FULO 6:11 - Qullaawa Maxaafa

¹¹ «Israeelete manna gobbasinni ha'rissanno gede, marte Gibitsete mootera kulisi» yii.

FULO 6:11 ပူးပေါင်းရင်းမြစ်များ

FULO 3:10

Xa manna'ya Gibitsetenni fushshatto gede, Gibitsete mootewa soyemmohena amo» yiisi.

FULO 4:22

Hatte yannara Ferioonira, ‹Kaaliiqi, «Israeeli bayira beetto'yaati;

FULO 4:23

beetti'ya ha're ane magansi'roena aguri yoommohe. Ati kayinni ha'ra hoolootto daafira, ateha bayira beetto sheemmo yiino» › yaatto» yiisi.

FULO 5:1

Hakkunni gedensaanni Musenna Aarooni Feriooniwa marte, «Israeelete Magani Kaaliiqi, ‹Halalla mare ane ayirrisate jila jilona manna'ya aguri› yiinohe» yitusi.

FULO 5:23

Ani ate su'minni coyi'rate Feriooniwa shiqummonkunni mannu aana qarra batisino; atino konne manna gatisate assoottori dino» yii.

FULO 6:10

Kaaliiqi qole Musera,

FULO 6:29

«Ani Kaaliiqaati; kuleemmohere baala Gibitsete mootera Ferioonira kuli» yiisi.

FULO 7:1

Kaaliiqi Musera, «Ani ate Ferioonira Maganu gedeeha assoommohe; rodiikki Aarooni atera himanaancho ikke coyi'ranno.