FULO 6:1 - Qullaawa Maxaafa

¹ Kaaliiqino Musera, «Feriooni asseemmota la"attona agari; manna'ya baxikkinni aguranno; iso giddeesse, manna'ya gobbasinni rahe ha'risanno gede asseemmo» yiisi.

FULO 6:1 ပူးပေါင်းရင်းမြစ်များ

LAYINKI MOOTOOLLA 7:19

Hakku reyi manchi kayinni, «Kaaliiqi gordo fane gide xeenimma dirriseenna nafa kuni ikkara didandaanno» yiino. Elsai qole, «Kuni coyi ikkanna illekkinni la"atto. Ati kayinni mittoreno suumekkinni dikisatto» yiinosi.

LAYINKI MOOTOOLLA 7:2

Hakko mereero mootete gamba yiino amaalaanchi Elsaira, «Kaaliiqi gordu waalcho fane gide xeenimma dirrisiro nafa kuni ikkara didandaanno!» yii. Elsaino, «Kuni coyi ikkanna illekkinni la"atto. Ati kayinni mittoreno suumekkinni dikisatto» yiisi.

LAYINKI DUDUWO 20:17

Konne ola ki'ne diolantinanni; darga darga'ne calla amaddine agarre! Ani Kaaliiqi eemmo'ne qeelle la'inannina. Ki'ne Yihudunna Yerusaalamete manna, huluullantinikkinninna waajjitinikkinni ga'a fultine xaadde. Ani Kaaliiqi ledo'ne hee'reemmona› yiino» yii.

FAARSO 12:5

Kaaliiqi kayinni, «Buxanete qarrira, mitiimmaammu raarera xa kaeemmo; halchitino keereno eemmonsa» yaanno.

FAARSO 12:6

Kaaliiqihu hexxote qaali ammanaminoho; qaalisino lamala hinge giiratenni daashshine fushshinoonni siwiili gedeeho.

FAARSO 136:12

Jawaata angasinni wolqaataame cigilesinni konne assino; bagamannokkihu baxillisino hegerehona.

FAARSO 89:13

Angakki hiittoo jawaataati! Wolqakkino lowo geeshsha jawate.

FULO 11:1

Hakkunni gedensaanni Kaaliiqi Musera, «Feriooniranna mannisira mitto qoomama lede soyemmo; hakkunni gedensaanni hadhinanni gede aguranno'ne; aguranno'ne woyite, mittuno gattinikkinni shorre ha'risanno'ne.

FULO 12:31

Hakko hashshinni Feriooni Musenna Aarooni woshshiishe, «Ki'nenna Israeelete ilama baala fulle! Gobba'ya agurtine hadhe! Yitininte gede hadhine Kaaliiqa magansidhe!

FULO 12:33

Gibitsootu uminsano reyineemmo yite waajjitinohura, manna gobbansanni rahe fulanno gede mudditu.

FULO 12:39

Gibitsetenni fultu yannara, sagale qixxeessi'ratenna shiisheenna tima ga'nate yanna afidhinokki daafira, Gibitsetenni adhite fultinoha liisamino gide tima ga'nitu.

FULO 13:14

Kunni ka'a ooso'ne, ‹Konne mayira assinanni?› yite xa'mitu'nero, ‹Gibitsete gobbara borojjimmatenni hee'neemmore Kaaliiqi jawa wolqasinni fushshinonke.

FULO 13:16

Tini wogano angankera usudhinoommohunna albinkera wodhinoommo malaati gede qaagiissitannonke; Kaaliiqi jawaata angasinni Gibitsete gobbanni fushshinonketa qaagiissitannonke› yitine kullensa» yii.

FULO 13:3

Muse mannaho, «Kaaliiqi wolqasinni Gibitsete gobbanni borojjimmatenni gatise fushshino'ne barri konneetina habbinoonte. Kunni barrinni shiishino tima ittinoote.

FULO 13:9

Kuni ayyaanino, anga'nera usudhitinoonnihunna albi'nera wodhitinoonni malaati gede ikko'ne; Kaaliiqi Gibitsete gobbanni jawa wolqasinni fushshino'ne daafira, seerisi wo'manka woyite afii'nenni fafikkinni marro higgine buuxxinanni gede qaagiissanno'ne.

FULO 14:13

Museno mannaho, «Waajjitinoontena heedhinoonniwa uurre; kore techo affinanni Gibitsoota layinkita diaffinannina, Kaaliiqi ki'ne gatisate assannore la'inannina agarre.

FULO 15:6

Kaaliiqa, qiniiticho angakki, ayirradotenna wolqaataamete; diina gante butu assitanno.

FULO 7:4

yitinannire dimacciishshanno; hakkunni gedensaanni, Gibitsete gobbara lowo qarra abbe manna'ya Israeele hakkiinni haa're fushsheemmo.

FULO 7:5

Kunni garinni hanqunnita anga'ya aanansa kayise Israeele insa gobbanni fushsheemmo yannara, Gibitsootu ani Kaaliiqa ikkoommota affanno» yiisi.

ISAYAASI 63:12

Hegere geeshsha maccaha ikkasi egensiisara yee, ayirrado wolqasi Musera qiniiteenni worihu, albansaanni noo waa lamewa badihu hiikki?

KIIRO 11:23

Kaaliiqino, «Halaalinta ane Kaaliiqi wolqa hanqatateni? Yoommo coyi ikkannotanna hoogannota afattona agari» yiisi.

KIIRO 23:23

Israeele bita diamaddanno; gojuno di"iillannonsa. Wole gosano Israeelete mannire coyidhanni, ‹Kune Maganu assinonsare la'e› yitanno.

SOQQAMAASINETE LOOSO 13:17

Israeelete Magani balaxe akaakkanke doodhino. Gibitsete manni gobbara noo yannara lowo gosa assinonsa. Lowo wolqanni hakkiinni haa're fushshinonsa.

MARRO 32:39

« ‹Ani calli'ya Maganoho; ane ka'a wolu magani dino. Sheemmo; gatiseemmo; madiisseemmo; hurseemmo; anga'yanni gatisara dandaannohu mittuno dino.

MARRO 4:34

Magano'ne Kaaliiqa ille'nenni la'inanni Gibitsete assinonte gede jifatenni, maalalete malaattanninna dhaggetenni, gaarunni, jawaata anganninna wolqaataame cigilenni woy jawunna waajjishanno loosinni wole gosa mereero mitte gosa umisita assi'rara dandiinohu wolu Magani nooni?