HAGE 2:5 - Qullaawa Maxaafa

⁵ Gibitsete gobbanni fultini waro, ‹Ledo'ne noommo› yuummo qaali garinni xaano Ayyaani'ya ledo'ne noona jawaatte! Waajjitinoonte» yee kulinsa.

HAGE 2:5 ပူးပေါင်းရင်းမြစ်များ

LAYINKI DUDUWO 20:17

Konne ola ki'ne diolantinanni; darga darga'ne calla amaddine agarre! Ani Kaaliiqi eemmo'ne qeelle la'inannina. Ki'ne Yihudunna Yerusaalamete manna, huluullantinikkinninna waajjitinikkinni ga'a fultine xaadde. Ani Kaaliiqi ledo'ne hee'reemmona› yiino» yii.

NEHIMIYA 9:20

Danchummakkinni assate hasiisannore baala kuloottonsa; ittannota ‹Menna› yinanni sagalenna agganno waano uyittonsa.

NEHIMIYA 9:30

Lowo diro cincatenni qorophisiisoottonsa; Ayyaanikkinni himanaanokki widoonni qolte qorophisiisoottonsa; mannikki kayinni macca duwe giwino daafira, ollaansa ikkitino dagara sayisse oottonsa.

FULO 19:4

Gibitse assummotanna, ki'neno caacurresi qoolunni hanqafe duqqanno allamurchi gede asse abboommo'neta affinoonni.

FULO 19:6

anera qullaawoota ikkitine gashshooti'yara qeesimmatenni soqqantinannie yii. Konneno Israeelete manni baalaho kulatto» yiisi.

FULO 24:3

Museno daye, mannaho Kaaliiqi yiinorenna wogasi baala kulinsa. Mannuno mitto afoo ikke, «Kaaliiqi yiinonkere baala wonshineemmo» yee dawari.

FULO 24:8

Museno mundee haa're mannu aana wixanni, «Kaaliiqi ki'nera hajajo uyi'ne yannara eino gondoori mundee tenneeti» yii.

FULO 34:10

Kaaliiqi Musera, «Kuneeti ani ki'ne ledo gondooro e"eemmo; manni'ne baalu albaanni, baattote aana noo manni mereero anfe egenninoonnikki maalale asseemmo; ani mulekki asseemmo coyi waajjishannohona, kuni ledo nootto mannino dhagge'ya la"anno.

FULO 34:8

Museno rahe umosi heeshshi asse Kaaliiqira kumbuuli,

ISAYAASI 41:10

Ani ledokki noommona waajjitooti; ani Maganokkiitina hexxo mudhitooti. Ani jawaachisheemmohe, kaa'leemmohe; wolqaataame anga'yanni gargare gatiseemmohe.

ISAYAASI 41:13

Qiniiticho angakki irkiseemmohe; ‹Kaa'leemmohena waajjitooti› yeemmohehu, Maganikki ani Kaaliiqaati.

ZAKKAARIYAASI 4:6

Hakkunni gedensaanni sokkaasinchu, «Tini Kaaliiqi Zerubaabeelira soyino sokkaati: Olantote Mootichi Kaaliiqi, ‹Qinaannohehu, Ayyaani'yanniiti ikkinnina, wolqakkinninna jawaantekkinni di"ikkino› yaanno.

ZAKKAARIYAASI 8:13

Ki'ne Yihudunna Israeelete manna, kunni albaanni wole daga mimmitonsa, ‹Yihudunna Israeelete iillitino rumo amaddo'ne› yitanni runtanno. Xa kayinni ani gatiseemmo'ne daafira, galagalte mimmitonsa, ‹Yihudahonna Israeelete iillitino maasso iillito'ne› yitanni maassidhanno. Kunnira, jawaatte! Waajjitinoonte» yaanno.

ZAKKAARIYAASI 8:15

Xa kayinni, Yerusaalametenna Yihudu manna maassi'rammora murci'roommo; kunnira, waajjitinoonte!

MAATEWOOSI 28:5

Sokkaasinchu kayinni meentoho, «Ki'ne woyite waajjitinoonte; suntiha Yesuusa hasidhinanni heedhinoonnita afoommo.

SOQQAMAASINETE LOOSO 27:24

‹Phaawuloosi, waajjitooti! Jawu moote albaanni uurra hasiissannohena. Ledokki hadhanni nooreno Maganu angakkira sayise uyino› yee kulinoena waajjitinoonte.

IYYAASU 1:9

Ha'ratto darga baalaho ani Kaaliiqi Maganikki ledokki noommona, ‹Bashshi yitooti! Jawaati!› yee hajajummoheta habbooti. Horonta waajjitooti; hexxono mudhitooti» yee coyi'risi.

IYYAASU 8:1

Hakkunni gedensaanni, Kaaliiqi Iyyaasura, «Olaho gaaddokki baalanta haadhe Gayi katama gaadoho fuli; horonta be'e yitooti! Waajjitooti! Ani Gayi moote qeelatto gede asseemmohe. Mannu, katamunna baatto ateta ikkitanno.

YOHAANNIS AJUUJA 1:17

Iso laummo woyite, reyino manchi gede ikke lekkasi hunda uwummo. Isi kayinni qiniiticho angasi aana'ya wore, «Waajjitooti; umihunna gedenihu,

UMI SAAMUEELI 12:20

Saamueelino, «Waajjitinoonte; tenne baala bunshe assa'ne noote. Ikkollana Kaaliiqa wo'mu wodani'nenni magansidhesi ikkinnina isiwiinni faffinoonte.