FULO 32:8 - Qullaawa Maxaafa

⁸ Ani hajajoommonsa doogowiinni hakkawoyintenni agurte fulte, daashshine seekkinoonnita siitu misile seekkidhe magansidhino; kakkalono shiqishshe, ‹Israeele, kuni Gibitsete gobbanni fushshe abbinonke maganooti?› yitino.

FULO 32:8 ပူးပေါင်းရင်းမြစ်များ

UMI MOOTOOLLA 12:28

Konne coye malihu gedensaanni, 2 siittu misile culkunni seekkisiise mannaho, «Magansi'rate Yerusaalame ha'ra daafursitanno'nena ha'ra agurre. Israeelete manna! Gibitsetenni fushshitu'ne maganna tenneeti» yiinsa.

NEHIMIYA 9:18

Insa siitu misilenni kaphu magano uminsara seekkidhe, ‹Gibitsetenni massage fushshinonke magani konneeti› yitino. Magano'ya, su'makki lowo geeshsha xonsiissino.

FAARSO 106:19

Siina heedhe culku siito seekkidhu; hatte misileno magansidhu.

FAARSO 78:36

Ikkeennano, afiinsanni awaawurtinosi; arrawinsannino dogginosi.

FULO 20:23

Ane agurranna wole maganna heedhoonke; birrunninna culkunni seekkinoonnita kaphu maganna magansidhinoonte.

FULO 22:20

«Ane Kaaliiqi ka'a wolu maganira kakkalannohu lubbotenni hee'roonke.

FULO 32:4

Isino qalawatta angansanni haa're giiratenni daashshe siitu misile seekkinsa. Mannu mimmitoho, «Israeele, kuni Gibitsete gobbanni fushshe abbinonke maganooti» yii.

FULO 34:15

Magannansa ledo foortanno woyitenna kakkalo shiqishidhanno woyite ki'neno woshshite kakkalote sagale itissanno'nena, hatte gobba manni ledo namoontinoonte.

ISAYAASI 46:6

Mitu ogoronsa fante culka lolaassanno; birrano keenaasinchoho keentanno. Magansi'nanni misile seekkannonsa gede, siwiila tumannohura woxe uyitanno; seekkinoonni magannara kumbuultanni magansidhanno.

ERMIYAASI 31:32

Kuni gondoori Gibitsetenni anga amade fushshummonsa waro annuwansa ledo eummohu gedeeha di"ikkino. Ani biilonsa ikke hee'reennanni insa gondooro'ya diiggino.

LEEWAAWOOTA 17:7

Kunni albaanni anera ammanama hoogatenni meu golfara kakkaltu garinni, kunni ka'a aye kakkalono kakkala dihasiissannonsa. Kuni insaranna gedensiidi ilama baalantera hegere seera ikkonsana.

MARRO 32:17

Halaalaasine ikkitinokkirira, annuwansa affinokkirira haaro magannara, kunni albaanni Israeele soqqante egentinokkirira kakkaltino.

MARRO 9:12

Hakkunni gedensaanni Kaaliiqi, ‹Kai! Gibitsetenni fushshittohu mannikki battaawinona kawiinni rakke dirri. Hajajo'yawiinni rahe fafino; daashshine seekkinoonniha kaphu magano qixxeessi'rino› yiinoe.

MARRO 9:16

Halaalinta ki'ne Magani'ne Kaaliiqi aana sao assitinoonnita laoommo. Daashshine seekkinoonnita siitu misileno umi'nera qixxeessidhinoonni. Kaaliiqi hajajino'ne doogonni rakkine fultinoonni.

IYYAASU 22:15

Insano Roobeeli, Gaadinna soojjaato noori Minaase manni heedhannowa Geleaadi marte iillitu.

EJJEETTO 2:17

Israeele kayinni, albisootinsara dihajajantino. Kaaliiqira ammanama gibbe wole maganna magansidhino. Annuwansa Kaaliiqira hajajantu gara agurte, hakkawoyintenni doogote aaninni wirri yitino.

EJJEETTO 8:24

Gedewooni qole, «Adhitine dagginoonni buticha uyitinaera hasi'roommo» yiinsa. (Ismaeelootu culku buticha wodhitannoreeti).