HAGE 1:13 - Qullaawa Maxaafa

¹³ Himanaanchu Hageno mannaho, « ‹Ani ki'ne ledo noommo› yaanno Kaaliiqi» yee sokka kulinsa.

HAGE 1:13 ပူးပေါင်းရင်းမြစ်များ

UMI DUDUWO 28:20

Moote Daawiti beettisi Selemoonira, «Mitte giddohanna muratoottoha ikki; waajjittokkinninna wolqa baittokkinni looso hanafi. Soqqameemmosihu Magani'ya Kaaliiqi ledokki no. Isi Qullaawa Minesi minte gudatto geeshsha atewiinni dibaxxanno; diagurannohe.

LAYINKI DUDUWO 15:2

Isino fule Aasanni xaade, «Moote Aasa, ati Yihudunna Biiniyaami ga're baala yeemmo'nere macciishshe! Ki'ne Kaaliiqi ledo heedhiniro, isino ki'ne ledo hee'ranno. Hasidhinisiro afidhinannisi; agurtinisiro kayinni isino aguranno'ne.

LAYINKI DUDUWO 20:17

Konne ola ki'ne diolantinanni; darga darga'ne calla amaddine agarre! Ani Kaaliiqi eemmo'ne qeelle la'inannina. Ki'ne Yihudunna Yerusaalamete manna, huluullantinikkinninna waajjitinikkinni ga'a fultine xaadde. Ani Kaaliiqi ledo'ne hee'reemmona› yiino» yii.

LAYINKI DUDUWO 32:8

Isi ledo noo wolqa mannunnite. Ninke ledo hee're olamannohunna kaa'lannonkehu kayinni Maganinke Kaaliiqaati» yii. Mannuno mootensa coyi'rino coyinni jawaati.

FAARSO 46:11

Olantote Mootichi ledonke no; Yaiqoobi Magani golonkeeti.

FAARSO 46:7

Olantote Mootichi ledonke no; Yaiqoobi Magani golonkeeti.

ISAYAASI 41:10

Ani ledokki noommona waajjitooti; ani Maganokkiitina hexxo mudhitooti. Ani jawaachisheemmohe, kaa'leemmohe; wolqaataame anga'yanni gargare gatiseemmohe.

ISAYAASI 42:19

Soqqamaanchi'yanni roore ballichu nooni? Soqqeemmo sokkaancho agurranna macciweelu wolu ayeti? Ani, ‹Kaaliiqira aamamoommo soqqamaanchooti› yaannoha agurranna ballichu hiikko no?

ISAYAASI 43:2

Wayi giddoonni higgine sa'inanni woyite, ani ledo'ne noommo; giddoonni sa'inanni woyite wayi diegemmanno'ne. Giirate giddoonni sa'ineennano giira di"ittanno'ne; buwanuno digudanno'ne.

ISAYAASI 44:26

Soqqamaano'ya yitinori wo'manno gede, himanaano'ya coyidhinorino halaale ikkanno gede asseemmo. Insa, ‹Yerusaalame lowo manni hee'ranno katama ikkitanno; Yihudu katammano gatamarantanno; diigantino minnano galagalte minantanno› yite coyidhino coye wonsheemmo.

ERMIYAASI 15:20

Kunni mannira qiinshoonniha camote huxxa asseemmohe; gatisammoheranna agarammohera ani ledokki noommo daafira, ate ledo olantannota ikkinnina diqeeltannohe.

ERMIYAASI 20:11

Kaaliiqi kayinni bareedu olamaanchi gede ikke ane ledo no; kunnira shorritannoeri sarraaqante ubbanno; ubbeno shollitanno; shollinyinsano kullanna hee'ranno.

ERMIYAASI 30:11

Gatisammo'nera ani ledo'ne hee'reemmo; giddonsa billaallisummo'ne daga gudeemmo. Ki'neno qorichishummokkinni diagureemmo; kayinnilla digudeemmo'ne; halaalunni seejjeemmo'ne» yii.

HIZIQEELI 3:17

«Koo manchi beetto, ani Israeelete mannira agaraancho assoommohe. Kunnira, coyi'reemmore macciishshite, qorophisiisinsa.

HAGE 2:4

‹Xa kayinni baalunku jawaatte! Ani ledo'ne noommona minne!› yaanno Olantote Mootichi Kaaliiqi.

MILKIYAASI 2:7

Qeese ane Olantote Mootichi Kaaliiqi sokkaano ikkitino daafira, arrawinsa egenno coyi'rannoha ikka hasiissanno; hajajo'ya macciishshate mannu insawa daannore ikka hasiissannonsa.

MILKIYAASI 3:1

Olantote Mootichi Kaaliiqi, «Doogo'ya biddi assanno gede soqqamaancho'ya balaxe soyemmo. Agadhitinoonni Mootichi, hedeweelcho Qullaawu Minisira daanno. La"ate quqquxantinanni sokkaanchi'ya daye gondooro'ya lallawanno» yaanno.

MAATEWOOSI 1:23

«Kuneeti, seemo godobbe labbaa beetto iltanno; su'masino Amaanueeli yinanni» Amaanueeli yaa, «Maganu ninke ledo no» yaate.

MAATEWOOSI 18:20

Lame woy sase ikkitine su'mi'yanni xaaddinanniwa ani ledo'ne hee'reemmo» yiinsa.

MAATEWOOSI 28:20

Hajajoommo'nere baala assitanno gede rosiissensa! Kuneeti, gobbate goofimarchi geeshsha ani ki'ne ledo noommo» yiinsa.

ROOMU SOKKA 8:31

Xa kunni coyira ma yineemmo? Maganu ninke ledo hee'riro, qeelankera dandaannohu ayeti?

LAYINKI QORONTOOSI 5:20

Kunnira, Maganu manna ninke widoonni qole woshshanno daafira, ninke Kiristoosi lekkaati. Kunni daafira, «Maganu ledo araaramme!» yine Kiristoosi su'minni huucci'neemmo'ne.

LAYINKI XIMOOTEWOOSI 4:17

Ikkollana ani sokka wonshe kuleenna daga baala macciishshitanno gede Mootichu ledo'ya hee're jawaachishinoe. Doobbiichu afiinnino gatoommo.

LAYINKI XIMOOTEWOOSI 4:22

Mootichu, ayyaanikki ledo hee'ro. Maganu elto ledo'ne heedho.

EJJEETTO 2:1

Kaaliiqi sokkaasinchi Gelgelunni fule Bokiimi mare Israeelete, «Gibitsete gobbanni fushshoommo'ne. Akaakka'nera aammora coyi'roommo gobba haa're abboommo'nena, ‹Ki'ne ledo eoommo gondooro disoorreemmo.