HIZIQEELI 1:24 - Qullaawa Maxaafa

²⁴ Buubbanno yannara, qoollansa luulo macciishshoommo. Luuluno baaru dambali, lowo olantonna Wo'manka Dandaanno Maganihu gedeeho. Buuwa agurtanno woyite qoollansa gamba assidhanno.

HIZIQEELI 1:24 ပူးပေါင်းရင်းမြစ်များ

LAYINKI MOOTOOLLA 7:6

Kuni ikkinohuno Kaaliiqi Sooriyootu faradunnihanna faradi gaaretenni nootenniha lowo olantoha lawanno hirba macciishshitanno gede asseenna, Israeelete moote Hitootunna Gibitsete mootoolla olantonsa ledo kodhe qasansara dayinoha laweennansa xooqqe ba'inohuraati.

IYYOOBI 37:2

Maganu huuro macciishshe! Afiisinni fulannoha belequ qaalesi macciishshe!

FAARSO 18:13

Kaaliiqino gordoho hee're beleqi; Wo'munkura Aliidi Magani huurosi macciishshiishi.

FAARSO 68:33

Bi're hundinni kayise gordo gulufe noo Maganita, wolqaataame huurosi macciishshe!

HIZIQEELI 10:5

Kirubeeli buuwanno woyite macciishshinannihu qoollasi luuli, gobbaanni noo nafari geeshsha nafa macciishshamanno. Luulinsa Wo'manka Dandaanno Magani hirbi gedeeho.

HIZIQEELI 3:13

Shoolunku kalaqami qoolla bubbete aana mimmitoho ga'nite luultanna macciishshummo. Lami-qale hadhanno woyiteno, banqote gede beleqanno luulo macciishshoommo.

HIZIQEELI 43:2

Hakkiichono Israeelete Magani ayirrinye leellishanno xawaabbi soojjaatinni fulanna afummo. Macciishshummo hirbino baaru dambali gede suunannoho. Ayirrinyisi biliccinatinni baatto xabbu.

DAANIEELI 10:6

Kunni manchi bisi dilqu kinchi gede xawanno; albisino banqote gede bilicci yaanno; illuwasino giirate buwano labbanno; anguwasinna lekkuwasi fiinoonni camo gede xabbanno; qoonqosi lowo mannite gede shooshshitanno.

YOHAANNIS AJUUJA 1:15

Lekkasi giiratenni daashshinihu gedensaanni fiinoonni camo labbanno; huurosino lowo wayi foonchi gedeete.

YOHAANNIS AJUUJA 19:6

Xaano lowo manni huuro labbannota, shooshshanno wayi luulinna banqote beleqi gedee gugatto, «Halleeluya! Wo'manka Dandaannohu Mootichinke Maganu moohino!