FULO 3:22 - Qullaawa Maxaafa

²² Meenti'neno minensanna olliinsara noo meenti Gibitsennihuwiinni imaana, culka, birranna woleno seesu uduunne aannonsa gede xa'mi'rona; adhinoreno oosonsara labballohonna seenneho uddisiisi'ranno; kunni garinni Gibitsoota mulqitine fultinanni» yii.

FULO 3:22 ပူးပေါင်းရင်းမြစ်များ

KALAQAMA 15:14

Ani kayinni, insa borojje assi'ranno manna qorichisheemmo; hakkunni gedensaanni lowo jiro adhite hatte gobbanni fultanno.

KALAQAMA 24:53

Qoleno birrunna culku irra imaanano fushshe Ribiqara uyise; rodiiseranna amaserano ayirrado uduunne uyinsa.

FAARSO 105:37

Hakkunni gedensaanni, Israeele haa're fushshinsa; insa fultu yannara culkanna birra adhite fultino; giddonsanni mittuno badhera hige gatinohu dino.

FULO 11:2

Israeelete manni labbaahuno meyatino ollaansa ikkitino Gibitsootiwiinni culkunna birru irra huuccidhe adhitanno gede xaanni kulinsa» yiisi.

LAWISHSHA 13:22

Keeraanchu manchi jirosi oososi oosora sayisanno; cubbaataamu jiro kayinni keeraanchoho gattanno.

ISAYAASI 33:1

Ayino huninsakkinni huntannorira, ayino xagarinsakkinni xagartannorira, diinnankera aanne'e! Insa huntannohunna xagartanno barri saeenna, insa uminsa ba'anno barri daanno.

HIZIQEELI 39:10

Kunnira, olu bagado giidhitanno daafira, haqqe hiiqqi'ranna kadha dihasiissannonsa; alba horritinonsare qolte rabbate horritanno. Ani Mootichu Kaaliiqi konne coye coyi'roommo» yii.