FULO 5:14 - Qullaawa Maxaafa

¹⁴ Israeele gadadissanno Gibitsooti, loosiissara worroonnire Israeelete murroota, «Techo albite geeshshi xuube seekkitine shiqisha mayira hoogginoonni?» yitanni gantunsa.

FULO 5:14 ပူးပေါင်းရင်းမြစ်များ

FULO 1:14

Mittoreno marartannokkiha sabba kadisiissanni, xuube seekkisiissanninna gate loosiissanni caacceessitunsa.

FULO 5:13

Gadadissanno Gibitsootino, «Barru barrunkunni alba cide shiqinshanna seekkitinanni geeshshi xuube kiiro xe'ukkinni seekkitine shiqishshe» yite gadachitunsa.

FULO 5:15

Loosiissannori Israeelete murrooti mootenniwa marte, «Moote, ninke soqqamaanokki togo mayira assittonke?

FULO 5:6

Hakko barranni Feriooni kaajjadda Gibitsoota loosiissannonsa gedenna insara roorroota ikkitanno gede hajajanni:

ISAYAASI 10:24

Kunnira, Olantote Mootichi Kaaliiqi, «Tsiyooni heedhinanniri manni'ya, alba Gibitsootu gadadissu'ne gede assite gadadissu'nerono Asooroota waajjitinoonte.