FULO 32:4 - Qullaawa Maxaafa

⁴ Isino qalawatta angansanni haa're giiratenni daashshe siitu misile seekkinsa. Mannu mimmitoho, «Israeele, kuni Gibitsete gobbanni fushshe abbinonke maganooti» yii.

FULO 32:4 ပူးပေါင်းရင်းမြစ်များ

UMI MOOTOOLLA 12:28

Konne coye malihu gedensaanni, 2 siittu misile culkunni seekkisiise mannaho, «Magansi'rate Yerusaalame ha'ra daafursitanno'nena ha'ra agurre. Israeelete manna! Gibitsetenni fushshitu'ne maganna tenneeti» yiinsa.

UMI MOOTOOLLA 12:32

Iyorbiaami Yihudaho assinanninte gede, settikki aganira tonaa ontikki barra ayyaana ayirrinsanni gede assi. Beeteli nootera culkunni seekkinoonni misillara kakkalo shiqishi. Hakkiichono magansi'nara seekkisiisino gaarrara soqqantanno qeesoota wori.

LAYINKI MOOTOOLLA 10:20

Hakkunni gedensaanni Iyu, Ba"aali ayyaana ayirrinsanni gede hajaji; konne coyeno mannaho lallambe kulli.

LAYINKI MOOTOOLLA 10:29

Ikkollana Iyu Israeele cubbu giddora eessinohu Naabaaxi beetti Iyorbiaami ha'rino doogo ha'ra diagurino. Iyorbiaami Beetelinna Daani uurrisi'rinota culkunni seekkinoonnita siitu misileno dihunino.

LAYINKI DUDUWO 11:15

Iyorbiaami meichunna bootu misilenni seekkisiisi'rino magannara soqqantannore umisi qeese wodhino.

LAYINKI DUDUWO 13:8

«Xa ki'neno Kaaliiqi Daawiti sirchira uyinota gashshootu roorre ittissinara heddinoonni. Hedo'ne wonshi'rate lowo olantonna magansidhinara Iyorbiaami culkunni seekkisiisinota siittu misilla adhitine dagginoonni.

NEHIMIYA 9:18

Insa siitu misilenni kaphu magano uminsara seekkidhe, ‹Gibitsetenni massage fushshinonke magani konneeti› yitino. Magano'ya, su'makki lowo geeshsha xonsiissino.

FULO 20:2

«Gibitsete gobbanni borojjimmate giddonni fushshummo'nehu Kaaliiqi Magani'ne aneeti.

FULO 20:23

Ane agurranna wole maganna heedhoonke; birrunninna culkunni seekkinoonnita kaphu maganna magansidhinoonte.

FULO 20:4

«Gordohono ikko baattote, baattote woroonni wayi giddo noorichinnino ikkiro magansi'rate yitine ayee misileno seekkidhinoonte.

FULO 28:11

Seesiisanno ogeessi gede assite, tonaa lamunku Yaiqoobi ooso su'ma lamunku kinchi aana borreessi; kinnate aanano culku migira seekki.

FULO 28:9

Lame dilqa kincho haadhe tonaa lamunku Yaiqoobi ooso su'ma aanaho borreessi;

FULO 32:1

Muse ilaalu aana keeshshita mannu Aarooniwa shiqe, «Hakku Gibitsetenni fushshinkehu Muse maikkinoro dianfoommona, ka'e albaanni ha'ranno magano seekkinke» yitusi.

FULO 32:24

Anino, insa giddonni culka afi'rinohu haa're anewa abbanno gede kuloommonsa; insano abbiteenna haa're giirate tugeenna tini siitu misile fultino» yee dawari.

FULO 32:3

Mannu baalunku maccansara noota culku qalawatta fushshe Aarooniwa abbi.

FULO 32:35

Aarooni siitu misile seekkannonsa gede assitino daafira, Kaaliiqi jaddote dhibbinni ganinsa.

FULO 32:5

Hakkunni gedensaanni, Aarooni siitu misilera albaanni qole kakkalote darga seekke, «Ga'a Kaaliiqi ayyaanaati» yee lallawi.

FULO 32:7

Kaaliiqi Musera, «Gibitsetenni fushshittohu mannikki cubbo loose aneno agurinona rakke dirri.

FULO 32:8

Ani hajajoommonsa doogowiinni hakkawoyintenni agurte fulte, daashshine seekkinoonnita siitu misile seekkidhe magansidhino; kakkalono shiqishshe, ‹Israeele, kuni Gibitsete gobbanni fushshe abbinonke maganooti?› yitino.

ISAYAASI 30:22

Birranna culka xallinoonnita maganna'ne, «Ninkewiinni faffe!» yitine ishinu gede oltine huntinanni.

ISAYAASI 46:6

Mitu ogoronsa fante culka lolaassanno; birrano keenaasinchoho keentanno. Magansi'nanni misile seekkannonsa gede, siwiila tumannohura woxe uyitanno; seekkinoonni magannara kumbuultanni magansidhanno.

HIZIQEELI 23:8

Ledose fooranno labballi guntutase amammadeenna macca ba'uwa Gibitsete gobbara foorrese diagurtino. Seenninatise yannanni kayise, labballu foortannota ikkitinota affe ledose foortanno.

HOOSEI 10:5

Samaariyu katamira hee'ranno manni Beetiaweeni nooha siitu suudinni seekkinoonniha kaphu magano lowo geeshsha waajjanno. Ayirrinyisi mulqaminohura mannisi wi'lanno. Kaphu magani qeesootino, «Woo» yite wi'litanno.

HOOSEI 13:2

Xaano cubbu aana cubbo loossanni no. Uminsara birra daashshite siittu misillanni kaphu maganna seekkidhe kumbuultino. Tenne angatenni seekkinoonnitera siittu misillara, «Amme kakkalo shiqishshe; sunqensa» yitanno.

SOQQAMAASINETE LOOSO 17:29

Xa ninke isi ooso ikkinummoro, ‹Magano mannu ogimmanninna hayyonni daashshine seekkinoonni culka woy birra, qoleno kincho bonce seekkinoonni uduunnicho lawanno› yine heda dihasiissanno.

SOQQAMAASINETE LOOSO 7:41

Hatte yannara siitu misile seekkite isera kakkalo shiqishshino. Angansanni seekkidhinorira hagiidhite jila ji'litino.

UMI QORONTOOSI 10:7

«Mannu itaranna agara ofolli; sirbahono kai» yine borreessinoonninte gede, insa giddonni gamisu kaphu maganna magansidhino; ki'neno insa gede ikkitinoonte.

MARRO 9:16

Halaalinta ki'ne Magani'ne Kaaliiqi aana sao assitinoonnita laoommo. Daashshine seekkinoonnita siitu misileno umi'nera qixxeessidhinoonni. Kaaliiqi hajajino'ne doogonni rakkine fultinoonni.

EJJEETTO 8:24

Gedewooni qole, «Adhitine dagginoonni buticha uyitinaera hasi'roommo» yiinsa. (Ismaeelootu culku buticha wodhitannoreeti).

EJJEETTO 8:27

Gedewooni culkunni misile seekke, ilamino katamira Ofira wori. Israeele baalanti tenne misile magansi'ratenni Maganoho ammanama hoogginohura, misile Gedewooniranna maatesira woshshaado ikkitu.