FULO 7:3 - Qullaawa Maxaafa

³ Ikkollana ani Feriooni wodana dilleesseemmo; kunninni kainohunni Gibitsete gobbara aye geeshshi maalale asseennano,

FULO 7:3 ပူးပေါင်းရင်းမြစ်များ

NEHIMIYA 9:10

Gibitsete moote aana, roorrootisinna baattosira hee'ranno manni baalu aana, dhaggenna maalale leellishootto. Hatto assoottohuno insa mannakki assite gadadissino gara afoottohuraati; hatto assakkinni techo geeshsha su'mikki maccaha ikkino.

FAARSO 135:9

Hakkono Feriooninna soqqamaanosi qorichishara, maalalenna dhagge assino.

FAARSO 78:12

Gibitsete gobbara Tsoaani yinanni xawira, annuwansa la'anna Maganu maalale loosino.

FULO 11:10

Musenna Aarooni tenne maalale baala Feriooni albaanni assitu; kayinnilla, Kaaliiqi Feriooni wodana dilleessino daafira Israeele gobbasinni fultara diagurino.

FULO 11:9

Kaaliiqi balaxe Musera, «Feriooni ki'ne yitinoonnita dimacciishshanno; macciishsha giwannohuno, Gibitsete gobbara asseemmoti lowo maalale gatte noo daafiraati» yee kulinosi.

FULO 14:4

Anino wodanasi dilleesseemmo daafira shorranno'ne; Feriooninna olantosi baala qeela kayinni, anera ayirrinye uyitannoe; hatte yannara, Gibitsootu ani Kaaliiqa ikkoommota affanno» yiisi. Israeeleno kulloonninsa gede assitu.

FULO 3:20

Kunnira, ani anga'ya kayise maala'linanni garinni Gibitse ganeemmo; hakkunni gedensaanni hadhinara aguranno'ne.

FULO 4:21

Kaaliiqi Musera galagale, «Xaate Gibitse ha'ratto daafira, oommohe wolqanni Feriooni albaanni maalale assattota habbooti; ikkeennano, ani wodanasi dilleesseemmo daafira manna'ya fulara diaguranno.

FULO 4:29

Hakkunni gedensaanni, Musenna Aarooni Gibitse marte, Israeelete roorroota mittowa gamba assitu.

FULO 4:7

Kaaliiqi qole, «Galagalchite angakki kikki'lakki giddo wori» yiisi. Museno galagalche angasi kikki'late worita, albite gedee fayyaaleette ikkitu.

FULO 7:13

Kuni duuchu ikkihu gedensaannino, Feriooni wodanasi dilleessi; Kaaliiqi coyi'rinonte gede Musenna Aarooni yitinore macciishsha giwi. Wayi mundeete soorrami

FULO 9:16

Kayinnilla, reyattokki gede assoommohehu, wolqa'ya afatto gedenna su'mi'ya gobba baalate ayirranno gede assateeti.

LAWISHSHA 21:1

Mootete wodani Kaaliiqi anga no; isino lolahanno wayi gede hasi'riwa haa're ha'rannosi.

ISAYAASI 51:9

Kaaliiqa ballo kai! Ka'e wolqakki leellishi! Albi ilamara assittonte gede kainke! Reaabi murmuroottohu ateeti.

MIKIYAASI 7:15

Gibitsete gobbanni fultu wari gede dhaggekki leellishinsa.

YOHAANNISI 4:48

Yesuusi qole, «Ki'ne malaatenna maalale la'inikkinni diammanitinanni» yiisi.

SOQQAMAASINETE LOOSO 2:22

«Israeelete manna! Konne qaale macciishshe; affininte gede Naaziretete Yesuusi ewelumma, Maganu Isi widoonni qole giddo'ne assinohu jawu coyi, maalalenna dhagge xawo fultino.

SOQQAMAASINETE LOOSO 7:36

Gibitsetenna Duumu Baari aana dhaggenna maalale leellishanni Gibitsetenni fushshe shoyilloo diro massaginonsahu isooti.

ROOMU SOKKA 15:19

Hakku coyi ikkinohu, Qullaawu Ayyaani wolqanni addi addi maalalenninna malaattanniiti. Kunnira, Yerusaalametenni kayise Iliwariqooni geeshsha Kiristoosiha Dancha Duduwo gudise duduwoommo.

ROOMU SOKKA 9:18

Maganu maarara hasi'rinoha maaranno; mito kayinni mokkookku wodaniha assanno.

MARRO 4:34

Magano'ne Kaaliiqa ille'nenni la'inanni Gibitsete assinonte gede jifatenni, maalalete malaattanninna dhaggetenni, gaarunni, jawaata anganninna wolqaataame cigilenni woy jawunna waajjishanno loosinni wole gosa mereero mitte gosa umisita assi'rara dandiinohu wolu Magani nooni?

MARRO 7:19

Ille'nenni la'inoonninte gede lowo geeshsha waajjishanno qoomaminninna dhaggete malaatinni Magani'ne Kaaliiqi jawaata anganninna wolqaataame cigilenni fushshino'ne. Magani'ne Kaaliiqi tenne dagano hatto asse hunanno.