FULO 30:1 - Qullaawa Maxaafa

¹ «Hixaana giirranni uduunnicho waaccote haqqinni seekki.

FULO 30:1 ပူးပေါင်းရင်းမြစ်များ

UMI MOOTOOLLA 6:20

Kuni giddoyidi holgi seendille 9 qaafo, godowa 9 qaafo, hojja 9 qaafo assine gudinse aanaho fila culka xallinoonniho. Kakkalote uduunnichino bonce seekkinoonnita Libaanoosi haqqe aanaho dirroonniho.

UMI MOOTOOLLA 6:22

Qullaawa Holge noohura kakkallanni uduunnichiranna Qullaawa Mine giddo qolle murroonni holgira gudise culka xallino.

UMI MOOTOOLLA 7:48

Selemooni Kaaliiqi Minira ikkanno gede kunninni aane noo uduunne seekkisiisi. Kunino: Culkunniha kakkalote uduunnicho, Kaaliiqira shiqinshanniha qullaawa tima worranniha culku xarapheezza,

UMI DUDUWO 28:18

Hattono hixaana giirranni uduunnichonna qoollansa Kaaliiqi Taabooti Gondoorunnihu iimaanni diriirsitannota kirubeeli misilla worranni lami-qale seekkate filu culki mageeshshihu hasiisannoro kulisi.

UMI DUDUWO 6:49

Shilqote kakkalonna hixaana giirranni uduunnichi aana kakkalo shiqishshannori Aarooniitinna ilamasiiti. Qolteno Maganu soqqamaanchi Muse hajajino garinni Qullaawa Holge magansi'rate seeranna Israeelete cubbo agursiisate kakkalora annimma uyinoonnirino insaati.

LAYINKI DUDUWO 26:16

Ooziya jawaante afi'rihu gedensaanni hajajamannokkiha ikkino. Hajajama giwasino uwanno gede assitinosi. Hixaana giirranni uduunnichi aana hixaana giirara Qullaawu Minira eatenni Kaaliiqa Maganosi seyatino.

FULO 30:10

Aarooni dirunni mitte hige cubbo diwate seera wonshona; dirunni mitte hige cubbu kakkalo mundee buuddate aana buure ilamate ilama geeshsha keereensona. Kuni ane Kaaliiqira co'onta qoromboonniho» yii.

FULO 30:2

Hojjano godowano mitte mitte cigile ikkona; 4 baqo worreenna uurrinsha 2 cigile ikkona; shoolente madderano mitto mitto buuda worrona.

FULO 31:8

xarapheezzanna aanisi uduunne, filu culkinni seekkinoonniha caabbicho worrannihanna ledo uduunne baala, hixaana giirranni uduunnichira, shilqote kakkalora ikkannoha kakkalote darganna ledo uduunne baala, hayishshi'nanni gabate ise worranni shae,

FULO 35:15

hixaana giirrannihanna dawaayye, buurranni zayite, tanni yee su'naanno hixaana, dukkanu xullichira gollanni dukko,

FULO 39:38

culkunni seekkinoonniha hixaana giirranni uduunnicho, buurranni zayite, tanni yee su'naanno hixaana, Dukkanu xullichira seekkinoonni dukko,

FULO 40:5

Hixaana giirranniha culku uduunnicho holgi dukkora gobbaanni Taabootaho albaanni uurrisi; dukkono Dukkanu xullichira suti.

HIZIQEELI 41:22

haqqetenni seekkinoonnihu kakkalote darga lawanno xarapheezzi no. Isino 4 madde noosiha ikkanna, mitte mittenti madde 2 cigileeti; hojjano 3 cigileeti. Madde irkissanno tuuqqa, hundanna midaado haqqetenni seekkinoonnireeti. Manchuno, «Kuni Kaaliiqi albaanni hee'ranno xarapheezzaati» yiie.

LEEWAAWOOTA 4:18

Qoleno, shiima mundee haa're Xaadu Dukkani giddo ane albaanni nootera hixaana giirranniwa shoolente maddera noo budda aana coccossona. Gattino mundee gudise Xaadu Dukkana e'nanniwa shilqote kakkalo shiqinshanni dargira woroonni dunona.

LEEWAAWOOTA 4:7

Qoleno, shiima mundee haa're, Dukkanu giddo hixaana giirranni uduunnichira shoolente maddera nootera shoolente buudda aana coccossona. Gattino mundee Dukkanu xullichi hunda shilqinshanni kakkalo darga dunona.

KIIRO 3:31

Insa Taaboota, xarapheezza, caabbicho worranni uduunnicho, kakkalote uduunne, Qullaawu Dukkani uduunne baala, Qullaawu Holgi waalchi dukkonna ledo noo uduunne baala agartanno.

KIIRO 4:11

«Culkunni seekkinoonnihura kakkalote uduunnichira bule hocco dibbe, aanaho cuukkinoonni itiille gante dawaayye base basensara wortona.

IBIRAAWOOTA 9:4

Hakko holgi giddo culkunni seekkinoonnihu hixaana giirranni udiinnichinna culka xalline seekkinoonnihu ayirradu gondooru taabooti no. Kunni gondooru taabooti giddo, mennaho yinanni sagale worroonnihu culkunni seekkinoonni xilti, lattinoti Aarooni siqqicho, gondooro aanaho borreessinoonniri lame bocame kinna no.

YOHAANNIS AJUUJA 8:3

Hakkunni gedensaanni wolu sokkaasinchi daye culkunni seekkinoonniha hixaana giirranni uduunnicho haa're daye, kakkalote dargi mule uurri. Qullaawu manni baalu huuccatto ledo shiqishanno gede, ayirradu barcimira albaanni noohu culkunni seekkinoonni uduunnichi aaninni haa'ne lowo hixaana uyinisi.