FULO 3:7 - Qullaawa Maxaafa

⁷ Hakkunni gedensaanni Kaaliiqi, «Manni'ya Gibitsete gobbara qarrame noo gara laoommo; gadadissannori anganni fushshannoha hasidhe raartino raare macciishshoommo; iillinonsa qarrano afe,

FULO 3:7 ပူးပေါင်းရင်းမြစ်များ

KALAQAMA 16:11

Kuneeti, godowoottaha labbaa beettono ilatta; Kaaliiqi dadillunnita wi'lakki macciishshinohe daafira, su'masi Ismaeeli yaatta.

KALAQAMA 18:21

Hanni anewa iillitino raare addahoronna dharahoro la"ammora dirreemmo» yii.

KALAQAMA 21:17

Maganuno qaaqqu raare macciishshi; Maganu sokkaasinchi gordoho hee're, «Aggaara! Mayi qarrisinohe? Maganu qaaqqu raare macciishshinona waajjitooti.

KALAQAMA 29:32

Liya godobbe labbaa beetto ilte, «Kaaliiqi qarra'ya laino; kunni ka'a ayiddaanni'yano baxannoe» yite su'ma Roobeeli yite fushshitu.

KALAQAMA 31:12

‹Me"eho badhe sa'anno gocca burroota, muraamurrootanna eleellaamma ikkitinota lai. Laaba ate aana assino sao afoommo daafira konne coye assoommohu aneeti.

KALAQAMA 31:42

Anni'ya Yisihaaqi magansi'rannohu Abirihaami Magani ledo'ya hoogoommero, mulla anganni ha'risse hoogoottoe; Maganu ankarro rufinohehu qarra'yanna daafuro'ya laeeti» yiisi.

LAYINKI SAAMUEELI 22:28

Umonsa heeshshi assitinore gatisatto; heeshshi assitansara illekki boonaleeyye la'anno.

LAYINKI MOOTOOLLA 13:4

Hakkunni gedensaanni Iyoahaazi Kaaliiqa huucci'ri. Kaaliiqino Sooriyu moote Israeelete aana assino beebba lowo geeshsha batidhinota lae, Iyoahaazi huuccatto macciishshi.

LAYINKI MOOTOOLLA 20:5

«Manna'ya gashshinohura Hiziqiyaasira marte, ‹Albihu awurikki Daawiti Magani ani Kaaliiqi huuccattokki macciishshoommo; hindiiddokkino laoommo; hurseennahe 3 barri gedensaanni Qullaawu Minira ha'ratto.

NEHIMIYA 9:9

«Ati akaakkanke Gibitsete heedheenna iillinonsa qarra laootto; Duumu Baari mule heedhe, kaa'lattonsara shiqishidhino huuccatto macciishshootto.

FAARSO 106:44

Kuni duuchu ikke hee'reennanni, huuccidhannosi woyite macciishshinonsa; qarransano laino.

FAARSO 12:6

Kaaliiqihu hexxote qaali ammanaminoho; qaalisino lamala hinge giiratenni daashshine fushshinoonni siwiili gedeeho.

FAARSO 142:3

Hexxo mudheemmo woyite ma"assa hasiissannoero afino; baarigaarra'ya ha'reemmo doogora woshshaado wortue.

FAARSO 145:19

Ayirrissannosirira hasiisannonsare baala aannonsa; raarensa macciishshe gatisannonsa.

FAARSO 22:24

Qarraataamo dimishanno; lashshino diassanno; albasino isiwiinni shawwu diassanno; isiwa raaranno woyite macciishshannosi.

FAARSO 34:4

Kaaliiqa huucci'rummo, isino dawarie; waajjishannori baalunkunnino gatisie.

FAARSO 34:6

Ani qarraataamu Kaaliiqiwa hige raarummo; isino macciishshie, qarri'ya baalunkunni gatisie.

FAARSO 35:22

Kaaliiqa'ya! Ati afoottona sammi yitooti; Mootichi'ya ballo anewiinni faffooti.

FAARSO 9:14

Konne assittoero, Tsiyooni nafarchira uurre, galatakki baala kuleemmo; gatisoottoehurano hagiidheemmo.

FULO 1:11

Yitinonte gede Gibitsootu, wolqate loosinni gadadissannore kaajjadda Gibitsete loosiisaano wortunsa; Ferioonirano, Fitoominna Raamise yinannire gidenna uduunne duunnanni katamma mintanno gede assitu.

FULO 1:8

Hakkunni gedensaanni, Gibitsete gobbara Yooseefi egenninokkihu haaru moote moohi.

FULO 22:23

Qarrissineennansa anewa higge raarturo, ani raarensa macciishshe kaa'leemmonsa;

FULO 33:13

Baxattoeha ikkiro, hedoottori maatiro kulie; konne mannano ateha assite doodhoottota qaagi» yii.

FULO 5:10

Israeele loosiissannori kaajjaddu Gibitsootinna roorrootinsa marte mannaho, «Moote kunni ka'a cide uyinanni'nekki gede hajajino.

FULO 5:6

Hakko barranni Feriooni kaajjadda Gibitsoota loosiissannonsa gedenna insara roorroota ikkitanno gede hajajanni:

ISAYAASI 63:9

Qarrinsa yanna baalantera ledonsa qarramino; sokkaasincho soye ikkikkinni, isi umisi daye baxillisinninna maarosinni gatisinonsa; bi're hundinni kayise isi duhinonsa.

KIIRO 20:16

Kaaliiqi widira hinge raarreenna isino macciishshe sokkaancho soye Gibitsetenni fushshinonke. «Xa kune gashshootikki dannira Qaadesi Katamira hee'noommo.

SOQQAMAASINETE LOOSO 7:34

Gibitsete gobbara noohunniha manni'ya qarra addinta afoommo; qarrunnita raarensano macciishshoommo. Kunnira gatisammonsara dirroommo. Xa ate Gibitsete gobba soyammoheraatina amo› yii.

IBIRAAWOOTA 4:15

Cubbo agurranna ninke gede baalu coyinni fonqolaminohu Qeesootu Qari noonke. Isi wolqanke anjera kaa'le afannokkiha di"ikkino.

UMI SAAMUEELI 9:16

«Ga'a tenne yannara Biiniyaami ga'renni mitto beetto atewa soyemmona, manna'ya Israeele gashshanno gede buuri. Isi manna'ya Filisxeemete anganni gatisanno. Anino manni'ya qarra iima hee're laoommo; raarensano macciishshoommo» yiinosi.