FULO 3:8 - Qullaawa Maxaafa

⁸ Gibitsootu anganni gatisammonsara dirroommo. Gibitsetenni fushshe Kana"aanootu, Hitootu, Amooraawootu, Ferizootu, Hiwootunna Iyaabuusootu heedhannota adonna malawu wo'minota hala'ladonna shaqqado baatto eemmonsa.

FULO 3:8 ပူးပေါင်းရင်းမြစ်များ

KALAQAMA 11:5

Hakkunni gedensaanni, Kaaliiqi mannu mininoha katamanna gordo iillino mine la"ara dirre,

KALAQAMA 11:7

Kunnira amme dirrinona; insa insanaawa sumuu yitannokki gede qaalensa burduunqona» yii.

KALAQAMA 15:13

Kaaliiqi Abiraamira, «Sirchikki allaggu gobbara wosi'ne hee'rannota seekkite afi; hakkiichono borojjimmatenninna kadamatenni 400 diro hee'ranno.

KALAQAMA 15:14

Ani kayinni, insa borojje assi'ranno manna qorichisheemmo; hakkunni gedensaanni lowo jiro adhite hatte gobbanni fultanno.

KALAQAMA 18:21

Hanni anewa iillitino raare addahoronna dharahoro la"ammora dirreemmo» yii.

KALAQAMA 43:11

Anninsa Israeeli, «Maahoyye hatto ikkannoha ikkiro yitinoonnita asse; dancha gobbanke laalcho: Shiima buudhinanniha belesaani xagicho, shiima malawo, shitto, kaarbe, hawaawenna ocholoone haadhine ogorra'nera wortine massitine hakko manchira afansha assitine uuyye.

KALAQAMA 46:4

Ani Gibitse ledokki ha'reemmo; hakkiinnino qole sirchokki fushsheemmo; Yooseefino reyatto yannara amadannohe» yiisi.

KALAQAMA 50:24

Yooseefi roduuwisira, «Ani reyammoraatina, Maganu kayinni addintanni kaa'la'nera daanno; tenne baattonnino fushshe Abirihaamira, Yisihaaqiranna Yaiqoobira aansara xaarino baattono iillishanno'ne» yiinsa.

UMI DUDUWO 1:15

Hiwootu, Arqootu, Siinootu,

NEHIMIYA 9:8

Isino atera ammanaminoha ikkinota afootto; isi ledo gondooro eootto; Kana"aanootu, Hitootu, Amooraawootu, Ferizootu, Iyaabuusootunna Gergesootu heedhannota, Kana"aanootu baatto sirchisira iqqa assite aate xaaritto; ati ammanamoottoha ikkoottohura eootto gondooro seekkite agarootto.

FAARSO 12:5

Kaaliiqi kayinni, «Buxanete qarrira, mitiimmaammu raarera xa kaeemmo; halchitino keereno eemmonsa» yaanno.

FAARSO 12:6

Kaaliiqihu hexxote qaali ammanaminoho; qaalisino lamala hinge giiratenni daashshine fushshinoonni siwiili gedeeho.

FAARSO 34:8

Kaaliiqi shaqqado ikkinota shiqqine la'e; iso golosi assi'rino manchi ba'raa'rinoho.

FAARSO 91:15

Woshshi'rannoe woyite, ‹Yee› yeemmosi; qarramanno yannara ledosi hee'reemmo; gatiseemmosi; ayirrado asseemmosi.

FULO 12:41

Shoolu xibbinna sajjuu diri wo'mita, Kaaliiqi manni ga're baala Gibitsete gobba agurte fultino.

FULO 12:51

Hakko barra, Kaaliiqi Israeelete manna ga're ga'rentenni Gibitsete gobbanni haa're fushshi.

FULO 13:5

Kana"aanootunnita, Hitootunnita, Amooraawootunnita, Hiwootunnitanna, Iyaabuusootu baatto ragisiisanno'ne gede Kaaliiqi akaakka'nera xaarino; tenne malawunna ado wo'mitino baatto haa're massanno'ne yannara, diru dirunkunni umi aganira konne ayyaana ayirrissinanni.

FULO 3:17

Gibitsete gobba qarrinni fushshe Kana"aanootu, Hitootu, Amooraawootu, Ferizootu, Hiwootunna Iyaabuusootu heedhannota adonna malawu wo'mino baatto eemmo'ne yee coyi'roommo.

FULO 34:11

Techo barrinni hajajeemmohe hajajo agadhi; anino Amooraawoota, Kana"aanoota, Hitoota, Ferizoota, Hiwootanna, Iyaabuusoota albi'nenni shorreemmo.

FULO 5:23

Ani ate su'minni coyi'rate Feriooniwa shiqummonkunni mannu aana qarra batisino; atino konne manna gatisate assoottori dino» yii.

ISAYAASI 36:17

Kuni ikkannohu Asoori moote ki'neta labbanno baattora masse wora'ne geeshshaati. Hatte baattono woyinete haqqenna sagalete ikkanno gidi fulannote.

ISAYAASI 64:1

Gordo darte mayira dirra giwitto? Ilaallano ate waajjite huxidhoommero maaho!

ERMIYAASI 11:5

Hatto ikkiro, xa heedhinoonnita danchanna shaqqado baatto aammonsara xaaroommo xaaro wonsheemmo» yii. Anino, «Maahoyye danchate Mooticha'ya!» yoommo.

ERMIYAASI 2:7

Laalchosenna wole atoote baala ittanno gede, danchanna shaqqado gobba haa're abboommonsa. Insa kayinni baatto'ya batteessitu; iqqa asse oommonsata baatto'ya huntu.

ERMIYAASI 32:22

Akaakkansara ootto hexxo garinni, tenne danchanna shaqqado adonna malawu lolahanno baatto ragisiisoottonsa.

HIZIQEELI 20:6

Gibitsetenni fushsheemmonsatanna ani doorommonsatewa malawunna ado lolakkannota roore baatto haa're masseemmonsa gede hexxo oommonsahu hakka warooti.

LEEWAAWOOTA 20:24

Ki'ne kayinni baattonsa ragidhinanni; malawunna ado lolakkanno gobba iqqammo'nera hexxo oommo'ne. Dagatewiinni badoommo'nehu ani Kaaliiqi Magano'neeti.

AMOOTSI 2:10

Gibitsete gobbanni fushshe 40 diro wo'ma halallitte gobbara massagoommo'ne. Amooraawootu baattono ki'nera iqqa asse oommo'ne.

KIIRO 13:18

Gobba hiittootero, gobbate aana noo mannino mageeshshihoro, qoleno mannu laafahoronna jawaatahorono buuxxe.

KIIRO 13:19

Heedhanno gobba danchateronna bushatero, mannu fano darga hee'rannohoronna qiinshoonni katammara noohoro la'e.

KIIRO 13:27

Muserano, «Soottonke gobba marre la'noommo; baattono adonna malawu wo'minote; hala'ladotenna shaqqadote; gobbate laalchino konneeti.

YOHAANNISI 3:13

Gordunni dirrinoha Manchi Beetto agurranna gordu iimira fulinohu wolu dino» yii.

YOHAANNISI 6:38

Ani gordunni dayommohu soyinoehu hedinore wonshammoraati ikkinnina, umi'ya hedo wonshate di"ikkino.

MARRO 1:25

Hatte baattonni laalcho haadhe dagge, ‹Maganinke Kaaliiqi aannonke baatto danchate› yite kultinonke.

MARRO 1:7

Galtinanni darga diiggine gaaraame Amooraawootu gobba hadhe. Hakkiichinnino Yordaanoosi Lagichira, ilaalaame gobbara gammoojjittete Negebinna Mediteraaniyu Baari qaccera hee'ranno manniwa hadhe. Qoltineno Kana"aanootu gobbanna Libaanoosi, lowo Wayi Efiraaxisihu geeshsha iille.

MARRO 27:3

Annuwa'ne Magani Kaaliiqi uyino'ne hexxo garinni, malawunna ado lolakkanno gobba iillitinanni yannara, konne seeranna roso tenne kinna aana borreesse.

MARRO 28:11

Kaaliiqi aa'nera annuwa'nera xaarino baattora godowi'ne guminni, saada'ne qallonninna baatto'ne laalchinni ikkite gattanno jiro aanno'ne.

MARRO 6:3

Kunnira Israeele, macciishshe! Annuwa'ne Magani Kaaliiqi uyino'ne hexxo garinni, malawunna ado lolakkannotera danchanna shaqqado baattora seyanno'ne gedenna lowo geeshsha batidhinanni gede, hajajosi seekkitine agadhe.

MARRO 7:1

«Magani'ne Kaaliiqi martine ragidhinanni baatto massanno'nenna haammata ki'ne roortannota jajjabbanna wolqaataamma 7 daga: Hitoota, Gergesoota, Amooraawoota, Kana"aanoota, Ferizoota, Hiwootanna Iyaabuusoota albi'nenni shorranno yannara,

IYYAASU 9:1

Aliyyenni Libaanoosi geeshsha Mediteraaniyu Baari qaccenna Yordaanoosira galchimaanni alichohono gammoojjeteno noo mootoolla baalanti Israeele qeeltinota macciishshitu. Insano Hitootu, Amooraawootu, Kana"aanootu, Ferizootu, Hiwootunna Iyaabuusootu mootoollaati.

IYYAASU 9:7

Israeelete manni kayinni, «Miteekkitine ki'ne mulinni dagginoonnire ikkitinara dandiitinanni. Kunnira, ki'ne ledo hiitto ikkine gondooro e'neemmo?» yitunsa.