FULO 32:9 - Qullaawa Maxaafa

⁹ Kuni manni mokkookka ikkinota ani afoommo;

FULO 32:9 ပူးပေါင်းရင်းမြစ်များ

LAYINKI MOOTOOLLA 17:14

Insa kayinni hajajama gibbino. Maganinsara Kaaliiqira ammanantinokkiri akaakkansa gede haxo mokkookkitino.

LAYINKI DUDUWO 30:8

Annuwa'ne gede haxo mokkookkitinoonte. Kaaliiqira hajajamme; hegerera qullaawa assinohuwa Qullaawu Minisiwa Yerusaalame amme. Buwanni nooha hanqosi aani'nenni hoolanno gede Magano'ne Kaaliiqa magansidhe.

NEHIMIYA 9:16

Akaakkanke kayinni boonaleeyyenna hettisamaano ikkitino; hajajokkino ayirrisa gibbino.

NEHIMIYA 9:17

Hajajantannokkire ikkitino; assoottonsa dhagge baala habbino. Boo'nansanni kainohunni qoxxisante, giddonsanni albisa doodhite, galagalche Gibitsete borojjimmara haa're ha'rannonsa gede assitino. Ati kayinni baxillu wo'minoheha, hanqate muddamattokkiha, mararattohanna maarattoha, maarokkino batidhino Magano ikkootto daafira, daguroottonsa.

FAARSO 78:8

Albi akaakkansa gede haxawarrootanna maahoyye gibbinore di"ikkitanno; albiri kaajjite Magano diaddaxxitinoreeti; Maganohono ammanantino gedeenni diheedhino.

FULO 33:3

Adonna malawu lolakkanno gobba hadhe. Kayinnilla, ki'ne mokkookku wodanire ikkitinoonni daafira doogote aana gudeemmo'nekki gede, ani ledo'ne diha'reemmo» yii.

FULO 34:9

«Mooticha'ya ballo, baxattoeha ikkiro, kuni manni mokkookka ikkirono, ledonke fulatto gede huucci'reemmohe; cubbonkenna saonke agurte mannakki assi'rinke» yii.

LAWISHSHA 29:1

Batinye hinge seejjineenna, mokkookke higa giwannohu, hurannokki gede ikke hedeweelcho hiiqqamanno.

ISAYAASI 48:4

Ki'ne higginannikkiha mokkookkitine, haxo siwiilu gede kaajjitinoonnire ikkitinoonnita afoommo.

ERMIYAASI 13:27

Ani giweemmo coye assoottata afoommo. Manni galte dooyyanno manchinna iyyanno wodali gede, ilaallatenna gattate dagate maganna hoode ha'roottata afoommo. Yerusaalame atera aanne'e! Ati mamaro keeraa'matta ikka?

HOOSEI 6:10

Israeelete giddo macca cu'mi'nanni coye afoommo. Hakkuno, mannu kaphu magano magansi'ratenni battaawino.

KIIRO 14:11

Kaaliiqino Musera, «Kuni manni ane mishannoehu mamari geeshshaati? Tenne maalale baala assanni hee'reennanni ammanannoekkihu mamari geeshshaati?

SOQQAMAASINETE LOOSO 7:51

Qoleno, «Ki'ne mokkookkootu wodananna macca beebbinoonniri! Ki'ne Annuwa'nente gede Qullaawa Ayyaana gibbinanni.

MARRO 10:16

Kunni daafira, wodana co'o yitine keeraa'me; kakkachimma'neno agurre.

MARRO 31:27

Ki'ne baalunku mageeshshi geeshsha haxawarrootanna mokkookkoota ikkitinoonniro afoommo. Ani lubbotenni hee'reenna togo ikkitinoonniri, ani noommokki waro mageeshshi geeshsha haxawarritinanni ikka!

MARRO 9:13

«Qoleno Kaaliiqi, ‹Kuni manni haxo mokkookka ikkinota seekke afoommo.

MARRO 9:6

Kunnira, Magani'ne Kaaliiqi tenne dancha baatto ragidhinanni gede aanno'nehu keeraanchimma'nenni kainohunni ikkinokkita buuxxe. Ki'ne haxo mokkookkootaho.