FULO 32:11 - Qullaawa Maxaafa

¹¹ Muse kayinni Kaaliiqi Maganisira eegamanni, «Kaaliiqa'ya, jawanna wolqaataame angakkinni Gibitsetenni fushshootto mannira togo mayira hanqitto?

FULO 32:11 ပူးပေါင်းရင်းမြစ်များ

KALAQAMA 18:27

Abirihaamino daware, «Ani bukonna buluulo ikkoommohu ate Mootichi'ya ledo hasaawa wonaa hanafoommona hanqitootie.

UMI MOOTOOLLA 8:51

Insa ate mannaatinna iqqakkiiti; booso giira gede ittannotenni Gibitsete gobbanni fushshootto mannakkiiti.

NEHIMIYA 1:10

«Magano, kuri soqqamaanokkiitinna umikki mannaatiwe. Kunni albaannino jawa wolqakkinninna jawaata cigilekkinni gatisoottonsa.

FAARSO 106:23

Maganu mannasi hunara kaita, doorinosihu Muse mereeroho uurre, hunannonsakki gedenna hanqosino aguranno gede Magano huucci.

FULO 32:7

Kaaliiqi Musera, «Gibitsetenni fushshittohu mannikki cubbo loose aneno agurinona rakke dirri.

FULO 6:6

Kunnira Israeelete, ‹Ani Kaaliiqaati; Gibitsootu abbitino'ne shetto borojjimmannitewiinni gatise fushsheemmo'ne; anga'ya kayise bati'rino qarra insa aana dirriseemmo; ki'neno wode fushsheemmo'ne.

FULO 8:8

Ferioonino Musenna Aarooni woshshe, «Kaaliiqira kakkalanno gede manna'ne agureemmona, beche'naama anenna manni'ya aaninni hoolanno gede Kaaliiqa huucce"e» yiinsa.

ISAYAASI 63:17

Kaaliiqa, doogokkinni fulle ba'nanna mayira worte laittonke? Waajjineemmohekki gede wodananke mayira kaajjishitto? Soqqamaanokki ikkinoommoriwa mannikkiwa higinke.

ERMIYAASI 15:1

Kaaliiqi, «Musenna Saamueeli huucciteennae nafa konne manna dimaareemmona, albi'yanni ho'lanno gede assi.

ERMIYAASI QURTO 2:20

Kaaliiqa'ya lai! Ninke gede assite wole qorichishoottoni? Meentu ilansanna lossi'rino ooso itona? Qeesootanna himanaano Qullaawa Mine shinona?

HIZIQEELI 20:9

Ikkollana, ledonsa hee'rannohu wole gobba manni afanna Gibitsetenni fushshammonsara xaaroommo daafiranna su'mi'ya arrassamara hasi'roommokkihura hatto diassoommo.

DAANIEELI 9:15

«Mooticha Maganonke! Kunni albaanni mannakki jawaata cigilekkinni Gibitsetenni fushshite su'makki techo geeshsha lowo mannira egennamanno gede assootto. Ninke kayinni cubbaataammanna sao assineemmore ikkinoommo.

IYUEELI 2:17

Kaaliiqi soqqamaano qeesootu, kakkalote dargira albaanni uurrite wi'litanni, «Kaaliiqanke ballo, mannakki marari; daga mishshanninna qacifattanni, ‹Maganinsa hiikko nooyya?› yitanni, arrassitannonsa gede assitooti» yitona.

KIIRO 11:11

Qoleno Kaaliiqa, «Ani borojjichikki ma"asseennaheeti kunni baalunku manni duha duhisiisse qarrisattoehu?

KIIRO 14:13

Muse qole Kaaliiqira, «Konne manna wolqakkinni Gibitsetenni fushshoottohu ateetina, konne coye insa affuro,

KIIRO 16:22

Musenna Aarooni kayinni alba higge gombisante, «Mannu baalunkura lubbo worootto Magano! Mittu manchi loosino cubbira wo'munkura hanqatto?» yitanni woxarattu.

KIIRO 21:7

Mannuno Musewa daye, «Kaaliiqinna ate aana busha coye coyi'rankenni sayinsoommona, hamaso aaninkenni hoolanno gede Kaaliiqa huuccinke» yii. Museno Kaaliiqa huucci.

KIIRO 27:4

Labbaa beetto hoongo daafira calla su'misi ga'resi giddonni ba"anno? Ayiddinke ledo ninkerano iqqa uuyyenke» yee xa'mi'ri.

UMI SAAMUEELI 15:11

«Saaooli moohisiisa'yara dadilloommo. Isi ane agurino; hajajo'yano diwonshino» yii. Saamueelino yaade, hashsha wo'ma Kaaliiqa huuccanni gali.