HAGE 1:6 - Qullaawa Maxaafa

⁶ Kuneeti lowoha wixidhine shiima gamba assidhinanni; ittinanni sagale diduushshitanno'nete; agginanniri kassi diassanno'neho; diphitinanniri di"iibbanno'ne; loossine afidhinanni woxi dadhanchu ogorira wodhitinoonnihu gedeeti» yii.

HAGE 1:6 ပူးပေါင်းရင်းမြစ်များ

LAYINKI SAAMUEELI 21:1

Daawiti gashshe noo yannara, 3 diro wo'ma gobbate aana jawaata hude ubbu. Daawitino tenne hajara Magano mala xa'mi'ri. Maganuno, «Saaoolinna minisi manni Gebaooni manna shiinohura sao minesi no» yii.

UMI MOOTOOLLA 17:12

Iseno, «Maganikki Kaaliiqi afanna, mitto hoowo ikkitanno bulleenna maaqqete giddo noota hilicci zayite agurranna wole sagale dinoe. Hattenne noota aneneetenna qaaqqi'yara tima ga'nammara xigiro xinqi'ranni noomma. Hattino ninkera jeefote sagaleeti. Hakkunni gedensaanni reyankeeti» yitusi.

NEHIMIYA 5:2

Insa giddonni mitu mitu, «Lowo ooso noonke daafira, lubbotenni hee'rate sagale hasi'neemmo» yitu.

IYYOOBI 20:22

Lowo jiro heedheennasinni, qarru hedeweelcho daannosi; mitiimmanna yaaddono amaddannosi.

IYYOOBI 20:28

Maganu hanqi daye, jirosi baala lolahu gede adhe haa'ranno.

FAARSO 107:34

Hakkiicho hee'ranno manni bunshenni kainohunni, shaqqado gobba maxinete baatto gedeeta ikkitu.

LAWISHSHA 11:24

Mitu mitu manni shaqqillunni woxesi fincanno; ikkirono jirosi batidhanno. Deerrimale honqooqoo'mannohura kayinni, buxima lexxitannosi.

ISAYAASI 5:10

Tonne siiwora kaansoonni woyine 8 litire calla ikkitanno. 150 kiilo gide winxeenna 15 kiilo calla ka"anno» yii.

ERMIYAASI 12:13

Qamade wixidhe uta mixxitino; daafurte mittoreno diafidhino. Hanqi'yanni bainohura, jajjinsara dadillitino» yii.

ERMIYAASI 14:4

Xeenu hoogino daafira, baatto moolte dhodhookkanno; loosidhannorino tultaabbe, umo heeshshi yitanno.

ERMIYAASI 44:18

Gordu mootittera kakkala agurrummonkunninna woyinete xajje shiqisha uurrinsummo kawa, lexxinonkeri dino; mannankeno bagadunna hude guddino» yitu.

HOOSEI 4:10

Wole maganna hoode ha'rate yitine ane Kaaliiqa agurtinoonni daafira, ittinannillana diduubbinanni. Kaphu maganna mine martine foortinannillana ooso di"iltinanni» yii.

HOOSEI 8:7

Insa bubbe wixidhe hombobolatte mixxitanno; gideho gumu dihee'rannosi. Gumu hee'riro nafa allaggichu itanno.

LEEWAAWOOTA 26:20

Wolqa'ne beebba gooffanno; baatto gide, haqqeno laalo diuyitanno'ne.

LEEWAAWOOTA 26:26

Ittinannire hoogginanni gede asseemmo'ne yannara, 10 meenti 1 mixashshora raisi'ranno; sagaleno keenaasinchunni keentine ittinanni; ikkeennano diduubbinanni.

HAGE 1:10

Xeenu dirra giwinohunna baattono gide fushsha gibbinohu kunniraati.

HAGE 1:5

Hanni xa iillino'ne coye baala wodanchitine la'e!

HAGE 1:7

Olantote Mootichi Kaaliiqi, «Kuni mayira ikkinoro wodanchitine la'e;

HAGE 1:9

Qoleno, Olantote Mootichi Kaaliiqi, «Ki'ne woyite lowo jajja afi'rate hexxitinoonni; kayinnilla shiima calla afidhinoonni; minira qo'litinoonniha ani ufuufe hunoommo; togo mayira assoommoha lawanno'ne? Hatto assoommohu, ane mini diigame hee'reenna, umi'ne mine biifisi'rate doddinannihuraati.

HAGE 2:16

200 kiilo gide afi'rate gide duunnanniwa martinoonni; kayinnilla, afidhinoonni gidi 100 kiilo calla ikkino; 100 litire woyinete xajje afi'rate hasidhine, woyine huuncinanniwa martinoonni; kayinnilla afidhinoonniti woyinete xajje 40 litire calla ikkitino.

HAGE 2:17

Kunni garinni loosidhinoonni jajja baala hunate dhibba, mooshshitanno bubbenna kaade soommo'ne; ki'ne kayinni, kuni duuchu iilleenna'ne nafa anewa dihigginoonni.

ZAKKAARIYAASI 5:4

Olantote Mootichi Kaaliiqi, ‹Tini soyemmo rumo, mittu mittunku mooraanchi miniranna kaphunni xaarannohu minira e'anno; e'anno woyiteno, hakkiicho keeshshite minensa co'o assite diigganno yaanno› » yii.

ZAKKAARIYAASI 8:10

Hatte yannara albaanni, mannu mereero gibbonna yekkeerama batidhanno gede assoommohura, diinu waajjishiishshinni kainohunni ayino keere hee'rara didandiino; woxu hoonginni kainohunnino, manna kirunni loosiisi'ranna saadano kiraho aa didandiinoonni.

MILKIYAASI 2:2

Assitinanni coyi baalunni ayirrisse"e. Yoommo'ne gede ikka hoogginiro kayinni, rumo soyemmo'ne; atoote'neno rumeemmo. Wodancha giwa'nenni kainohunni hatto assoommo.

MARRO 28:17

«Qaldu gidinna qinshanni sagale diatoottanno'ne.