FULO 6:6 - Qullaawa Maxaafa

⁶ Kunnira Israeelete, ‹Ani Kaaliiqaati; Gibitsootu abbitino'ne shetto borojjimmannitewiinni gatise fushsheemmo'ne; anga'ya kayise bati'rino qarra insa aana dirriseemmo; ki'neno wode fushsheemmo'ne.

FULO 6:6 ပူးပေါင်းရင်းမြစ်များ

LAYINKI MOOTOOLLA 17:36

jawa wolqa'yanninna wolqaataame cigile'yanni Gibitsete gobbanni fushshoommo'nehura ane Kaaliiqira calla hajajamme. Ane callaho kumbuulle; kakkalono ane callaho shiqishshe.

UMI DUDUWO 17:21

Mannakki assidhe Gibitsete borojjimmanni gatisse fushshoottoti Israeelete gedee gosa mama no? Insara assootto dhaggenna maalale gobba baalate su'makki egensiissino. Mannakki Gibitsetenni fushshite dargansa amadanno gede wole gosa shorrite hunootto.

NEHIMIYA 1:10

«Magano, kuri soqqamaanokkiitinna umikki mannaatiwe. Kunni albaannino jawa wolqakkinninna jawaata cigilekkinni gatisoottonsa.

FAARSO 77:16

Magano! Wayibba ate affe waajjitu; baaru diimeno shafantu.

FAARSO 81:11

«Manni'ya kayinni qaale'ya dimacciishshino; Israeeleno dihajajantinoe.

FAARSO 81:6

Kunino, «Haxo'nera noo duha hooloommo'ne; kinna wonshinoonni gimboolano aaninni dirrisoommo'ne.

FAARSO 81:7

Qarru giddo heedhinoonni yannara woshshitinoonnie; anino gatisoommo'ne; go'le noommowa hombobolattete giddo hee're macciishshoommo'ne. Meriiba yinanni bu'a mule fonqoloommo'ne.

FULO 1:11

Yitinonte gede Gibitsootu, wolqate loosinni gadadissannore kaajjadda Gibitsete loosiisaano wortunsa; Ferioonirano, Fitoominna Raamise yinannire gidenna uduunne duunnanni katamma mintanno gede assitu.

FULO 12:41

Shoolu xibbinna sajjuu diri wo'mita, Kaaliiqi manni ga're baala Gibitsete gobba agurte fultino.

FULO 12:51

Hakko barra, Kaaliiqi Israeelete manna ga're ga'rentenni Gibitsete gobbanni haa're fushshi.

FULO 13:14

Kunni ka'a ooso'ne, ‹Konne mayira assinanni?› yite xa'mitu'nero, ‹Gibitsete gobbara borojjimmatenni hee'neemmore Kaaliiqi jawa wolqasinni fushshinonke.

FULO 13:16

Tini wogano angankera usudhinoommohunna albinkera wodhinoommo malaati gede qaagiissitannonke; Kaaliiqi jawaata angasinni Gibitsete gobbanni fushshinonketa qaagiissitannonke› yitine kullensa» yii.

FULO 13:3

Muse mannaho, «Kaaliiqi wolqasinni Gibitsete gobbanni borojjimmatenni gatise fushshino'ne barri konneetina habbinoonte. Kunni barrinni shiishino tima ittinoote.

FULO 15:13

Bagamannokki baxillikkinni gatisoottoha mannakki haadhe fushshootto; wolqakkinni, hee'rattowa qullaawu dargira haadhe ha'rootto.

FULO 16:6

Kunnira, Musenna Aarooni Israeelete manni baalunkura, «Gibitsete gobbanni fushshino'nehu Kaaliiqa ikkinota techo hashsha affinanni;

FULO 18:1

Midiyaami qeesichi Muse balli Yootoori, Maganu Gibitsetenni haa're fushshinsa woyite, Museranna mannisira Israeelete assinonsare baala macciishshe,

FULO 2:11

Muse wedellicha ikkihu gedensaanni, fule fiixasi towatanno woyite, gadadinseennansa kaajjado looso loossanni noota afi; hakkuyi aanano, mittu Gibitsichi mitto fiixasi Ibiraawicha gananna lai.

FULO 3:17

Gibitsete gobba qarrinni fushshe Kana"aanootu, Hitootu, Amooraawootu, Ferizootu, Hiwootunna Iyaabuusootu heedhannota adonna malawu wo'mino baatto eemmo'ne yee coyi'roommo.

FULO 3:8

Gibitsootu anganni gatisammonsara dirroommo. Gibitsetenni fushshe Kana"aanootu, Hitootu, Amooraawootu, Ferizootu, Hiwootunna Iyaabuusootu heedhannota adonna malawu wo'minota hala'ladonna shaqqado baatto eemmonsa.

FULO 32:11

Muse kayinni Kaaliiqi Maganisira eegamanni, «Kaaliiqa'ya, jawanna wolqaataame angakkinni Gibitsetenni fushshootto mannira togo mayira hanqitto?

FULO 6:2

Maganu Musera, «Ani Kaaliiqaati.

FULO 6:29

«Ani Kaaliiqaati; kuleemmohere baala Gibitsete mootera Ferioonira kuli» yiisi.

FULO 6:8

Abirihaamira, Yisihaaqiranna Yaiqoobira ragisiisammora xaaroommo baatto haa're masseemmo'ne; umi'nera iqqa asse eemmo'ne; ani Kaaliiqaati› yiino yite kulinsa» yii.

FULO 7:4

yitinannire dimacciishshanno; hakkunni gedensaanni, Gibitsete gobbara lowo qarra abbe manna'ya Israeele hakkiinni haa're fushsheemmo.

FULO 7:5

Kunni garinni hanqunnita anga'ya aanansa kayise Israeele insa gobbanni fushsheemmo yannara, Gibitsootu ani Kaaliiqa ikkoommota affanno» yiisi.

ISAYAASI 9:12

Isino soojjaatinni Sooriyoota, galchiminni Filisxeemoota soye egemmitannonsa gede assi. Kunni baalu giddoonni hanqisi kayinni diqiidino. Angasi insa qorichishate ka'inowiinni dihiggino.

ISAYAASI 9:17

Kunnira, Mootichu wedellansa qorichishanno; galte shii'rino meentonna annanna ama afidhinokki ooso dimararanno; baalunku Kaaliiqira badhe wodhino. Afiinsanni fulanno coyi baalu xagarrote. Insa qorichishate angasi ka'inowiinni dihiggino; tenne giddoonnino hanqisi diqiidino.

ISAYAASI 9:21

Minaasenna Efireemi ilama mimmito gawajjitanno; mitteenni gamba yite Yihudaho gaaddanno. Kunni baalunni Kaaliiqi hanqi diqiidanno; insa qorichishate angasi ka'inowiinni dihiggino.

ERMIYAASI 21:5

Anino jawaata anga'yanninna wolqaataame cigile'yanni qaseemmohe; hanqi'yano aanakki buwanna la"atto.

ERMIYAASI 27:5

‹Jawaata wolqa'yanninna wolqaataame cigile'yanni baattonna aanase noo manna qoleno saada baalanta kalaqoommo; gashshanno gede, hasi'roommohura eemmo.

ERMIYAASI 32:21

Maalaletenninna dhaggetenni, jawaata angakkinninna wolqaataame cigilekkinni, qoleno waajjishannohu xirchikkinni mannakki Israeele Gibitsete gobbanni fushshootto.

HIZIQEELI 20:33

«Ani Mootichu Kaaliiqi heeshshote Magano ikka'yanni xaareemmona, jawaata anga'yanni, wolqaataame cigile'yanninna buwanno hanqi'yanni gashsheemmo'ne.

SOQQAMAASINETE LOOSO 13:17

Israeelete Magani balaxe akaakkanke doodhino. Gibitsete manni gobbara noo yannara lowo gosa assinonsa. Lowo wolqanni hakkiinni haa're fushshinonsa.

MARRO 11:2

Magani'ne Kaaliiqi seejjo, xirchosi, jawaata angasinna wolqaataame cigilesi affinorinna rossinori ooso'ne ikkitukkinni ki'ne ikkitinoonnita techo qaagge.

MARRO 15:15

Ki'ne umi'ne Gibitsete gobbara borojje ikkitine heedhinoonnitanna Magani'ne Kaaliiqi wode haa'rino'neta qaagge. Techo tenne hajajo eemmo'nehu kunni daafiraati.

MARRO 26:8

Kunninni kainohunni, Kaaliiqi jawaata angasinninna wolqaataame cigilesinni lowo masillinni, maala'linanni malaatinninna dhaggetenni Gibitsetenni fushshinonke.

MARRO 4:23

Magani'ne Kaaliiqi ki'ne ledo eino gondooro habbinannikki gede qorophe. Magani'ne Kaaliiqi hoolinota kaphu maganna mayi daninnino seekkidhinoonte.

MARRO 4:34

Magano'ne Kaaliiqa ille'nenni la'inanni Gibitsete assinonte gede jifatenni, maalalete malaattanninna dhaggetenni, gaarunni, jawaata anganninna wolqaataame cigilenni woy jawunna waajjishanno loosinni wole gosa mereero mitte gosa umisita assi'rara dandiinohu wolu Magani nooni?

MARRO 5:15

Gibitsete heedhini yannara, borojje ikkitine heedhinoonnita qaagi. Ani Maganikki Kaaliiqi hakkiinni jawaata anganninna wolqaataame cigilenni fushshoommo'neta huwati. Kunnira, Fooliishshote Barra ayirrisatto gede hajajoommohe.

MARRO 6:12

borojjimmatenni Gibitsete gobbanni fushshino'neha Kaaliiqa habbinannikki gede qorophe.

MARRO 7:19

Ille'nenni la'inoonninte gede lowo geeshsha waajjishanno qoomaminninna dhaggete malaatinni Magani'ne Kaaliiqi jawaata anganninna wolqaataame cigilenni fushshino'ne. Magani'ne Kaaliiqi tenne dagano hatto asse hunanno.

MARRO 7:8

Ikkollana, ki'ne jawaata angasinni fushshino'nehu, borojjimmatenninna Gibitsete moote Feriooni anganni wodino'nehu, Kaaliiqi ki'ne baxino'nehuraatinna annuwa'nera xaarino xaaro agarinohuraati.

MARRO 9:29

Insa kayinni wolqakkinninna jawaata angakkinni fushshootto mannaatinna doodhootto gosaati› » yee huucci'roommo.