HIZIQEELI 1:13 - Qullaawa Maxaafa

¹³ Daninsano, kashilunna buwanno caabbichi gedeeho; mereeronsa bubbanno giira millissanni no. Xawaabbuno wara'a yiinoho; giirate giddonnino banqo fultu.

HIZIQEELI 1:13 ပူးပေါင်းရင်းမြစ်များ

KALAQAMA 15:17

Arrishsho e'eenna tunsihu gedensaanni, booso wiliilenna buwanno caabbichi lamewa beenki maali mereeroonni hige sai.

FAARSO 104:4

Bubbe sokkaanokkiiti; giirate buwanino soqqamaanokkiiti.

HIZIQEELI 1:7

Lekkuwansa suwaddate; lekkuwansa hoowi boottate culunqa lawanno; fiinoonni camo gede cala cala yaanno.

HIZIQEELI 10:2

Maganuno waajjo shaalado uddano uddi'rino mancho, «Kalaqamu woroonni noo lami-qale mereeroonni higge sa'e ha'ri. Cilaattete kiffala cu'mite haadhe, katamu aana finci» yiisi. Anino la"anni hee'reennanni ha'ri.

DAANIEELI 7:9

Ani la"anni hee'reenna, ayirradda mootete barcimma, aante aantetenni dirantu. Hegerera Hee'rannohu umisi barcimi aana ofolli; uddanosi kaadete gedeete; shaallote gede waajjote. Isi ofollino barcimi giirate gede buwanno; qalaame barcimu lekkuwa giirate gede wala wala yitanno.

MAATEWOOSI 28:3

Sokkaasinchu albino belequ gede xawanno; uddanosi kaadete gede waajjote.

LAYINKI TESELONQE 1:7

Xa qarra adhitinannirira ninke ledo fooliishsho aanno'ne. Hatto assannohu, Mootichu Yesuusi wolqaataame sokkaasinesi ledo wala yitanno giiranni gordunni daanno warooti.

YOHAANNIS AJUUJA 10:1

Hakkunni gedensaanni, gomicho uddi'rinohu wolu jawaatu sokkaasinchi gordunni dirranna afummo. Magani-seemo umosi doyissite no; albisi arrishshote gedeeho. Lekkasi giirate heelliicho gedeete.

YOHAANNIS AJUUJA 18:1

Hakkunni gedensaanni wolu sokkaasinchi gordunni dirranna afummo. Isi lowo roorre afi'rino; ayirrinyisi baatto baala xawisi.

YOHAANNIS AJUUJA 4:5

Ayirradu barcimiwiinni belequ, banqonna gugatto fultu. Ayirradu barcimi albaanni lamalu caabbichi buwanni no; hakkuri lamala Maganu ayyaannaati.