FULO 32:5 - Qullaawa Maxaafa

⁵ Hakkunni gedensaanni, Aarooni siitu misilera albaanni qole kakkalote darga seekke, «Ga'a Kaaliiqi ayyaanaati» yee lallawi.

FULO 32:5 ပူးပေါင်းရင်းမြစ်များ

UMI MOOTOOLLA 21:9

Borrote sokkano, «Mannu mitto barra qatume hosanno gede kultine gamba assitine, Naabutera ayirrado darga la'ine uuyye.

LAYINKI MOOTOOLLA 10:20

Hakkunni gedensaanni Iyu, Ba"aali ayyaana ayirrinsanni gede hajaji; konne coyeno mannaho lallambe kulli.

LAYINKI MOOTOOLLA 16:11

Qeesichu Ooriyono Akaaziyaasi Demaasiqotenni higa geeshsha hakkonne lawannoha kakkalote uduunnicho seekki.

LAYINKI DUDUWO 30:5

Kunnira, Israeelete Magani Kaaliiqiha Mararrote Ayyaana ayirrisate aliyyeenni Daaninni kayise wodiidoonni Bersaabehi geeshsha noo manni baalu gamba yee Yerusaalame daanno gede lallawisiissu. Hakkunnira albaanni hakkeeshshi manni seeru garinni gamba yee ayyaana ayirrise diegennino.

FULO 10:9

Muse daware, «Marreemmowa Kaaliiqi ayyaana ayirrisate jila jilleemmo daafira, aja akkala yinikkinni baalunku ha'neemmo; oosonkenna seennenke, ge'reewonke, me"enkenna lalonke baala adhine ha'neemmo» yii.

FULO 12:14

Kuni barri, ani Kaaliiqi assoommo'nere qaagginanni gede, ayirrissinannie ayyaana ikko'ne; konne ayyaanano diru dirunkunni ilamate ilama geeshsha ayirrissinanni» yiinsa.

FULO 17:15

Muse kakkalote darga seekke, hakko dargirano, «Kaaliiqi Qeellete Malaate'yaati» yee su'ma fushshi.

FULO 32:4

Isino qalawatta angansanni haa're giiratenni daashshe siitu misile seekkinsa. Mannu mimmitoho, «Israeele, kuni Gibitsete gobbanni fushshe abbinonke maganooti» yii.

FULO 32:6

Layinki soodo gutte ka'e, shilqonnitanna mittimmate kakkalo shiqishshu. Mannuno ofolle itihunna agihu gedensaanni sirbaho kai.

HOOSEI 8:11

«Israeelete manni cubbo agursiisi'rate, batinye kakkalote darga seekki'rino. Ikkollana kakkalote darguwa batidhu deerrinni cubbinsa lexxino.

HOOSEI 8:14

«Israeelete manni uminsara jajjabba mootete minna mi'nino. Ane Kalaqaanchonsa kayinni hawino. Yihudu mannino haammata qiishote katamma mi'nino. Ikkollana katammansanna qiishonsa ittanno giira soyemmo» yii.

LEEWAAWOOTA 23:2

«Israeelete, ‹Qullaawa songooti yitine ayirrissinanniti doorantinoti ane ayyaanna aante noote:

LEEWAAWOOTA 23:21

Hakko barranni qullaawa songo fushshe; wolqate loosono loosidhinoonte. Kunino heedhinanni base baalate dagganno ilamara hegere seeraati.

LEEWAAWOOTA 23:37

«‹Shilqote kakkalo, gidu fushshaate, kakkalonna agattote fushshaate yinoonni barrinni shiqishidhinanni qullaawa xaado assidhinanniti ane ayyaanna tenneeti.

LEEWAAWOOTA 23:4

« ‹Doorantinore Kaaliiqi ayyaanna assitine yanna yannantenni ayirrissinanniti qullaawa songo aante noote:

UMI QORONTOOSI 5:8

Kunni daafira, cubbunnihanna bunshenniha ikkikkinni, halaalunnihanna taashshanniha, haaro shiishinokki timiha Ayyaananke ayirrinso.

UMI SAAMUEELI 14:35

Saaoolino Kaaliiqira kakkallanni darga seekki. Kaaliiqira kakkallanni darga seekkate tini isira umite.