2 Maganu Musera, «Ani Kaaliiqaati.
Kaaliiqi qole, «Tenne baatto ragi'ratto gede aammohera Keledootu gobbanni Uurinni fushshoommohehu Kaaliiqi aneeti» yiisi.
«Hakko hashshanni ani Gibitsete baatto baalate ha'ramanni, mitto mittonka mannunnihanna saadanniha umiricho baala sheemmo; Gibitsete maganna baala qorichisheemmo. Ani Kaaliiqaati.
Qeeleemmonsa yannara Gibitsootu ani Kaaliiqa ikkoommota affanno» yiisi.
Kaaliiqi gaaramannoho; su'misino Kaaliiqaati.
Israeelete manni baalunku Kaaliiqi hajajonni basetenni base sa"anni Siini yinanni halallinni agure ha're, Refidiimi yinanniwa mare baxxisi'ri; ikkollana hakkiicho anganni wayi dino.
«Gibitsete gobbanni borojjimmate giddonni fushshummo'nehu Kaaliiqi Magani'ne aneeti.
Maganuno qole, «Ani noommohonna hee'reemmo Maganooti; kunnira atino, ‹Soyinoehu su'mi, «ANI ANEETI» yiino yite kulinsa› yii.
Akaakka'ne Abirihaami, Yisihaaqinna Yaiqoobi Magani ani Kaaliiqi soommoheta Israeelete mannira kulinsa; hegere geeshsha su'mi'ya konneeti; dagganno ilama baala kunni su'minni woshshitannoe.
«Ani Kaaliiqaati; kuleemmohere baala Gibitsete mootera Ferioonira kuli» yiisi.
Kunnira Israeelete, ‹Ani Kaaliiqaati; Gibitsootu abbitino'ne shetto borojjimmannitewiinni gatise fushsheemmo'ne; anga'ya kayise bati'rino qarra insa aana dirriseemmo; ki'neno wode fushsheemmo'ne.
Abirihaamira, Yisihaaqiranna Yaiqoobira ragisiisammora xaaroommo baatto haa're masseemmo'ne; umi'nera iqqa asse eemmo'ne; ani Kaaliiqaati› yiino yite kulinsa» yii.
«Su'mi'ya Kaaliiqaati; ayirrinye'ya gutamannohu wolu magani dino; misillano galata'ya beeqqitara dihasi'reemmo.
«Kaaliiqi ane callaati; ane agurranna gatisannohu wolu dino.
Ani Kaaliiqi ki'nera Qullaawa Maganooti; Israeele, ani kalaqoommo'ne; moote'neno aneeti» yoommo.
Olantote Magani Israeelete moote gatisaanchu Kaaliiqi, «Albihuno gedensihuno aneeti; ane agurranna wolu Magani dino.
Ku'la hasi'rihu, ane egennasi, bagamannokki baxilliha ikka'yanna, halaalenna taalo yoo yeemmohu, ani Kaaliiqa ikkoommota buuxasi ku'lo; ane hagiirsiisanno coyi konneeti» yii.
Ani yeemmoreno kulinsa; ani Israeele doorummo yannara gondooro eoommonsa; Gibitsete heedheenna anenee egensiisoommonsa. Qoleno, ‹Ani Kaaliiqi Magano'neeti› yoommonsa.
«Ani Kaaliiqi disoorrameemmo. Kunnira, ki'ne Yaiqoobi sirchino diba'inoonni.
