FULO 8:8 - Qullaawa Maxaafa

⁸ Ferioonino Musenna Aarooni woshshe, «Kaaliiqira kakkalanno gede manna'ne agureemmona, beche'naama anenna manni'ya aaninni hoolanno gede Kaaliiqa huucce"e» yiinsa.

FULO 8:8 ပူးပေါင်းရင်းမြစ်များ

UMI MOOTOOLLA 13:6

Iyorbiaami Maganu mancho, «Anga'ya darga higgannoe gede Maganokki Kaaliiqa huuccie» yiisi. Maganu manchino Kaaliiqa huucceennasi angasi darga higge albi gedeeta ikkitusi.

FAARSO 66:3

Magano, «Loosikki dhaggenniho; wolqakkino lowota ikkitinohura, baarigaarrakki huxidhe waajjitannohe.

FULO 10:16

Ferioonino Musenna Aarooni rahotenni woshshiishe, «Ki'nenna Magani'ne Kaaliiqi aana sao assoommo.

FULO 10:17

Xa mitte higginella sao'ya agurtine, tenne goofo aani'yanni hoolannoe gede Magano'ne Kaaliiqa huucce"e» yiinsa.

FULO 10:18

Museno Feriooni albinni fule ha're, Kaaliiqa huucci.

FULO 14:5

Gibitsete moote mannu fule ha'rinota afihu gedensaanni, isinna ledosi gashshaano hedonsa soorrite, «Konne manna isi mayira agurrummo? Israeelootu fulte hadhanno gede assine soqqamannonkeha dihoogankeetiyya!» yitu.

FULO 32:11

Muse kayinni Kaaliiqi Maganisira eegamanni, «Kaaliiqa'ya, jawanna wolqaataame angakkinni Gibitsetenni fushshootto mannira togo mayira hanqitto?

FULO 5:2

Ferioonino, «Isi afummona, Kaaliiqi ayeti? Isi yiinota macciishshe Israeele mayira agureemmo? Ani Kaaliiqa diegennoommo; Israeeleno hadhara diagureemmo» yii.

FULO 8:15

Feriooni beche'naama reyitinota afiti, wodanasi dilleesse Kaaliiqi coyi'rinonte gede Musenna Aarooni yitinota macciishsha giwi. Biinne

FULO 8:29

Museno, «Ga'a barrinni torondu ate aaninni, ledokki gashshaanonna mannikki aaninni ho'lanno gede xaanni Kaaliiqa huucceemmo; kayinnilla albi gede dogge mannu ha're Kaaliiqira kakkalannokki gede hooltooti» yii.

FULO 8:32

Ikkollana Feriooni wodanasi dilleesse, Israeelete manna ha'ra hooli.

FULO 8:9

Museno, «Atera, ledokki gashshaanoranna mannikkira huucceemmo'nena ati hasi'ratto yanna kulie; hakkunni gedensaanni beche'naama atenna minikki baalu aaninni ho'lite Abbayi giddo calla heedhanno gede asseemmo» yee dawari.

FULO 9:27

Feriooni Musenna Aarooni woshshe, «Cubbo loosoommota xa afoommo; Kaaliiqi garaho; aninna manni'ya kayinni so'noommo.

FULO 9:28

Xaate tini wolqaataame kaadenna belequ ikkinonkena, Kaaliiqa huuccenke; hadhinanni gede agureemmo'ne; kunni ka'a konniicho dikeeshshitinanni» yiinsa.

FULO 9:33

Muse Feriooniwiinninna katamu giddonni fule ha'ri; angasi fane Kaaliiqa huucceenna, belequ, kaadenna xeenu hakkawoyintenni uurri.

KIIRO 21:7

Mannuno Musewa daye, «Kaaliiqinna ate aana busha coye coyi'rankenni sayinsoommona, hamaso aaninkenni hoolanno gede Kaaliiqa huuccinke» yii. Museno Kaaliiqa huucci.

SOQQAMAASINETE LOOSO 8:24

Simioonino, «Xa coyi'ritto coyi giddonni mittuno iillannoekki gede Magano ki'nenni huucce"e» yii.

UMI SAAMUEELI 12:19

Mannu baalunku Saamueeli, «Wolu loonsoommo cubbi ajikkinni, moote moohisannonke gede xa'mankenni lende cubbo loonsoommona, mootichanke ballo reyineemmokki gede Maganokki Kaaliiqa huuccinke» yiisi.