HAGE 1:14 - Qullaawa Maxaafa

¹⁴ Kaaliiqi Yihudu gashshaancho Zerubaabeeli, qeesootu qara Iyyaasunna qafadotenni higino manna baala, Qullaawa Mine galagalchite mintanno gede kakkayisi; insano Olantote Mootichi Kaaliiqi Mine mina hanaffu.

HAGE 1:14 ပူးပေါင်းရင်းမြစ်များ

UMI DUDUWO 5:26

Kunnira, Maganu Puuli woy Asoori moote Telgeltelfelsoori kayise qasannonsa gede assi. Telgeltelfelsoorino Roobeelita, Gaaditanna soojjaatoonni noota Minaase ga're qafade haa're ha're, techo geeshsha heedhannotera Halaahi, Haboorinna Haara hattono, Goozaani Wayi mule heedhanno gede assi.

LAYINKI DUDUWO 36:22

Kaaliiqi himanaanchu Ermiyaasi widoonni qole kulino himani Faarisi moote Qiroosi gashshootira umi diro wo'mino. Kaaliiqi Qiroosi gashshootisi baalunkura lallawa fushshe borrote sokkanni iillishe naggi yitino qoonqonni mannaho xawisanno gede assi.

IZIRA 1:1

Himanaanchu Ermiyaasi widoonni qole coyi'rino himani wo'manno gede Kaaliiqi Faarisi moote Qiroosi kakkayisi. Kunni garinni gashshootisi giddo noo manni baalu, isi borreessinanni gede assino lallawa nabbawanno gede soyi.

IZIRA 1:5

Hakkunni gedensaanni, Yihudunna Biiniyaami ga're roorrooti, Leewaawootunna qeesootu Yerusaalamete nooha Kaaliiqi Mine minate Maganu kakkayisinonsari baalu qixxaabbu.

IZIRA 5:2

Konne himana macciishshituhu gedensaanni, Selaatiyaali beetti Zerubaabeelinna Iyotsedeqi beetti Iyyaasu Yerusaalamete nooha Maganunniha Qullaawa Mine galagalchite minate ka'u. Kaa'litannonsari lamunku Maganu himanaano ledonsa no.

IZIRA 5:8

«Lowo Maganihu Qullaawu Mini noowa Yihuda marroommota kullammohera hasi'noommo. Mannu Qullaawa Mine jajjabba kinnanninna du'muulle mokkollonni minanni no. Loosono xiinxalle rahotenni loosanni no.

NEHIMIYA 4:6

Ninkeno huxxa uurrinsummokkinni, mannu jawaate huxxanna looso hallo iillinshummo.

FAARSO 110:3

Olaho fulatto barra olantokki baxxe ledokki fultanno; ilamitto waro qullaawa ikkakki xabbanni no; ilamitto yannanni kayisse ati soodo loji gedeeho.

HAGE 1:1

Faarisi moote Daariyoosi moohihunni layinki diro, leelki agani eihunni umi barra, Kaaliiqi himanaanchu Hage widoonni qole coyi'ri; coyi'rinohuno, Yihudu gashshaanchira Shalitueeli beettira Zerubaabeeliranna qeesootu qarira Iyotsedeqi beetti Iyyaasuraati.

HAGE 1:12

Zerubaabeelinna Iyyaasu, qafadotenni higino manni baalunku, Maganinsa Kaaliiqi hajajinonsare baala assitu; Kaaliiqa waajjitino daafira, Kaaliiqi soqqamaanchisi himanaanchu Hage widoonni coyi'rino qaalira hajajantu.

HAGE 1:15

Kuni ikkinohu Daariyoosi moohihunni layinki dirinninna leelki agani eihunni lemiina shoolki barraati.

HAGE 2:2

Yihudu gashshaanchira Zerubaabeelira qeesootu qarira Iyyaasuranna mannu baalunkura,

HAGE 2:21

Yihudu gashshaanchira Zerubaabeelira, «Gordonna baatto shafeemmo barri daanno.

UMI QORONTOOSI 15:58

Kunnira ki'ne ayirradda roduuwa'ya, Mootichaho soqqantinanni daafurtinoonni daafuri mullawa gatannokkita affinoonnina, Mootichu looso wo'manka woyite agurtinikkinni kaajjitine loosate hixamanye!

LAYINKI QORONTOOSI 8:16

Ani ki'ne daafira diinaggaawummonte gede, Tiito wodanirano hatte hedo worino Maganira galatu iillosi.

IBIRAAWOOTA 13:21

Hedinore wonshate guuta manna ikkitinanni gede, Keeru Magani dancha coye baala qodhisiiso'ne. Hagiirsiisannosire Yesuusi Kiristoosinni ninke widoonni qole asso. Yesuusi Kiristoosira hegere geeshsha ayirrinyu iillosi! Hamii'ni!