FULO 7:5 - Qullaawa Maxaafa

⁵ Kunni garinni hanqunnita anga'ya aanansa kayise Israeele insa gobbanni fushsheemmo yannara, Gibitsootu ani Kaaliiqa ikkoommota affanno» yiisi.

FULO 7:5 ပူးပေါင်းရင်းမြစ်များ

FAARSO 138:7

Qarru gaangeessannoe woyite, lubbotenni worattoe; aarunni ka'inoe diinna gante, wolqakkinni gatisattoe.

FAARSO 9:16

Kaaliiqi halaale coyi'rate egennaminoho; cubbaataammu loossino loosinni amadantu.

FULO 10:2

ki'neno, tenne maalalenni Gibitsoota asse godo'loommo gara ooso'neranna ooso'ne oosora kultinanni. Kunninni, ki'ne baalunku ani Kaaliiqa ikkoommota affinanni» yiisi.

FULO 10:7

Ledosi gashshaano Ferioonira, «Kuni manchi ninke mamooti geeshsha qarrisanno? Maganonsa Kaaliiqa magansi'rate labballu geeshshi hadhona aguri; gobba ba'anni noota diaffanni nootto?» yitusi.

FULO 14:18

Qeeleemmonsa yannara Gibitsootu ani Kaaliiqa ikkoommota affanno» yiisi.

FULO 14:4

Anino wodanasi dilleesseemmo daafira shorranno'ne; Feriooninna olantosi baala qeela kayinni, anera ayirrinye uyitannoe; hatte yannara, Gibitsootu ani Kaaliiqa ikkoommota affanno» yiisi. Israeeleno kulloonninsa gede assitu.

FULO 18:8

Muse, Kaaliiqi Israeelete daafira yee Feriooninna Gibitsete manni aana assinore baala kulisi. Qoleno doogote aana xaaddinonsa mitiimmanna hakkiichinnino Kaaliiqi asse gatisinonsa gara hasaawisi.

FULO 3:20

Kunnira, ani anga'ya kayise maala'linanni garinni Gibitse ganeemmo; hakkunni gedensaanni hadhinara aguranno'ne.

FULO 6:1

Kaaliiqino Musera, «Feriooni asseemmota la"attona agari; manna'ya baxikkinni aguranno; iso giddeesse, manna'ya gobbasinni rahe ha'risanno gede asseemmo» yiisi.

FULO 6:6

Kunnira Israeelete, ‹Ani Kaaliiqaati; Gibitsootu abbitino'ne shetto borojjimmannitewiinni gatise fushsheemmo'ne; anga'ya kayise bati'rino qarra insa aana dirriseemmo; ki'neno wode fushsheemmo'ne.

FULO 7:17

Xa kayinni Kaaliiqi ayimma afatto; kuneeti, ani tenne siqqonni Abbayi Waa ganeemmo; wayino mundeete soorramanno.

FULO 8:10

Ferioonino, «Hakkawoyiteetiro ga'anni huuccie» yii. Museno, «Maahoyye yootto gede asseemmo; atino Maganinke Kaaliiqi gedeehu wolu magani nookkita hakkawoyite afatto.

FULO 8:19

Bittannorino, «Kuni Maganu loosooti» yite Ferioonira kultu; Feriooni wodani kayinni dillaawe no; Kaaliiqi coyi'rinte gede Musenna Aarooni yitinore dimacciishshino. Toronde

FULO 8:22

Manni'ya hee'rannotera Geeseemi Baattora kayinni torondu hee'rannokki gede asseemmo; konne asseemmohuno, ani Kaaliiqi tenne Gibitsete gobbara loosanni noommota afatto gedeeti.

HIZIQEELI 25:17

Lowo geeshsha qorichisheemmo; lowo geeshsha rabbisi'reemmo; hanqo'ya leellisheemmonsa yannara, ani Kaaliiqa ikkoommota affanno» yii.

HIZIQEELI 28:22

Hakkiicho hee'ranno mannira ani Mootichu Kaaliiqi yeemmore kulinsa: Sidoona, ani atera hanqunni kaoommo; ate aana asseemmore lae, mannu baalu ayirrisannoe. Ate giddo heedhannore qorichishatenni Qullaawa ikka'ya leellisheenna ani Kaaliiqa ikkoommota afanno.

HIZIQEELI 32:15

Ani Gibitse mulla darga asseemmo yannaranna, hakko hee'rannore baala huneemmo yannara, ani Kaaliiqa ikkoommota affanno.

HIZIQEELI 36:23

Insa mereero xonamanno gede assitinoonnihu qullaawu su'mi'ya dagate mereero ayirranno gede asseemmo yannara, ani Kaaliiqa ikkoommota affanno. Ani Mootichu Kaaliiqi konne coye coyi'roommo. Ani Qullaawa ikkoommota daga ki'ne widoonni higge affanno gede asseemmo.

HIZIQEELI 39:22

Israeeleno hatte yannanni kayisse, ani Kaaliiqi Maganonsa ikkoommota affanno.

HIZIQEELI 39:7

Qullaawu su'mi'ya manni'ya Israeelete mereero egennamanno gede asseemmo; kunni ka'a su'mi'ya xonamara wore diagureemmo. Hakkunni gedensaanni, daga baala ani Kaaliiqi Israeelete Qullaawa ikkoommota affanno» yii.