikkinni gatannokkita kullensa. Hanqi'yanni lowo xeena dirriseemmo; kaadete kinna soyemmo; bubbeno dhodhoosse huntanno.

HIZIQEELI 13:13

Kuneeti xaano Mootichu Kaaliiqi, «Buwannohu hanqi'yanni jawaata bubbe soye, kaadete kinna dirrise, xeena barada gane huxxa diigeemmo.

HIZIQEELI 43:3

Tini ajuujano kunni albaanni Maganu Yerusaalame hunara dayi waro afummota labbanno. Kebaari Wayi mule afummo ajuuja ledo mimmito labbanno. Hakka waro baattote aana alba hige gombisamoommo.

HIZIQEELI 8:2

Ale hige laeemmo woyite, dana giirate buwani gede xawannoha manna lawannoricho afummo. Hakku manna lawannorichino halli woro giira, halli ale fiinoonni camo lawannoho.

ZAKKAARIYAASI 6:6

Koliddaannu faradi goshooshanni noo faradi gaare, aliyyera Baabilooni, waajjuullu faradi goshooshanni nooti galchimira, odole faradi goshooshanni nooti wodiidi gobba higge hadhu.

IBIRAAWOOTA 12:29

Maganinke ittanno giiraati.

YOHAANNIS AJUUJA 1:15

Lekkasi giiratenni daashshinihu gedensaanni fiinoonni camo labbanno; huurosino lowo wayi foonchi gedeete.