HAGE 2:22 - Qullaawa Maxaafa

²² Hatte yannara, gashshootu baalunniha ayirrinyu barcima galcheemmo; wolqansano co'o asse gudeemmo; gaarete farado gantannoreno gaarensa ledo galcheemmo; faradinsa goofanno; faradaasinensano mimmitonsa shitanno.

HAGE 2:22 ပူးပေါင်းရင်းမြစ်များ

LAYINKI DUDUWO 15:6

Maganu aanansa qarranna yaaddo abbino daafira mitte gosa wole gosa, mittu katami wole katama gadidisino.

LAYINKI DUDUWO 20:22

Faarsaano faarsa hanaffuta, Kaaliiqi diininsara gara hawiseenna mimmitoho bagado alba qo'litu.

LAYINKI DUDUWO 20:23

Amoonootunna Moaabootuno Edoomoota shite guddu. Edoomoota gudduhu gedensaanni insano mimmitonsa shite guddu.

FAARSO 46:9

Baattote qacce geeshsha nooha ola uurrisanno; digaana hiiqqanno; amaxxo cancananno; wonqono giire hunanno.

FAARSO 76:6

Yaiqoobi Magano! Rufittonsa yannara, faradaasinenna faradinsa reyitino.

FULO 14:17

Anino Gibitsootu wodana dilleesseemmo; insano hoode'ne e'anno; Feriooninna olantosi, faradi gaaresino qeele ayirrinye adheemmo.

FULO 14:28

Wayino dargisira hige hoodensa e'inore faradi gaare, faradaasinenna Feriooni olanto baala mittu nafa gattukkinni egemmi.

FULO 15:19

Israeelete manni baaru giddoonni hige moola baatto kaxxanni fuli; Kaaliiqi kayinni Feriooni, faradi gaare, faradunna faradaasine baaru giddora e'uta, waa aanansa kamballi assi.

FULO 15:4

Ferioonita faradi gaarenna olantosi baaru giddo huni; doorantinori gaadu hajajaano Duumu Baari giddo egemmante gattu.

ISAYAASI 19:2

Kaaliiqi, «Gibitsoota mimmitu aana kayiseemmo. Roduu rodoo, jaalu jaala, katamu katama, gashshaano gashshaano qassanno gede asseemmo.

ISAYAASI 60:12

Atera hajajantannokki gosanna, gashshootu baalu co'o yee ba"anno.

ISAYAASI 9:19

Olantote Mootichi Kaaliiqi hanqino; hanqisino baatto baalate giirate gede buwanni no. Mannu giirranni haqqe gede ikkanno; rodoosi nafa gatisannohu dihee'ranno.

HIZIQEELI 21:27

Bao! Bao! Ee halaalenka katamaho bao dagganno gede asseemmo. Ikkollana, dooroommohu daa geeshsha kuni coyi di"ikkanno; hatte yannara isira sayise eemmo» yii.

HIZIQEELI 26:16

Baaru mule noo gobba mootoolla ayirradu barciminsa aaninni dirritanno; maareekonnihanna gashshootu imaana mulqidhe, waajjite huxidhanni uulla ofoltanno. Atera iillino qarra heddanni lowo geeshsha masse huxidhanno.

HIZIQEELI 38:21

Batinyu dani bao aanasi abbe, Googi waajje huxi'ranno gede asseemmo. Ani Mootichu Kaaliiqi konne coye coyi'roommo. Olantosi bagado alba qo'lite mimmito guddanno.

HIZIQEELI 39:20

Ani shiqisheemmo sagale faradunnita, faradaasinennita, olantonnitanna wole bagadaasine maala duubba geeshsha ittanno. Ani Mootichu Kaaliiqi konne coye coyi'roommo» yiie.

DAANIEELI 8:25

Lowo geeshsha xagaraamo ikkinohura hanaaqunni duroo'manno; umosi baalunkura aliidiha assanno; lowo manna mittore qorophisiisikkinni shaanno; wo'munkura aliidi moote ikkinoha Magano nafa ugganno; goofimarchoho isi umisi ba"anno. Ikkollana ba"annohu mannu wolqanni di"ikkino.

AMOOTSI 2:15

Maxxa oltannorino gargadha didandiitanno. Rakke doddannori xooqqe difultanno. Faradaasineno lubbo gatisi'ra didandiitanno.

MIKIYAASI 5:10

Kaaliiqi, «Hattenne yannara, farado'ne baala huneemmo. Faradi gaare'ne duuchanta hiiqqaqqeemmo.

MIKIYAASI 5:15

Anera hajajama gibbino gosa duuchanta hanqi'yanninna aari'yanni rabbisi'reemmo» yaanno.

MIKIYAASI 5:8

Kuni qarruwiinni gatinohu Israeelete manni, lowo daga gashshooti mereero hee'ranni dubbu moyicho ugaaxanni hee'ranno doobbiichi gedeeha ikkanno. Hattono mitteno xooqe fulate hexxo afi'rinokki ge'reewo hedeweelcho e"e, hiiqqaqqe bibbide itannohu aju doobbiichi gedeere ikkitanno.

MIKIYAASI 5:9

Israeeleno wolqatenni ka'e diinansa qeelte guddanno.

MIKIYAASI 7:16

Gobbate gashshaano baala konne la'anni saalfattanno. Wolqansa mullare ikkite gattino daafira, afoo cu'midhanno. Maccansano amaxxitanno.

SOFFOONIYAASI 3:8

Kaaliiqi, «Shiima yanna cince; insa aana yoo yeemmo yanna dagganno. Daganna gashshootuwa mitteenni gamba asseemmo; hanqi'ya giira insa aana duneemmo. Hanqi'ya buwani baatto baala giiranno.

ZAKKAARIYAASI 10:11

Qarru baari giddoonni sa'anno woyite, ani Kaaliiqi dambala heeshshi asseemmo. Diime ikkinohu Abbayi Wayi moolanno; boonaaleeyye Asoori gosa shollitanno; Gibitseno wolqa hoogganno.

ZAKKAARIYAASI 10:5

Yihudu manni diinnasi kade doogote sabbi ledo karsiisannoha wolqaataamo bagadaancho ikkanno; Kaaliiqi ledonsa noohura, jawaate olame faradaasine nafa gattukkinni qeele saalfachishanno.

ZAKKAARIYAASI 12:9

Hatte yannara, Yerusaalamete aana diinoomunni ka'anno gashshootuwa baala nookkihu gede assammora kaeemmo.

ZAKKAARIYAASI 14:3

Hakkunni gedensaanni, Kaaliiqi sa'u yannara assinte gede, hattenne daga qasara ka"anno.

ZAKKAARIYAASI 4:6

Hakkunni gedensaanni sokkaasinchu, «Tini Kaaliiqi Zerubaabeelira soyino sokkaati: Olantote Mootichi Kaaliiqi, ‹Qinaannohehu, Ayyaani'yanniiti ikkinnina, wolqakkinninna jawaantekkinni di"ikkino› yaanno.

ZAKKAARIYAASI 9:10

Ani Kaaliiqi olu faradi gaare Israeeletenni huneemmo; faradono Yerusaalametenni hooleemmo; olu bagadi baalunku hiiqqaqqamanno. Moote'ne dagate mereero araara kalaqanno; mootimmasino baaru qaccenni qaccete geeshsha iillitanno. Gashshootisino Efiraaxisi Wayinni kayise, gobbate qacce geeshsha iillanno.

MAATEWOOSI 24:7

Gosa gosate aana, gashshootu gashshootu aana ola kayisanno. Addi addi darga hudenna baattote huxano ikkanno.

YOHAANNIS AJUUJA 11:15

Lamalki sokkaasinchino xurumba ufuufi. Gordunni, «Kalqe baalate gashshooti, Mootichunnihanna Buurinosihunniha ikki. Isi hegere hegerera moohanno» yitannota batinye huuro macciishshummo.

EJJEETTO 7:22

Kaaliiqi, sasunku xibbi xurumbi luulo macciishshanni hee'renni, qachaho noo manni baalunku mimmitoho bagado qo'lanno gede assi. Diinu olanto Tsaritaani ragaanni Beete Shiixi geeshsha, gamisu kayinni Xebaati mule noohu Abeeli-Mehola danni geeshsha xooqqu.

UMI SAAMUEELI 14:16

Biiniyaami gobbara Gibia noori Saaooli agaraasine, Filisxeemete olanto billaallitinota affu.