FULO 7:17 - Qullaawa Maxaafa

¹⁷ Xa kayinni Kaaliiqi ayimma afatto; kuneeti, ani tenne siqqonni Abbayi Waa ganeemmo; wayino mundeete soorramanno.

FULO 7:17 ပူးပေါင်းရင်းမြစ်များ

UMI MOOTOOLLA 20:28

Himanaanchu Akiaabiwa daye, «Kaaliiqi, ‹Sooriyootu Kaaliiqi ilaalu aani maganooti ikkinnina xawu magano di"ikkino yitino daafira, tenne lowo geeshsha batidhino olanto angakkira sayise eemmohe. Atino ani Kaaliiqa ikkoommota afatto› yiino» yiisi.

LAYINKI MOOTOOLLA 19:19

Kaaliiqa Maganonke, ati Kaaliiqi callu ninkera Magano ikkoottota daga baala affanno gede xa Asoorootu anganni gatisinke» yaanni huucci'ri.

FAARSO 105:29

Hadhannota wayibbansano mundeete soorri; qulxu'mensa baala shee gudi.

FAARSO 78:44

Hadhannota wayibbansano mundeete soorrino; bu'ansano aggannokki gede assino.

FAARSO 83:18

Kaaliiqi ate calla ikkoottotanna, baattote aana Wo'munkura Aliidihu ate ikkoottota affona.

FAARSO 9:16

Kaaliiqi halaale coyi'rate egennaminoho; cubbaataammu loossino loosinni amadantu.

FULO 1:22

Hakkunni gedensaanni Feriooni mannasi baala, «Ibiraawootunniha ilamannoha labbaa qaaqquulle baala massitine Abbayi Wayi giddo tugge; meya qaaqquulli kayinni lubbotenni hee'rona agurre» yee hajaji.

FULO 10:2

ki'neno, tenne maalalenni Gibitsoota asse godo'loommo gara ooso'neranna ooso'ne oosora kultinanni. Kunninni, ki'ne baalunku ani Kaaliiqa ikkoommota affinanni» yiisi.

FULO 4:9

Lamentenni ammantannokkiha ikkironna yoottoreno macciishshitannokkiha ikkiro, Abbayinni shiima waa haadhe, moola baattora duni; baattote aana dunootto wayino mundeete soorramanno» yiisi.

FULO 5:2

Ferioonino, «Isi afummona, Kaaliiqi ayeti? Isi yiinota macciishshe Israeele mayira agureemmo? Ani Kaaliiqa diegennoommo; Israeeleno hadhara diagureemmo» yii.

FULO 6:7

Umi'ya manna assi'reemmo'ne; anino Magano'ne ikkeemmo; Gibitsete borojjimma giddonni fushsheemmo'ne yannara, ani Kaaliiqi Magano'ne ikkoommota affinanni.

FULO 7:20

Musenna Aaroonino, Kaaliiqi hajajinonsa gede assitu; Aaroonino Feriooninna ledosi gashshaano alba siqqo kayise Abbayi Waa gani. Wayino gudisame mundeete soorrami.

FULO 7:5

Kunni garinni hanqunnita anga'ya aanansa kayise Israeele insa gobbanni fushsheemmo yannara, Gibitsootu ani Kaaliiqa ikkoommota affanno» yiisi.

HIZIQEELI 25:17

Lowo geeshsha qorichisheemmo; lowo geeshsha rabbisi'reemmo; hanqo'ya leellisheemmonsa yannara, ani Kaaliiqa ikkoommota affanno» yii.

HIZIQEELI 29:9

Gibitseno mullicho ikkite gattanno. Hatte yannara, ani Kaaliiqa ikkoommota afatta. Atino mootekkino, «Abbayi ninkeho; konne waa seekkinoommorino ninkeeti» yitinoonnihura,

HIZIQEELI 30:19

Gibitse kunni garinni qorichisheemmo yannara, ani Kaaliiqa ikkoommota affanno» yii.

HIZIQEELI 30:8

Gibitsete ittanno giira qaseemmo yannaranna agaratannosere baala shinanni yannara, ani Kaaliiqa ikkoommota affanno.

HIZIQEELI 32:15

Ani Gibitse mulla darga asseemmo yannaranna, hakko hee'rannore baala huneemmo yannara, ani Kaaliiqa ikkoommota affanno.

HIZIQEELI 32:6

Mundeekki ilaallate geeshsha lolakkanno; maalikkino lagga wo'manno.

HIZIQEELI 38:23

Kunni garinni, ani jawanna Qullaawa ikkoommota daga baalate leellisheemmo. Hatte yannara, insa ani Kaaliiqa ikkoommota affanno» yii.

HIZIQEELI 39:28

Dagate giddora qafadante hadhanno gede assummonsaro nafa, mittuno gatikkinni galagalche gobbansa qoleemmonsa. Kunninni, ani Kaaliiqi Maganonsa ikkoommota manni'ya afanno.

DAANIEELI 4:17

Konne coye hirqitinori, jawaatte agartannori qullaawa sokkaasineeti; kuni ikkinohu, Wo'munkura Aliidi Magani, gashshootu baalu aana wolqa afi'rinota, mannu baalunku afanno gedeeti. Gashshooteno isi baxinohura aanno; minshoonnirirano roorre aanno› yii.

DAANIEELI 4:32

Mannu mereerinni baxxite dubbu moyichi ledo hee'ratto; lamalu diri sa"a geeshsha handu gede hayisso itatto. Kuni ikkannohuno Wo'munkura Aliidi Magani mannu gashshooti baalu aana roorre afi'rinotanna gashshooteno baxisinosihura aannota afatto geeshshaati› yitanno huuro gordunni daggu.

DAANIEELI 4:37

«Kuneeti ani Nabukadanatsoori Gordu Mootera galata, ayirrinyenna guwishsha shiqisheemmo; isi assano coyi baalu taaloho; doogosino suwashshote; boo'nitannore baala shollisha dandaanno» yii.

DAANIEELI 5:21

Mannu mereerinni fule, wodanisi soorrameenna saadate gedeeha ikkino; handu gede hayisso itanni gobba harre ledo hosannoha ikkino. Galannowa hoogeenna manninatisi aana loju dirrino. Kuni ikkinohuno Wo'munkura Aliidi Magani mannu gashshooti baalu aana roorre afi'rinotanna gashshoote hasi'rinohura aa dandaannota afa geeshshaati.

DAANIEELI 5:23

Hakkiinnino sa'e gordu Mootichi aana boo'natenni umokki gotti gotti assootto. Maganu Mininni gurre abbinoonni uduunne abbisiisseenna atinna ayirraddikki, qataanyunnihunna irkote meentikki woyinete xajje agginoonni. Agginihu gedensaanni la"a woy macciishsha dandiitannokkirenna mittoreno assite affannokkire culkunni, birrunni, camotenni, siwiilunni, haqqetenninna kinchunni seekkinoonni maganna galaxxitinoonni. Shaahera woy gatisahera dandaannohanna assattore baala afannoha Heeshshote Magano kayinni diayirrisootto.

YOHAANNIS AJUUJA 11:6

Insa Maganu sokka kultanno yannara, xeena ganannokki gede gordo cufa dandiitanno. Hasidhu yanna baalate waa mundeete soorranna baattote aana addi addi qoomama dirrisa dandiitanno.

YOHAANNIS AJUUJA 8:8

Layinki sokkaasinchino xurumba ufuufi. Buwanni noohu lowo ilaali baaru giddo uwi. Hakka woyite baarunniti sayikki anga mundee ikkitu.