FULO 3:20 - Qullaawa Maxaafa

²⁰ Kunnira, ani anga'ya kayise maala'linanni garinni Gibitse ganeemmo; hakkunni gedensaanni hadhinara aguranno'ne.

FULO 3:20 ပူးပေါင်းရင်းမြစ်များ

KALAQAMA 15:14

Ani kayinni, insa borojje assi'ranno manna qorichisheemmo; hakkunni gedensaanni lowo jiro adhite hatte gobbanni fultanno.

NEHIMIYA 9:10

Gibitsete moote aana, roorrootisinna baattosira hee'ranno manni baalu aana, dhaggenna maalale leellishootto. Hatto assoottohuno insa mannakki assite gadadissino gara afoottohuraati; hatto assakkinni techo geeshsha su'mikki maccaha ikkino.

FAARSO 105:27

Insa Gibitsootu mereero maalale assitu; hatte gobbara dhagge loossu.

FAARSO 105:38

Gibitsootu lowo geeshsha waajjitinonsa daafira, fulansara hagiidhitu.

FAARSO 106:22

Gibitsete heedheenna hiittoo dhagge loosino! Duumu Baari aana hiitto waajjinannire assino!

FULO 11:1

Hakkunni gedensaanni Kaaliiqi Musera, «Feriooniranna mannisira mitto qoomama lede soyemmo; hakkunni gedensaanni hadhinanni gede aguranno'ne; aguranno'ne woyite, mittuno gattinikkinni shorre ha'risanno'ne.

FULO 12:39

Gibitsetenni fultu yannara, sagale qixxeessi'ratenna shiisheenna tima ga'nate yanna afidhinokki daafira, Gibitsetenni adhite fultinoha liisamino gide tima ga'nitu.

FULO 13:3

Muse mannaho, «Kaaliiqi wolqasinni Gibitsete gobbanni borojjimmatenni gatise fushshino'ne barri konneetina habbinoonte. Kunni barrinni shiishino tima ittinoote.

FULO 13:9

Kuni ayyaanino, anga'nera usudhitinoonnihunna albi'nera wodhitinoonni malaati gede ikko'ne; Kaaliiqi Gibitsete gobbanni jawa wolqasinni fushshino'ne daafira, seerisi wo'manka woyite afii'nenni fafikkinni marro higgine buuxxinanni gede qaagiissanno'ne.

FULO 15:11

Kaaliiqa, magannate giddo ate gedeehu ayi no? Maala'linanni qullaambehu, waajjishanno xirchihu, dhagge loosannohu ate gedeehu ayi no?

FULO 15:6

Kaaliiqa, qiniiticho angakki, ayirradotenna wolqaataamete; diina gante butu assitanno.

FULO 4:21

Kaaliiqi Musera galagale, «Xaate Gibitse ha'ratto daafira, oommohe wolqanni Feriooni albaanni maalale assattota habbooti; ikkeennano, ani wodanasi dilleesseemmo daafira manna'ya fulara diaguranno.

FULO 6:1

Kaaliiqino Musera, «Feriooni asseemmota la"attona agari; manna'ya baxikkinni aguranno; iso giddeesse, manna'ya gobbasinni rahe ha'risanno gede asseemmo» yiisi.

FULO 6:6

Kunnira Israeelete, ‹Ani Kaaliiqaati; Gibitsootu abbitino'ne shetto borojjimmannitewiinni gatise fushsheemmo'ne; anga'ya kayise bati'rino qarra insa aana dirriseemmo; ki'neno wode fushsheemmo'ne.

FULO 9:15

Atenna mannakki dhibbunni ganoommoro, baalunku baattote aaninni gooffinanni.

ISAYAASI 19:22

Kaaliiqi Gibitsoota qorichishanno; insano isiwa higganno. Huuccattonsa macciishshe galagalche hursannonsa.

ISAYAASI 26:11

Kaaliiqa, angakki bushuulle qorichishate ka'e no; insa kayinni diaffino; mannikkira mageeshshi laala noohero affe waajjito; insa diinnakkira qixxeessootto giira itto.

HIZIQEELI 20:33

«Ani Mootichu Kaaliiqi heeshshote Magano ikka'yanni xaareemmona, jawaata anga'yanni, wolqaataame cigile'yanninna buwanno hanqi'yanni gashsheemmo'ne.

MIKIYAASI 7:15

Gibitsete gobbanni fultu wari gede dhaggekki leellishinsa.

SOQQAMAASINETE LOOSO 7:36

Gibitsetenna Duumu Baari aana dhaggenna maalale leellishanni Gibitsetenni fushshe shoyilloo diro massaginonsahu isooti.

MARRO 4:34

Magano'ne Kaaliiqa ille'nenni la'inanni Gibitsete assinonte gede jifatenni, maalalete malaattanninna dhaggetenni, gaarunni, jawaata anganninna wolqaataame cigilenni woy jawunna waajjishanno loosinni wole gosa mereero mitte gosa umisita assi'rara dandiinohu wolu Magani nooni?

MARRO 6:22

Ninke illenkenni la'nanna Kaaliiqi jajjabbanna waajjishshanno dhagge Gibitsete Feriooninna minisi manni baalu aana leellishino.

EJJEETTO 6:8

Kaaliiqi mitto himanaancho soyinonsa. Isino, «Israeelete Magani Kaaliiqi, ‹Borojjimmate mininni Gibitsete gobbanni fushshummo'nehu aneeti.

EJJEETTO 8:16

Gedewoonino katamu roorroota amade, halalli utinninna kokko'linni bisonsa huduudi.