FULO 4:5 - Qullaawa Maxaafa

⁵ Kaaliiqino, «Akaakka'ne Abirihaami, Yisihaaqinna Yaiqoobi Magani Kaaliiqi leellinoheta Israeelete manni ammananno gede konne malaate leellishinsa» yiisi.

FULO 4:5 ပူးပေါင်းရင်းမြစ်များ

KALAQAMA 12:7

Kaaliiqi Abiraamira leelle, «Tenne baatto sirchikkira eemmohe» yiisi. Kunnira, Abiraami leellinosi Kaaliiqira hakko darga kakkalote darga seekki.

KALAQAMA 17:1

Abiraamira 99 diro ikkisi yannara Kaaliiqi leellesi, «Ani Wo'mankare Dandeemmo Maganootina, ane ledo qaafi; wo'ma woyite dancha coye assi.

KALAQAMA 18:1

Mitte soodo barru taalootira Abirihaami dukkanu waalchira ofolle hee'reenna, Kaaliiqi Memire haqqe qullaawate mule leellisi.

KALAQAMA 26:2

Hakkiicho Kaaliiqi isira leelle, «Gibitsete gobba hadhootina, ani kuleemmohe gobbara hee'ri.

KALAQAMA 28:13

Kaaliiqino aleenni hige uurre, «Ani, annikki Abirihaaminna Yisihaaqi Magani Kaaliiqaati; ateranna sirchikkira ikkitanno gede tenne goxxe nootto baatto eemmohe.

KALAQAMA 48:15

Isino Yooseefira, «Annuwa'ya Abirihaaminna Yisihaaqi, yootto gede ikkite soqqantuhe Magani, aneno anje'yanni kayisse techo geeshsha towatittoehu,

KALAQAMA 48:3

Yaiqoobi Yooseefira, «Wo'manka Dandaanno Magani Kana"aani baattora Looza yinanni darga leelle maassi're"e,

UMI MOOTOOLLA 18:36

Barru taalooti gedensaanni hawarro kakkalo shiqinshanni yanna iillituta, himanaanchu Eeliyaasi kakkallanni dargira shiqqi yee, «Abirihaami, Yisihaaqinna Yaiqoobi Magano Kaaliiqa! Ati Israeelete Magano ikkoottota, anino ate soqqamaancho ikkoommotanna kuni asseemmori baalu ate qaalinni ikkinota techo egensiisi.

LAYINKI DUDUWO 20:20

Mannuno layinki soodo gute kae Teqoa yinanni halallitte ha'ri. Ha'ra hanafanni hee'reenna Iyosaafiixi uurre, «Yihudunna Yerusaalamete manna! Magano'ne Kaaliiqa addaxxitine jawaatte! Qinaanno'nena, himanaanosi yitinoreno ammanne» yiinsa.

FULO 19:9

Kaaliiqi Musera, «Mannu ate ledo hasaawanna macciishshanno gedenna wo'manka woyite yaatto coye baala ammananno gede tunsino gomichi giddo hee're atewa dayemmo» yiisi. Museno mannu yiinota Kaaliiqira kuli.

FULO 3:15

Akaakka'ne Abirihaami, Yisihaaqinna Yaiqoobi Magani ani Kaaliiqi soommoheta Israeelete mannira kulinsa; hegere geeshsha su'mi'ya konneeti; dagganno ilama baala kunni su'minni woshshitannoe.

FULO 3:16

Xa marte, Israeelete roorroota gamba assi; akaakka'ne Abirihaami, Yisihaaqinna Yaiqoobi Magani Kaaliiqi atera leelloommota kulinsa; insawano dirre Gibitsootu assitinonsa beebba laoommota kulinsa.

FULO 3:18

«Manni'ya roorrootino coyi'rattore macciishshitanno; atinna Israeelete roorrooti Gibitsete mootewa martine, ‹Ibiraawootu Magani Kaaliiqi ninke ledo xaadino; kunnira, Maganinke Kaaliiqira kakkallammora 3 barri doogo halallitte gobba ha'neemmona fajjinke› yiiyyesi.

FULO 3:4

Kaaliiqi Muse la"ara shiqqi yiinota afihu gedensaanni citu giddo hee're, «Muse! Muse!» yee woshshisi. Isino, «Yee!» yii.

FULO 3:6

Ani akaakkakki Abirihaami, Yisihaaqinna Yaiqoobi Maganooti» yiisi. Museno Magano la"a waajjino daafira alba diphi.

FULO 4:1

Muse, «Israeelete manni, ‹Kaaliiqi dileellinohe› yee amananna macciishsha giwiero mayoo?» yee Kaaliiqa xa'mi.

FULO 4:31

Mannuno konne coye ammani; Kaaliiqi daye towatinonsatanna assinoonninsa beebba afinota macciishshite guluphite guwissusi.

FULO 4:4

Kaaliiqi kayinni, «Angakkinni farro amadde kayisi» yiisi. Muse farro amade kayisita galagalte siqqicho ikkitu.

ISAYAASI 7:9

Israeelete umino Samaariyaholla; mootensano Faaquheetilla. « ‹Amma'natenni kaajjitine uurra hoogginiro, horonta diheedhinanni yiino› » yoommo.

ERMIYAASI 31:3

ani Kaaliiqi insara fafe hee're leelloommonsa. «Bagamannokki baxillinni baxoommo'ne; hakko baxillinni anewa gamba assoommo'ne.

YOHAANNISI 11:15

Kunnira, ki'ne ammantinanni gede ani hakko hooga'yara hagiidhoommo. Xa kayinni isiwa ha'nona ka'e!» yiinsa.

YOHAANNISI 11:42

Wo'manka woyite macciishshattoeta afoommo. Tenne yoommohu kayinni kawiicho uurre noo manni ane ati soottoeta ammanara yeeti» yii.

YOHAANNISI 20:27

Hakkunni gedensaanni Toomaasi woshshe, «Qubbichokki kawa abbite anga'ya lai; angakki abbite midaadi'ya giddo worte lai. Huluullama agurte ammani!» yiisi.

YOHAANNISI 20:31

Ikkirono, Yesuusi Kiristoosi Maganu Beetto ikkinota ammantinanni gedenna ammantine isi su'minni hegere heeshsho afidhinanni gede konne borreessinoonni.

YOHAANNISI 5:36

Anera kayinni Yohaannisita roortino farci'ra nooe; farci'ra'yano Anni'ya loosammora uyinoe loosooti. Kuni looseemmo loosi, Anni'ya soyinoe gede anere farci'rannoho.

SOQQAMAASINETE LOOSO 7:2

Isxifaanoosino, «Roduuwa'yanna annuwa'ya, hanni macciishshe! Anninke Abirihaami Kaaraani gobba ha'rara albaanni Mesiphexoomiyaho hee'reenna, ayirrinyu Magani leellinosi.

IBIRAAWOOTA 11:16

Xa kayinni roore gordoho noo gobba halchitanno. Kunnira Maganu katama qixxeessinonsa daafira, «Maganonke» yite woshshidhannosita difokkanno.