FULO 4:11 - Qullaawa Maxaafa

¹¹ Kaaliiqino qole Musera, «Mannaho afoo kalaqinohu ayeti? Danqicha woy macciweelo, illete afannohanna illiweelo kalaqinohu ayeti? Konne baalanka assoommohu ane Kaaliiqa di"ikkoommo?

FULO 4:11 ပူးပေါင်းရင်းမြစ်များ

KALAQAMA 11:7

Kunnira amme dirrinona; insa insanaawa sumuu yitannokki gede qaalensa burduunqona» yii.

KALAQAMA 18:14

Halaalinta ani Kaaliiqi dandeemmokkiri nooni? Daanno diro techonte gede atewa higeemmo; Saarano qaaqqo afidhanno» yiisi.

FAARSO 146:8

Ballootaho ille fananno; ubbinore kayisanno; halaalaancho manna baxanno.

FAARSO 51:15

Mooticha'ya, arrawi'yanni galatakki duduweemmo gede, afoo'ya fanie.

FAARSO 94:9

Maccanke kalaqino Magani macciishshannoho; illenke kalaqinohu la"annoho.

LAWISHSHA 20:12

Macciishshitanno maccanna la'anno ille, lamenta Kaaliiqi kalaqino.

ISAYAASI 42:7

Atino balloota ille fanatto; tunsote usurante nooreno, usuri mininni fushshatto.

ISAYAASI 6:7

Suume'yano kiffalchunni kise, «Kune kiffalchu suumekki kisino daafira, saokki aanikkinni ho'litino; cubbokkino agurroonnihe» yiie.

ERMIYAASI 1:6

Anino, «Mooticha Kaaliiqa'ya, kuneeti ani shiima beetto ikkoommo daafira coyi'nanni gara diegennoommo» yee dawaroommosi.

ERMIYAASI 1:9

Hakkunni gedensaanni Kaaliiqi angasi diriirse suume'ya kise, «Kuneeti coyi'ratto qaale oommohe.

HIZIQEELI 33:22

Isi ga'a daara techo gede hawarro, jawaata Kaaliiqi wolqa anewa daggu. Layinki soodo hakku manchi dayita, Kaaliiqi afoo'ya faneennae galagale coyi'ra dandoommo.

AMOOTSI 3:6

Katamu giddo, olaho kakkayisate, xurumba ufuunfanna macciishshe, waajje huxi'rannokkihu nooni? Kaaliiqi hajajikkinni qarru daannoni?

MAATEWOOSI 11:5

Illiweelootu la'anno; naafootu uurrite hadhanno; dhiigaammu keeraabbanno; macciweelootu affanno; reyitinori ka'anno; buxanete Dancha Duduwo kullanni.

LUQAASI 1:20

Ati kayinni yannasira wo'mannoha qaale'ya diammanootto. Kunnira, kuni kulummohe coyi baalu wo'ma geeshsha danqicha ikkatto; coyi'rano didandaatto» yiisi.

LUQAASI 1:64

Zakkaariyaasi hakkawoyintenni arrawu tidhameennasi coyi'ri; Magano galaxxano hanafi.

YOHAANNISI 10:21

Gamu kayinni, «Kuni coyi durriisu noo manchi coyi'rannoha di"ikkino; durriisu ballitino ille fane afannoni?» yitu.