FULO 32:6 - Qullaawa Maxaafa

⁶ Layinki soodo gutte ka'e, shilqonnitanna mittimmate kakkalo shiqishshu. Mannuno ofolle itihunna agihu gedensaanni sirbaho kai.

FULO 32:6 ပူးပေါင်းရင်းမြစ်များ

FULO 32:5

Hakkunni gedensaanni, Aarooni siitu misilera albaanni qole kakkalote darga seekke, «Ga'a Kaaliiqi ayyaanaati» yee lallawi.

AMOOTSI 2:8

Asale baata dandiitannokki buxane aaninni uddano amadote adhitanno. Kakkalo shiqishshanno darga baalawa hattenne uddano diphite goxxanno. Asalaasinete anganni murote adhitinota woyinete xajje abbite Maganinsa mine agganno.

AMOOTSI 8:10

Diru ayyaani hagiirri'ne dadilleho, faarso'neno wi'late soorreemmo. Afidhino beetto shiidhe wi'litannori gede, umo meexxitine xiddu uddano uddidhinanni gede asseemmo; hakko barri goofimarchi qaraaro ikkanno» yoommo.

KIIRO 25:2

Kuni meentino magannansara kakkalloonni kakkalo ittanno gede koyisinsa. Israeelete mannino kakkalo ite Moaabi magannara kumbuuli.

UMI QORONTOOSI 10:7

«Mannu itaranna agara ofolli; sirbahono kai» yine borreessinoonninte gede, insa giddonni gamisu kaphu maganna magansidhino; ki'neno insa gede ikkitinoonte.

YOHAANNIS AJUUJA 11:10

Kuri lamenti himanaano baattote noo manni aana lowo qarra abbitino daafira, mannu insa reyora hagiidhanno. Hagiirru jila ji'lanno; mimmitohono afansha uyi'ranno.