FULO 40:34 - Qullaawa Maxaafa

³⁴ Hakkunni gedensaanni, Qullaawa Dukkana gomichu guggushshi; Kaaliiqi ayirrinyino Dukkana wo'mi.

FULO 40:34 ပူးပေါင်းရင်းမြစ်များ

LAYINKI SAAMUEELI 7:6

Israeelete manna Gibitsetenni gatise fushshummo warinni kayise xaa geeshsha, dukkanu giddo galanni dargunni darga sa"anni hee'roommo ikkinnina mine dihee'roommo;

LAYINKI DUDUWO 5:13

Insano xurumba ufuuffanni, faarsaano baala, tsenaatsiletenni, baganunninna wolu muuziiqu uduunninni, «Shaqqado ikkino daafira, baxillisino hegereha ikkino daafira, Kaaliiqa galattesi!» yitanni mitte qoonqonni Kaaliiqa galattu. Konne mereero hedeweelcho xawannohu, Kaaliiqi ayirrinye leellishanno gomichi Qullaawa Mine wo'mino daafira qeesootu uurrite soqqama nafa didandiitino.

LAYINKI DUDUWO 7:2

Qullaawa Mine Kaaliiqi ayirrinyi wo'mino daafira qeesootu giddora ea didandiitino.

FAARSO 26:8

Kaaliiqa, ayirrinyikki hee'rannowa, minekki baxeemmo.

FULO 14:24

Duu'mo saaqqukkinni Kaaliiqi giiratenna gomichu heelliicho iima hee're Gibitsete olanto lae, garu ba"annonsa gede assi.

FULO 16:10

Aarooni Israeelete manni baalunkura coyi'ranni hee'reenna, insano alba halallitte gobba widira higge shawwu yitu; Kaaliiqi ayirrinye leellishanno xawaabbino gomichu aana leelli.

FULO 25:8

Ledonsa hee'reemmo gede qullaawa dukkana qassoena.

FULO 29:43

Israeelete manni ledo hakkiicho xaadeemmo; Dukkanuno ani hakko heera'yanni keeraa'minoha ikkanno.

FULO 33:9

Muse Dukkanu giddora eanno yannara gomichu heelliicho dirrite, Dukkanu xullichira uurritanno; Kaaliiqino gomichu giddo hee're Muse ledo hasaawanno.

ISAYAASI 57:15

Rooriidihunna wo'munkura aliidihu, hegerera hee'rannohu Qullaawu, «Ani iima qullaawa darga hee'reemmo. Qoleno umonsa heeshshi assitannorihanna saonsa aagintaabbannori wodana haaroonseemmo.

ISAYAASI 6:4

Qoonqonsa lowo geeshsha naggi assite faarsitanno daafira, Qullaawu Mini hunda iille tenqe yii; wiliileno Mine wo'mitu.

HIZIQEELI 10:4

Kaaliiqi ayirrinyi kirubeeli aaninni kae, Qullaawu Minira e'nanni xullicho mari. Hakkunni gedensaanni, gomichu Qullaawa Mine wo'mi. Qullaawu Mini nafarano Kaaliiqiti ayirrinyu caamile xawissu.

LEEWAAWOOTA 16:2

«Ani maarote barcimi aana gomichunni leelleemmona, rodiikki Aarooni dukkote giddo Qullaawa Holge Taabootu aana noohuwa maarote barcimiwa hasiisanno yannara calla eanno gede kulisi. Hajajama giwiro kayinni reyanno.

HAGE 2:7

gashshoote baala galcheemmo; jironsa baalantano kawiira dagganno gede asseenna, Qullaawa Mine jiro wo'mitanno.

HAGE 2:9

Haaru Qullaawu Mini albihunni roore xu'minoha ikkanno. Kunni katamira keere eemmo; manna'yano duroonseemmo» yaanno.

KIIRO 7:89

Muse Kaaliiqi ledo hasaawara Dukkanu giddora ei yannara, Kaaliiqi kirubeeli mereero noohura Gondooru Taabooti tuani aana hee're coyi'ranna macciishshi.

ROOMU SOKKA 9:4

Israeele Maganu doorino gosaati. Maganu insa oososi assi'rino; ayirrinyesi leellishinonsa; gondoorono einonsa; Seerano uyinonsa; halaalaancho magansi'ranna hexxo uyinonsa.

YOHAANNIS AJUUJA 15:8

Hakkunni gedensaanni, Maganu ayirrinyinninna wolqasinni Qullaawa Mine wiliile wo'mitu. Lamalunku sokkaasinchi haadhe nooti lamalanku qoomami goofa geeshsha, ayino Qullaawu Minira ea didandiino.

YOHAANNIS AJUUJA 21:3

Ayirradu barcimiwiinni, «Kune, Maganu hee'rannowi mannu mereero no! Maganu insa ledo hee'ranno; insano mannasi ikkitanno. Maganu umisi ledonsa hee'ranno; Maganonsano ikkanno.