FULO 3:21 - Qullaawa Maxaafa

²¹ «Fultinanni yannara Gibitsootu albaanni gaacheena eemmo'ne daafira, mulla anganni dihadhinanni.

FULO 3:21 ပူးပေါင်းရင်းမြစ်များ

KALAQAMA 15:14

Ani kayinni, insa borojje assi'ranno manna qorichisheemmo; hakkunni gedensaanni lowo jiro adhite hatte gobbanni fultanno.

KALAQAMA 39:21

Kaaliiqi ledosi hee're, bagamannokki baxillinni towatanni, usuru mini roorrichi albaanni gaacheena uyisi.

UMI MOOTOOLLA 8:50

Cubbonsanna ate aana assitino sao baala agurinsa; diininsano mararannonsa gede assi.

NEHIMIYA 1:11

Kaaliiqa'ya ballo, kuneeti xaano ane soqqamaanchikkitanna ate ayirrisa baxxannorita wolootu huuccattono macciishshi. Techo loosate hedoommo coyi qinaannoe gede mootete wodana shaqqishatenni kaa'lie» yaanni huucci'roommo. Hatte yannara ani mootete woyinete xajje xorsheemmo.

FAARSO 105:37

Hakkunni gedensaanni, Israeele haa're fushshinsa; insa fultu yannara culkanna birra adhite fultino; giddonsanni mittuno badhera hige gatinohu dino.

FAARSO 106:46

Gadadissannonsari baalu, marartannonsa gede assi.

FULO 11:2

Israeelete manni labbaahuno meyatino ollaansa ikkitino Gibitsootiwiinni culkunna birru irra huuccidhe adhitanno gede xaanni kulinsa» yiisi.

FULO 11:3

Kaaliiqi, Israeelete Gibitsootu albaanni gaacheena uyinsa; Feriooni ledo gashshaanonna mannu baalu, Museno ayirrisisi.

FULO 12:35

Israeele Muse kulinonsante gede, Gibitsoota culkunna birru irra hattono imaana uyitannonsa gede xa'midhu.

FULO 12:36

Kaaliiqino, Gibitsootu Israeele ayirrissannonsa gedenna hasidhinore baalanka uyitannonsa gede assi; kunni garinni Israeele Gibitsete jiro gudhite hadhu.

LAWISHSHA 16:7

Kaaliiqi hagiirsiinsisiro, diinu ledo nafa keere hee'nanni gede assanno.

SOQQAMAASINETE LOOSO 7:10

Qarru baalunkunnino fushshe, Gibitsete moote Feriooni albaanni ayirrinyenna egenno uyinosi. Mooteno Gibitsetenna minisira baalaho hajajaancho assinosi.

MARRO 15:13

Borojjimmatenni fushshitinanninsa yannara, mulla anganni ha'rissinoontensa.